ಸ್ಥಳೀಯ ಕಲಾವಿದರಲ್ಲಿ ಅರ್ಧ ಅಡಿಯಿಂದ ಆರೂವರೆ ಅಡಿ ಎತ್ತರದ ಗಣೇಶ ಮೂರ್ತಿಗಳು ಇಲ್ಲಿ ಲಭ್ಯ ಇವೆ. ಇನ್ನೂ ಕೊಲ್ಕತ್ತಾ ಕಲಾವಿದರ ಬಳಿ 5 ಅಡಿಯಿಂದ 30 ಅಡಿ ಗಿಂತಲು ಅಧಿಕ ಎತ್ತರದ ಮೂರ್ತಿಗಳು ತಯಾರಾಗುತ್ತಿವೆ. ಆನೆ, ನವಿಲು, ಆಂಜನೇಯ, ಸರ್ಪ, ಸಿಂಹ, ಜಿಂಕೆ, ಬಸವ, ಹಸು, ಉಗ್ರನರಸಿಂಹನ ಮೇಲೆ ಕುಳಿತ ಗಣೇಶ ಮೂರ್ತಿಗಳನ್ನು ತಯಾರಿಸಲಾಗಿದೆ. ಶಿವನ, ಶ್ರೀಕೃಷ್ಣ ಅರ್ಜುನನ ಸಾರಥಿ, ಛತ್ರಪತಿ ಶಿವಾಜಿ, ಬಾಹುಬಲಿ, ಶ್ರೀರಾಮ, ಆಂಜನೇಯ, ಸಾಯಿಬಾಬಾ, ಉಗ್ರನರಸಿಂಹ... ಹೀಗೆ ನಾನಾ ಅವತಾರದ ಗಣೇಶಮೂರ್ತಿಗಳು ರೂಪು ತಳೆಯುತ್ತಿವೆ. ಶ್ರೀರಾಮನ ಅವತಾರದ ಹಾಗೂ ಸುಖಾನಸದಲ್ಲಿ ಸಿಂಹಾಸನದ ಮೇಲೆ ಕುಳಿತ ಭಂಗಿಯ ಮೂರ್ತಿಗಳು ಸಿದ್ಧಗೊಂಡಿವೆ. ಈಗಾಗಲೇ ಗ್ರಾಹಕರು ಹೊಸಪೇಟೆಗೆ ಭೇಟಿ ನೀಡುತ್ತಿದ್ದು ತಮಗೆ ಬೇಕಾದ ಭಂಗಿಯ ಗಣಪತಿ ಮೂರ್ತಿ ತಯಾರಿಸಿಕೊಡಲು ಕಾಯ್ದಿರಿಸುತ್ತಿದ್ದಾರೆ.
