ಕಾಬುಲ್​ನಿಂದ ಹೊರಟಿದೆ, 85 ಭಾರತೀಯರನ್ನು ಹೊತ್ತ ಐಎಎಫ್​​ ವಿಮಾನ

ನವದೆಹಲಿ: ಅಫ್ಘಾನಿಸ್ತಾನದಲ್ಲಿರುವ ಭಾರತೀಯ ನಾಗರೀಕರನ್ನು ತೆರವುಗೊಳಿಸುವ ಕಾರ್ಯವನ್ನು ಭಾರತ ಸರ್ಕಾರ ಮುಂದುವರಿಸಿದ್ದು, ಐಎಎಫ್​ನ ವಿಮಾನವೊಂದು 85 ಜನರನ್ನು ಭಾರತಕ್ಕೆ ವಾಪಸ್​ ತರುತ್ತಿದೆ ಎನ್ನಲಾಗಿದೆ. ಭಾರತೀಯ ವಾಯುಪಡೆಯ ಸಿ-130ಜೆ ಸಾರಿಗೆ ವಿಮಾನವು ಇಂದು ಬೆಳಿಗ್ಗೆ ಕಾಬುಲ್​ನಿಂದ ಹೊರಟಿದ್ದು, ತಾಜಿಕಿಸ್ತಾನದಲ್ಲಿ ಇಂಧನ ಭರ್ತಿಗಾಗಿ ನಿಂತಿದೆ ಎಂದು ಎಎನ್​ಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಭಾರತವು ತನ್ನೆಲ್ಲಾ ಡಿಪ್ಲೊಮಾಟಿಕ್​ ಸಿಬ್ಬಂದಿಯನ್ನು ಅಫ್ಘಾನಿಸ್ತಾನದಿಂದ ಈ ಮೊದಲೇ ತೆರವುಗೊಳಿಸಿತ್ತು. ಆದರೆ ತಾಲಿಬಾನ್​ ಮುಷ್ಠಿಯಲ್ಲಿರುವ ಅಫ್ಘಾನಿಸ್ತಾನದ ಹಲವು ನಗರಗಳಲ್ಲಿ ಸುಮಾರು 1,000 ಭಾರತೀಯರು ಇನ್ನೂ ಇದ್ದಾರೆ. ಇವರಲ್ಲಿ ಎಲ್ಲರೂ ಭಾರತೀಯ ಎಂಬೆಸಿಯಲ್ಲಿ ನೋಂದಣಿ ಮಾಡಿಕೊಂಡಿಲ್ಲವಾದ್ದರಿಂದ, ಅವರಿರುವ ಸ್ಥಳ ಮತ್ತು ಪರಿಸ್ಥಿತಿಗಳನ್ನು ಪತ್ತೆ ಹಚ್ಚುವುದು ದೊಡ್ಡ ಸವಾಲಾಗಿದೆ ಎಂದು ಗೃಹ ಸಚಿವಾಲಯದ ಅಧಿಕಾರಿಗಳು ಹೇಳಿದ್ದಾರೆ.

ಇದನ್ನೂ ಓದಿ: ಇಡೀ ಆಫ್ಘನ್ ಗೆದ್ದ ತಾಲಿಬಾನ್​ಗೆ ಅದೊಂದು ಪ್ರಾಂತ್ಯ ಮಾತ್ರ ನಡುಕ ಹುಟ್ಟಿಸಿದೆ: ರೋಚಕ ಸ್ಟೋರಿ ಇದು!

ಮತ್ತಷ್ಟು ಭಾರತೀಯರನ್ನು ದೇಶಕ್ಕೆ ವಾಪಸ್​ ತರುವುದಕ್ಕಾಗಿ, ವಾಯುಪಡೆಯ ಮತ್ತೊಂದು ಸಿ-17 ಸಾರಿಗೆ ವಿಮಾನವು, ಕಾಬುಲ್​ಗೆ ತೆರಳಲು ಸ್ಟ್ಯಾಂಡ್​ಬೈನಲ್ಲಿದ್ದು ಸಿದ್ಧವಾಗಿದೆ. ತಾಲಿಬಾನ್​ ಚೆಕ್​ಪೋಸ್ಟ್​​ಗಳಿಂದಾಗಿ ಜನರು ವಿಮಾನ ನಿಲ್ದಾಣ ತಲುಪುವುದು ಕಷ್ಟಕರವಾಗಿದ್ದು, ಸಾಕಷ್ಟು ಭಾರತೀಯರು ನಿಲ್ದಾಣ ತಲುಪಿದಂತೆ, ಮತ್ತೆ ತೆರವುಗೊಳಿಸಲಾಗುವುದು ಎನ್ನಲಾಗಿದೆ. (ಏಜೆನ್ಸೀಸ್)

https://www.vijayavani.net/good-news-corona-vaccine-for-children-zycov-d-gets-emergency-use-approval/

https://www.vijayavani.net/go-to-afghanistan-petrol-is-cheap-there-says-bjp-leader/