ಗ್ಯಾಂಗ್ ಲೀಡರ್ ಜತೆ ಪರಾರಿಯಾಗಿದ್ದ ಐಎಎಸ್ ಅಧಿಕಾರಿ ಪತ್ನಿ ವಿಷ ಸೇವಿಸಿ ಆತ್ಮಹತ್ಯೆ!

ಗುಜರಾತ್: ಕಳೆದ 9 ತಿಂಗಳ ಹಿಂದೆ ಗ್ಯಾಂಗ್ ಲೀಡರ್ ಜತೆ ಪರಾರಿಯಾಗಿದ್ದ ಐಎಎಸ್ ಅಧಿಕಾರಿಯ ಪತ್ನಿ ಶನಿವಾರ (ಜು.20) ವಿಷಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಗುಜರಾತ್​ನ ಗಾಂಧಿನಗರದಲ್ಲಿ ವರದಿಯಾಗಿದೆ. ವಿಷ ಕುಡಿದು ಆಸ್ಪತ್ರೆಯಲ್ಲಿ ಸಾವು-ಬದುಕಿನ ಮಧ್ಯೆ ಹೋರಾಡುತ್ತಿದ್ದ ಮಹಿಳೆ ಕಡೆಗೂ ಚಿಕಿತ್ಸೆ ಫಲಿಸದೆ ಮೃತಪಟ್ಟಿದ್ದಾರೆ. ವಿದ್ಯುತ್ ನಿಯಂತ್ರಣ ಆಯೋಗದ ಕಾರ್ಯದರ್ಶಿ ರಂಜೀತ್ ಕುಮಾರ್ ಅವರ ಪತ್ನಿ ಸೂರ್ಯ ಜಯ್(45) ಸಾವಿಗೀಡಾದ ಮಹಿಳೆ.

ಇದನ್ನೂ ಓದಿ: ಬಜೆಟ್​​ನಲ್ಲಿ ಈ ವಿಷಯವೊಂದೆ ಸ್ವಾಗತರ್ಹ: ಶಶಿ ತರೂರ್ ಹೇಳಿದ ವಿಚಾರ ಇದೇ ನೋಡಿ..

ಐಎಎಸ್ ಅಧಿಕಾರಿ ರಂಜೀತ್ ಕುಮಾರ್ ಅವರ ಗಾಂಧಿನಗರದಲ್ಲಿರುವ ನಿವಾಸದಲ್ಲಿ ಸೂರ್ಯ ವಿಷ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ್ದರು. ಮಗುವನ್ನು ಅಪಹರಿಸಿದ್ದ ಪ್ರಕರಣದಲ್ಲಿ ಭಾಗಿಯಾಗಿದ್ದ ಸೂರ್ಯ ತಮ್ಮ ಪತಿಯ ಮನೆಗೆ 9 ತಿಂಗಳ ಬಳಿಕ ಹಿಂತಿರುಗಿದಾಗ ಮನೆಯೊಳಗೆ ಪ್ರವೇಶಿಸಲು ಪತಿ ರಂಜಿತ್ ಅನುಮತಿ ನೀಡಿಲ್ಲ. ಇದರಿಂದ ತೀವ್ರ ಮನನೊಂದ ಮಹಿಳೆ, ಮನೆಯ ಬಾಗಿಲ ಮುಂದೆಯೇ ವಿಷಸೇವಿಸಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ಘಟನೆಯ ವಿವರ: 9 ತಿಂಗಳ ಹಿಂದೆ ಗೆಳೆಯನಾದ ಗ್ಯಾಂಗ್ ಲೀಡರ್ 'ಹೈಕೋರ್ಟ್ ​ಮಹಾರಾಜ'ನ ಜತೆ ಸೂರ್ಯ ಪರಾರಿಯಾಗಿದ್ದಳು. ಇದರ ಬೆನ್ನಲ್ಲೇ ಮಧುರೈನ 14 ವರ್ಷದ ಬಾಲಕನ ಅಪಹರಣ ಪ್ರಕರಣದಲ್ಲಿ 'ಮಹಾರಾಜ', ಸೂರ್ಯ ಮತ್ತು ಅವರ ಸಹಚರ ಸೆಂಥಿಲ್‌ಕುಮಾರ್ ಆರೋಪಿಗಳಾಗಿದ್ದರು. ಮಹಿಳೆಯೊಂದಿಗಿನ ಹಣಕಾಸಿನ ವ್ಯವಹಾರಕ್ಕೆ ಸಂಬಂಧಪಟ್ಟ ವಿವಾದದಿಂದಾಗಿ ಆರೋಪಿಗಳು ಆಕೆಯ ಮಗುವನ್ನು ಅಪಹರಿಸಿದ್ದರು. 2 ಕೋಟಿ ರೂ. ಬೇಡಿಕೆಯಿಟ್ಟಿದ್ದ ಆರೋಪಿಗಳಿಂದ 14 ವರ್ಷದ ಬಾಲಕನನ್ನು ಸುರಕ್ಷಿತವಾಗಿ ಪೋಷಕರಿಗೆ ಒಪ್ಪಿಸಿದ ಮಧುರೈ ಪೊಲೀಸರು, ಆರೋಪಿಗಳ ವಿರುದ್ಧ ತನಿಖೆ ಕೈಗೊಂಡಿದ್ದರು.

ಇದನ್ನೂ ಓದಿ: ಸಮಾಜಮುಖಿ ಕಾರ್ಯದಿಂದ ಅನಿಷ್ಟ ಪದ್ಧತಿ ಹೋಗಲಾಡಿಸಿ

ಇದಾದ ಬಳಿಕ ಮೂವರು ಆರೋಪಿಗಳು ತಮಿಳುನಾಡಿನಿಂದ ಪರಾರಿಯಾಗಿದ್ದರು. ಈ ಕೇಸ್​ ಬೆನ್ನತ್ತಿದ್ದ ಪೊಲೀಸರಿಂದ ಬಂಧನ ಭೀತಿ ಎದುರಾದ ಹಿನ್ನೆಲೆ ಶನಿವಾರ ಸೂರ್ಯ ಪತಿ ರಂಜಿತ್ ಮನೆಗೆ ಬಂದಿದ್ದಳು. ಆದರೆ ಯಾವುದೇ ಕಾರಣಕ್ಕೂ ಆಕೆಯನ್ನು ಮನೆಯೊಳಗೆ ಪ್ರವೇಶಿಸಲು ಬಿಡಬೇಡಿ ಎಂದು ರಂಜೀತ್ ಕುಮಾರ್ ಮನೆಗೆಲಸಗಾರರಿಗೆ ಖಡಕ್​ ಸೂಚನೆ ನೀಡಿದ್ದರು. ಇದರಿಂದ ಮನನೊಂದ ಅಧಿಕಾರಿಯ ಪತ್ನಿ, ಮನೆಯ ಬಾಗಿಲಲ್ಲೇ ವಿಷಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಪೊಲೀಸರು ವರದಿಯಲ್ಲಿ ತಿಳಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/nicely-copied-from-congress-manifesto-says-p-chidambaram-congress