ವಾಟ್ಸ್​ಆ್ಯಪ್​ ವಿಡಿಯೋ ಕಾಲ್​ನಲ್ಲೇ ಡೇಟಾ ಪೂರ್ತಿ ಖಾಲಿಯಾಗುತ್ತಿದೆಯೇ? ಡೇಟಾ ಬಳಕೆ ಕಡಿಮೆಯಾಗಲು ಹೀಗೆ ಮಾಡಿ..

ಬೆಂಗಳೂರು: ವಾಟ್ಸ್​ಆ್ಯಪ್​ ಸದ್ಯ ಅತಿ ಹೆಚ್ಚು ಬಳಕೆಯಾಗುವ ಆ್ಯಪ್ ಎಂದೇ ಹೇಳಬಹುದು. ಆಡಿಯೋ ಕಾಲ್​, ವಿಡಿಯೋ ಕಾಲ್​ ಅವಕಾಶವೂ ಈ ಆ್ಯಪ್​ನಲ್ಲಿರುವುದರಿಂದಾಗಿ ಭಾರತದ ಅತಿ ಹೆಚ್ಚು ಜನರು ಈ ಆ್ಯಪ್ ಬಳಕೆ ಮಾಡುತ್ತಿದ್ದಾರೆ. ಆದರೆ ವಾಟ್ಸ್​ಆ್ಯಪ್​ ವಿಡಿಯೋ ಕಾಲ್​ನಲ್ಲಿ ಅವಶ್ಯಕತೆಗಿಂತ ಹೆಚ್ಚಿನ ಡೇಟಾ ಖಾಲಿಯಾಗುತ್ತಿದೆ ಎನ್ನುವ ದೂರುಗಳೂ ಇವೆ. ಹಾಗಾದರೆ ಅದನ್ನು ಹೇಗೆ ನಿಯಂತ್ರಸಿಬೇಕು? ಮುಂದೆ ಓದಿ..

ಮೊದಲನೆಯದಾಗಿ ನೀವು ಬಳಸುವ ವಾಟ್ಸ್​ಆ್ಯಪ್ ಅಪ್​ಡೇಟ್ ಆಗಿದೆಯೇ ಎಂದು ಪರಿಶೀಲಿಸಿಕೊಳ್ಳಿ. ನಂತರ ನಿಮ್ಮ ವಾಟ್ಸ್​ಆ್ಯಪ್​ ತೆರೆಯಿರಿ. ಅಲ್ಲಿ ಮೇಲೆ ಬಲ ಭಾಗಕ್ಕೆ ಕಾಣುವ ಮೂರು ಡಾಟ್​ಗಳ ಮೇಲೆ ಕ್ಲಿಕ್ ಮಾಡಿ. ಅದರಲ್ಲಿ ಸೆಟ್ಟಿಂಗ್ಸ್ ತೆರೆಯಿರಿ. ಅದರಲ್ಲಿ ಸ್ಟೋರೇಜ್ ಆ್ಯಂಡ್ ಡೇಟಾ ಆಯ್ಕೆಯನ್ನು ತೆರೆಯಿರಿ. ಆಗ ನಿಮಗೆ ಯೂಸ್ ಲೆಸ್ ಡೇಟಾ ಫಾರ್ ಕಾಲ್ಸ್​ ಎನ್ನುವ ಆಯ್ಕೆಯೊಂದು ಕಾಣುತ್ತದೆ. ಅದನ್ನು ಅಲೋ ಮಾಡಿ.

ಈ ರೀತಿ ಮಾಡುವುದರಿಂದ ನಿಮ್ಮ ವಾಟ್ಸ್​ಆ್ಯಪ್​ನಲ್ಲಿ ಮಾಡಲಾಗುವ ವಾಯ್ಸ್​ ಮತ್ತು ವಿಡಿಯೋ ಕಾಲ್​ಗಳಿಗೆ ಕಡಿಮೆ ಡೇಟಾ ಬಳಕೆಯಾಗುತ್ತದೆ. ಆ್ಯಂಡ್ರಾಯ್ಡ್​ ಮತ್ತು ಐಒಎಸ್ ಬಳಕೆದಾರರಿಗೆ ಈ ಆಯ್ಕೆ ಇದೆ. (ಏಜೆನ್ಸೀಸ್)

https://www.vijayavani.net/cbse-will-not-come-this-week/

https://www.vijayavani.net/ragini-dwivedi-says-she-got-legend-dada-saheb-phalke-award/

https://www.vijayavani.net/man-drove-180-miles-to-push-his-dying-dog-up-a-mountain/