ಪತ್ನಿಯ ಮೂರ್ತಿ ಮಾಡಿಸಿ ಮನೆಯಲ್ಲಿ ಇರಿಸಿದ ಪತಿ..!

ಕೊಲ್ಕತ್ತಾ: ಕೊಲ್ಕತ್ತಾದ ಕೈಖಾಲಿಯಲ್ಲಿ 65 ವರ್ಷದ ವ್ಯಕ್ತಿಯೊಬ್ಬರು ತಮ್ಮ ಮನೆಯಲ್ಲಿ ತನ್ನ ಪತ್ನಿಯ ಸಿಲಿಕಾನ್ ಪ್ರತಿಮೆಯನ್ನು ಸ್ಥಾಪಿಸಿದ್ದಾರೆ.ಇದರ ಮೌಲ್ಯ ಬರೋಬ್ಬರಿ 25 ಲಕ್ಷ ರೂಪಾಯಿ. ತಪಸ್ ಶಾಂಡಿಲ್ಯ, ನಿವೃತ್ತ ಸರ್ಕಾರಿ ನೌಕರ. ಇವರು ತಮ್ಮ ಪತ್ನಿ ಇಂದ್ರಾಣಿಯನ್ನು ಕೋವಿಡ್-19 ಸಾಂಕ್ರಾಮಿಕದ ಎರಡನೇ ಅಲೆಯ ಸಮಯದಲ್ಲಿ ಕಳೆದುಕೊಂಡಿದ್ದಾರೆ.

ಈ ಪ್ರತಿಮೆ 30 ಕೆಜಿ ತೂಗುತ್ತಿದ್ದು ಅವರ ಮನೆಯಲ್ಲಿ ದಿವಂಗತ ಇಂದ್ರಾಣಿ ಅವರ ನೆಚ್ಚಿನ ಸ್ಥಳದಲ್ಲಿ ಸೋಫಾದಲ್ಲಿ ಕೂರಿಸಲಾಗಿದೆ. ಅವರು ಜೀವಂತವಾಗಿದ್ದಾಗ ತುಂಬಾ ಇಷ್ಟಪಟ್ಟ ಚಿನ್ನಾಭರಣಗಳನ್ನು ಈ ಮೂರ್ತಿಗೂ ಹಾಕಲಾಗಿದ್ದು ಅಸ್ಸಾಂನ ರೇಷ್ಮೆ ಸೀರೆಯನ್ನೂ ಈ ಮೂರ್ತಿಗೆ ಹೊದಿಸಲಾಗಿದೆ. ಈ ಸೀರೆಯನ್ನು ಆಕೆ ತನ್ನ ಮಗನ ಮದುವೆಯ ಆರತಕ್ಷತೆಯಲ್ಲಿ ಧರಿಸಿದ್ದರು.

ಈ ಜೀವಂತ ಪ್ರತಿಮೆಯ ಶಿಲ್ಪಿ, ಸುಬಿಮಲ್ ದಾಸ್, ಇಸ್ಕಾನ್ ದೇವಾಲಯದ ಸಂಸ್ಥಾಪಕರ ಪ್ರತಿಮೆಯಿಂದ ಸ್ಫೂರ್ತಿ ಪಡೆದಿದ್ದರು. ಈ ಪ್ರತಿಮೆಯನ್ನು ಪೂರ್ಣಗೊಳಿಸಲು ಅವರಿಗೆ ಆರು ತಿಂಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಂಡಿದೆ.

"ನಾವು ದಶಕದ ಹಿಂದೆ ಮಾಯಾಪುರದ ಇಸ್ಕಾನ್ ದೇವಸ್ಥಾನಕ್ಕೆ ಭೇಟಿ ನೀಡಿದ್ದೆವು ಮತ್ತು ಆದೇಶದ ಸಂಸ್ಥಾಪಕ ಎಸಿ ಭಕ್ತಿವೇದಾಂತ ಸ್ವಾಮಿ ಅವರ ಜೀವಮಾನದ ಪ್ರತಿಮೆ ಬಹಳ ಇಷ್ಟವಾಗಿತ್ತು. ಆಗ ಪತ್ನಿ ಇಂದ್ರಾಣಿ, ಅಂತಹ ಪ್ರತಿಮೆಯನ್ನು ಹೊಂದುವ ಬಯಕೆಯನ್ನು ತಿಳಿಸಿದ್ದರು. ಹೀಗಾಗಿ ತಪಸ್​, ಈ ಪ್ರತಿಮೆ ನಿರ್ಮಾಣಕ್ಕೆ ಕೈ ಹಾಕಿ ಯಶಸ್ಸು ಗಳಿಸಿದ್ದಾರೆ.

ಶಿಲ್ಪಿಗಳ ಪ್ರಕಾರ, ಮೇಣದ ಪ್ರತಿಮೆಗಿಂತ ಸಿಲಿಕೋನ್ ಶಿಲ್ಪವನ್ನು ನಿರ್ವಹಿಸುವುದು ತುಂಬಾ ಸುಲಭ. ಬಣ್ಣದ ಪಿಗ್ಮೆಂಟೇಶನ್ ಪ್ರಕ್ರಿಯೆ, ಕೂದಲು ಕಸಿ ಮತ್ತು ಕಣ್ಣುಗಳ ನಿಯೋಜನೆಯು ನಿರ್ಣಾಯಕ ಅಂಶಗಳಾಗಿವೆ ಎಂದು ಶಿಲ್ಪಿ ದಾಸ್ ವಿವರಿಸಿದರು. ಈ ಮುರ್ತಿಗೆ ಕೂದಲಿನ ಕಸಿ ಮಾಡಲು ಸುಮಾರು 30 ದಿನಗಳನ್ನು ತೆಗೆದುಕೊಂಡಿತು. (ಏಜೆನ್ಸೀಸ್​)

https://www.vijayavani.net/seema-ayoga-o-karnataka-calls-for-objection-petition/

https://www.vijayavani.net/new-year-resolution-motivation/