ಚಂದ್ರಯಾನ-3 ನೌಕೆಯ ಈ ಒಂದು ಮಿಷನ್ ಯಶಸ್ವಿಯಾದರೆ ಭಾರತದ ಬಾಹ್ಯಾಕಾಶ ಮಹತ್ವಾಕಾಂಕ್ಷೆಗಳು ಮತ್ತು ಚಂದ್ರನಲ್ಲಿ ಇದೆ ಎನ್ನಲಾದ ನೀರಿನ ಕಣಗಳ ಮೇಲಿನ ಜ್ಞಾನ ಮತ್ತಷ್ಟು ವಿಸ್ತಾರವಾಗಲಿದೆ. ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಸಲು ಹೋಗಿ ಭಾರತದ ಚಂದ್ರಯಾನ 2 ವಿಫಲವಾಯಿತು. ಅಲ್ಲದೆ, ಮೊನ್ನೆ ಮೊನ್ನೆ ರಷ್ಯಾದ ಲೂನಾ 25 ಕೂಡ ಪತವಾಯಿತು. ಇದನ್ನು ಹೊರತುಪಡಿಸಿ ಜಪಾನ್, ಇಸ್ರೇಲ್ ನೌಕೆಗಳಿಂದಲೂ ಈ ಪ್ರಯತ್ನ ನಡೆದಿದೆ. ಆದರೆ, ಯಾವುದು ಕೂಡ ಸಕ್ಸಸ್ ಆಗಿಲ್ಲ. ಕಳೆದ ಚಂದ್ರಯಾನ 2 ಸಂದರ್ಭದಲ್ಲೂ ಲ್ಯಾಂಡಿಂಗ್ ಹಂತದಲ್ಲೇ ಯೋಜನೆ ವಿಫಲವಾಯಿತು. ಆದರೆ, ಈ ಬಾರಿ ಫಲಪ್ರದವಾಗಲಿ ಎಂದು ಅಸಂಖ್ಯಾತ ಭಾರತೀಯರು ಪ್ರಾರ್ಥನೆ ಸಲ್ಲಿಸುತ್ತಿದ್ದಾರೆ.
