ಮುಖೇಶ್​ ಅಂಬಾನಿ ಷೇರಿಗೆ ಭರ್ಜರಿ ಡಿಮ್ಯಾಂಡು: ಬೆಲೆ ಇನ್ನಷ್ಟು ಏರಲಿದೆ ಎನ್ನುತ್ತವೆ ಬ್ರೋಕರೇಜ್​ ಸಂಸ್ಥೆಗಳು

ಮುಂಬೈ: ಷೇರು ಮಾರುಕಟ್ಟೆಯಲ್ಲಿ ಸೂಚ್ಯಂಕ ಏರುಗತಿ ಮುಂದುವರಿದೆ. ಈ ಸಂದರ್ಭದಲ್ಲಿ ಮುಖೇಶ್ ಅಂಬಾನಿಯವರ ಕಂಪನಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಷೇರುಗಳ ಬೆಲೆಯೂ ಭಾರಿ ಹೆಚ್ಚಳವನ್ನು ಕಂಡಿದೆ.

ಬುಧವಾರದ ಇಂಟ್ರಾ ಡೇ ವಹಿವಾಟಿನಲ್ಲಿ ಈ ಷೇರುಗಳ ಬೆಲೆ ಶೇ. 4ಕ್ಕಿಂತ ಹೆಚ್ಚು ಏರಿಕೆ ಕಂಡು 3037 ರೂ. ಮುಟ್ಟಿದೆ. ಇದು ಈ ಷೇರಿನ 52 ವಾರಗಳ ಗರಿಷ್ಠ ಬೆಲೆಯಾಗಿದೆ. ರಿಲಯನ್ಸ್ ಇಂಡಸ್ಟ್ರೀಸ್ ಷೇರುಗಳ ಬೆಲೆ ಏರಿಕೆಯಿಂದಾಗಿ, ಸೂಚ್ಯಂಕ ಕೂಡ ಭಾರೀ ಏರಿಕೆ ಕಾಣುವಂತಾಗಿದೆ.

ಈ ತಿಂಗಳು ಷೇರುಪೇಟೆಯಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಷೇರು ಬೆಲೆ ಸಾಕಷ್ಟು ಏರಿಳಿತ ಕಂಡಿದೆ. ಚುನಾವಣೆ ಫಲಿತಾಂಶದ ನಂತರ ಕಂಪನಿ ಷೇರುಗಳ ಬೆಲೆ ಸಾಕಷ್ಟು ಕುಸಿತವಾಗಿದ್ದು, ತದನಂತ ಚೇತರಿಕೆ ಕಂಡುಬಂದಿದೆ. ಈ ಸ್ಟಾಕ್ ಕಳೆದ ವರ್ಷದಲ್ಲಿ 32% ಏರಿಕೆಯಾಗಿದೆ. 2024ರಲ್ಲಿ ಇದುವರೆಗೆ 17% ಹೆಚ್ಚಾಗಿದೆ.

ದೇಶೀಯ ಬ್ರೋಕರೇಜ್ ಸಂಸ್ಥೆ ನುವಾಮಾ ಈ ಷೇರಿನಲ್ಲಿ ರೂ 3,500 ಗುರಿಯ ಬೆಲೆಯನ್ನು ಸೂಚಿಸಿದೆ. ಜಾಗತಿಕ ಬ್ರೋಕರೇಜ್ ಸಂಸ್ಥೆಯಾದ ಜೆಫರೀಸ್ ರಿಲಯನ್ಸ್ ಷೇರುಗಳ ಬೆಲೆ ಏರಲಿದೆ ಎಂದು ಹೇಳಿದೆ. ಈ ಷೇರಿನ ಗುರಿ ಬೆಲೆಯನ್ನು 3,380 ರೂ.ಗೆ ಈ ಬ್ರೋಕರೇಜ್​ ನಿಗದಿಪಡಿಸಿದೆ. ಇನ್ನೊಂದು ಬ್ರೋಕರೇಜ್ ಸಂಸ್ಥೆ ಯುಬಿಎಸ್​, ಈ ಷೇರಿನ ಗುರಿ ಬೆಲೆಯನ್ನು 3,420 ರೂ.ಗೆ ನಿಗದಿಪಡಿಸಿದೆ.

ರಿಲಯನ್ಸ್ ಇಂಡಸ್ಟ್ರೀಸ್ ಹೊರತಾಗಿ, ಭಾರ್ತಿ ಏರ್‌ಟೆಲ್, ಅಲ್ಟ್ರಾಟೆಕ್ ಸಿಮೆಂಟ್, ಸನ್ ಫಾರ್ಮಾ, ಆಕ್ಸಿಸ್ ಬ್ಯಾಂಕ್, ಎನ್‌ಟಿಪಿಸಿ ಮತ್ತು ಬಜಾಜ್ ಫೈನಾನ್ಸ್ ಷೇರುಗಳ ಬೆಲೆಗಳು ಕೂಡ ಬುಧವಾರ ಏರಿಕೆ ಕಂಡಿವೆ.

https://www.vijayavani.net/bullish-trend-for-third-day-stock-index-again-at-all-time-highs

https://www.vijayavani.net/indian-economy-to-grow-at-over-7-ncaer-forecast

https://www.vijayavani.net/5g-spectrum-auction-concludes-with-rs-11300-crore-in-telecom-bids