'ಚಿಕ್ನಿ ಚಮೇಲಿ' ಅಸಭ್ಯ ಹಾಡಿನ ಬಗ್ಗೆ ನನಗೆ ಮುಜುಗರವೆನಿಸಿತು; ಗಾಯಕಿ ಶ್ರೇಯಾ ಘೋಷಾಲ್​ ಹೀಗೆಳಿದ್ದೇಕೆ? | Chikni Chameli

Chikni Chameli:ಬಾಲಿವುಡ್​ ಐಟಂ ಸಾಂಗ್​ಗಳು ಯಾವಗಲೂ ವಿಭಿನ್ನ ಪ್ರತಿಕ್ರಿಯೆಗಳನ್ನು ಪಡೆದುಕೊಳ್ಳುತ್ತವೆ. ಕೆಲ ಕಲಾವಿದರು ತಮ್ಮ ಕೆಲಸದ ಬಗ್ಗೆ ಹೆಮ್ಮೆ ಪಟ್ಟರೆ ಇನ್ನು ಕೆಲವರು ವಿಭಿನ್ನವಾಗಿ ಭಾವಿಸುತ್ತಾರೆ. ಇದೀಗ ಗಾಯಕಿ ಶ್ರೇಯಾ ಘೋಷಾಲ್, ತಾನು ಹಾಡಿರುವ ಹಾಡಿಗೆ ವಿಭಿನ್ನವಾಗಿ ಪ್ರತಿಕ್ರಿಯಿಸಿದ್ದಾರೆ.

ಹೌದು, ಕತ್ರಿನಾ ಕೈಫ್​​ ನಟಿಸಿದ ಅಗ್ನಿಪಥ್​(2011) ಚಿತ್ರದ 'ಚಿಕ್ನಿ ಚಮೇಲಿ' ಎಂಬ ಅಸಭ್ಯ ಹಾಡಿನ ಬಗ್ಗೆ ನನಗೆ ಮುಜುಗರವಾಗುತ್ತಿದೆ ಎಂದು ಇತ್ತೀಚಿನ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ಶ್ರೇಯಾ ಹೇಳಿದ್ದೇನು..?

"ಚಿಕ್ನಿ ಚಮೇಲಿಯಂತೆ ಗಡಿರೇಖೆಯ ಅಸಭ್ಯವಾಗಿರಬಹುದಾದ ಕೆಲವು ಹಾಡುಗಳು ನನ್ನಲ್ಲಿವೆ. ಲೈಂಗಿಕತೆ ಮತ್ತು ಮಾದಕವಾಗಿರುವುದು ಅಥವಾ ನಿಮ್ಮನ್ನು ವಸ್ತುನಿಷ್ಠಗೊಳಿಸಿಕೊಳ್ಳುವುದರ ನಡುವೆ ಬಹಳ ಸೂಕ್ಷ್ಮವಾದ ಗೆರೆ ಇದೆ. ಕಾಲಾನಂತರದಲ್ಲಿ ನಾನು ಇದರ ಬಗ್ಗೆ ಸ್ವಲ್ಪ ಜಾಗೃತನಾಗಲು ಕಾರಣವೆಂದರೆ, ಚಿಕ್ಕ ಹುಡುಗಿಯರು ಈ ಹಾಡನ್ನು ಹಾಡುವುದನ್ನು ನಾನು ನೋಡುತ್ತೇನೆ" ಎಂದು ಹೇಳಿದ್ದಾರೆ.

ಮುಂದುವರೆದು ಮಾತನಾಡಿದ ಶ್ರೇಯಾ, '' ಮಕ್ಕಳಿಗೆ ಈ ಹಾಡಿನ ಅರ್ಥವೆನೆಂದು ತಿಳಿದಿಲ್ಲ. ಮನರಂಜನೆಗೊಸ್ಕರ ನೃತ್ಯ ಮಾಡುತ್ತಾರೆ. ಚಿಕ್ಕ ಮಕ್ಕಳು ನನ್ನ ಬಳಿ ಬಂದು ನನಗೆ ನಿಮ್ಮ ಹಾಡು ತುಂಬಾ ಇಷ್ಟ ಎಂದು ಹೇಳುತ್ತಾರೆ. ಆದರೆ, ನನಗೆ ಇದು ಮುಜುಗರವೆನಿಸುತ್ತದೆ'' ಎಂದಿದ್ದಾರೆ.

''ನಾನು ಎಷ್ಟು ಸೆಕ್ಸಿಯಾಗಿದ್ದೇನೆ ಎಂದು ಹೇಳಿಕೊಳ್ಳುವುದು ತಪ್ಪಲ್ಲ. ಆದರೆ, ಹಾಗೇ ಬರೆಯುವುದು ತಪ್ಪು. ಬಹಶಃ ಒಬ್ಬ ಮಹಿಳೆ ಅದನ್ನು ಬರೆದಿದ್ದರೆ(ಲಿರಿಕ್ಸ್​) ಅದನ್ನ ವಿನಮ್ರ ರೀತಿಯಲ್ಲಿ ಬರೆಯುತ್ತಿದ್ದಳು. ಇದು ಕೇವಲ ದೃಷ್ಟಿಕೋನದ ವಿಷಯ. ನಮ್ಮ ಸಮಾಜದಲ್ಲಿ, ವಿಶೇಷವಾಗಿ ಭಾರತದಲ್ಲಿ ಕೆಲವು ಗುರಿಗಳು ಅಥವಾ ಮಾನದಂಡಗಳನ್ನು ಹೊಂದಿಸುವುದು ಬಹಳ ಮುಖ್ಯ, ಏಕೆಂದರೆ ನಮ್ಮ ಸುತ್ತಲೂ ಏನು ನಡೆಯುತ್ತಿದೆ ಎಂದು ನಿಮಗೆ ತಿಳಿದಿದೆ." ಎಂದಿದ್ದಾರೆ.(ಏಜೆನ್ಸೀಸ್​)

https://www.vijayavani.net/shah-rukhs-family-out-of-beloved-mannat-know-the-reason