ತುಹಿನ್ ಕುಮಾರ್ ವೈದ್ಯಕೀಯ ವಿದ್ಯಾರ್ಹತೆ ಏನು ಎಂದು ಕೇಳಿದಾಗ ವೈದ್ಯರ ಬಳಿ ಸಹಾಯಕನಾಗಿ ಕೆಲಸ ಮಾಡಿದ್ದರಿಂದ ಎಲ್ಲವೂ ಗೊತ್ತಿದೆ ಎಂದು ಸಮರ್ಥಿಸಿಕೊಂಡಿದ್ದಾನೆ. ಈತ ಓದಿದ್ದು 10ನೇ ತರಗತಿ. 2012 ರಲ್ಲಿ, ಆಂಧ್ರಪ್ರದೇಶ ರಾಜ್ಯದ ಚಿತ್ತೂರು ಜಿಲ್ಲೆಯ ಮದನಪಲ್ಲಿಗೆ ತೆರಳಿ ಡಾ. ಬಿಸ್ವಾಸ್ ಅವರ ಬಳಿ ಸಹಾಯಕನಾಗಿ ಸೇರಿಕೊಂಡು, ಅಲ್ಲಿ ಪೈಲ್ಸ್ ಚಿಕಿತ್ಸೆಯನ್ನು ಕಲಿತನು. 2016ರಲ್ಲಿ ಹೈದರಾಬಾದಿಗೆ ಬಂದು ‘ಗೀತಾ ಕ್ಲಿನಿಕ್’ ಹೆಸರಿನ ಪೈಲ್ಸ್ ಚಿಕಿತ್ಸಾ ಕ್ಲಿನಿಕ್ ಆರಂಭಿಸಿದ್ದನು. ರೋಗ ಮರುಕಳಿಸದಂತೆ ಚಿಕಿತ್ಸೆ ನೀಡುವುದು ನನ್ನ ವಿಶೇಷತೆ ಎಂದು ಪ್ರಚಾರ ಮಾಡಿಕೊಂಡು ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿದ್ದನು. ಆದರೆ ಇವನ ಬಳಿ ಯಾವುದೇ ಅರ್ಹ ಪ್ರಮಾಣಪತ್ರವನ್ನು ಹೊಂದದೆ ರೋಗಿಗಳಿಗೆ ಮೋಸ ಮಾಡುತ್ತಿದ್ದನು. ನಂತರ ಈ ಪ್ರಕರಣದ ಮಾಹಿತಿ ಪಡೆದ ಪೊಲೀಸರು ದಾಳಿ ನಡೆಸಿ ನಕಲಿ ವೈದ್ಯನನ್ನು ಬಂಧಿಸಿದ್ದಾರೆ.
