SA vs AUS: ದಕ್ಷಿಣ ಆಫ್ರಿಕಾ ಮತ್ತು ಆಸ್ಟ್ರೇಲಿಯಾ ನಡುವೆ ನಡೆದ 3ನೇ ಟೆಸ್ಟ್ ಪಂದ್ಯದ ವೇಳೆ ಮೈದಾನದಲ್ಲೊಂದು ತಮಾಷೆಯ ಘಟನೆ ನಡೆದಿದ್ದು, ಅದಕ್ಕೆ ಸಂಬಂಧಿಸಿದ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ದಕ್ಷಿಣ ಆಫ್ರಿಕಾದ ಆಲ್‌ರೌಂಡರ್ ವೈಯಾನ್ ಮುಲ್ಡರ್ ಅವರನ್ನು ಗುರಿಯಾಗಿಸಿಕೊಂಡು ಕ್ರೀಡಾಂಗಣದಲ್ಲಿದ್ದ ಪ್ರೇಕ್ಷಕರು ಹಾಡಿದ ಹಾಡು ಮತ್ತು ಅದಕ್ಕೆ ಮುಲ್ಡರ್ ನೀಡಿದ ರಿಯಾಕ್ಷನ್ ನೆಟ್ಟಿಗರ ಗಮನ ಸೆಳೆದಿದೆ.
ಪಂದ್ಯದ ವೇಳೆ ಮುಲ್ಡರ್ ಬೌಂಡರಿ ಲೈನ್‌ನಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದರು. ಈ ವೇಳೆ ಗ್ಯಾಲರಿಯಲ್ಲಿದ್ದ ಅಭಿಮಾನಿಗಳು ಒಟ್ಟಾಗಿ ಸೇರಿ, "ಓಹ್ ವೈಯಾನ್ ಮುಲ್ಡರ್, ನೀನು ನನ್ನ ಜೀವನದ ಪ್ರೀತಿ... ನನ್ನ ಹೆಂಡತಿಯನ್ನೇ ನಿನಗೆ ಬಿಟ್ಟುಕೊಡ್ತೀನಿ..." ಎಂಬ ರೀತಿಯಲ್ಲಿ ತಮಾಷೆಯಾಗಿ ಹಾಗೂ ಅತಿಯಾದ ಅಭಿಮಾನ ವ್ಯಕ್ತಪಡಿಸುವ ಹಾಡನ್ನು ಜೋರಾಗಿ ಹಾಡಲು ಶುರುಮಾಡಿದರು.
ಮುಲ್ಡರ್ ಕೊಟ್ಟ ಕ್ಯೂಟ್ ರಿಯಾಕ್ಷನ್
ಅಭಿಮಾನಿಗಳು ತಮ್ಮ ಹೆಸರನ್ನು ಹಿಡಿದು ಈ ರೀತಿ ವಿಚಿತ್ರವಾಗಿ ಚಾಂಟ್ ಮಾಡುತ್ತಿದ್ದಂತೆ, ಫೀಲ್ಡಿಂಗ್‌ನಲ್ಲಿದ್ದ ಮುಲ್ಡರ್ ಹಿಂತಿರುಗಿ ಪ್ರೇಕ್ಷಕರತ್ತ ನೋಡಿದರು. ಅಭಿಮಾನಿಗಳ ತಮಾಷೆ ಕಂಡು ಕೊಂಚ ಮುಜುಗರಪಟ್ಟುಕೊಂಡ ಮುಲ್ಡರ್, ಸಣ್ಣದಾಗಿ ತಲೆ ಆಟಿಸುತ್ತಾ ಮುಗುಳುನಕ್ಕರು.
