ಆಂಧ್ರ ಸರಕಾರದಿಂದ ಎಲ್ಲ ಸಹಕಾರ: ಸಚಿವ ನಿಮ್ಮಲ

ಹೊಸಪೇಟೆ: ತುಂಗಭದ್ರಾ ಜಲಾಶಯದ ಕ್ರಸ್ಟ್ ಗೇಟ್ ಅಳವಡಿಕೆ ಸಂಬAದ ಆಂಧ್ರಪ್ರದೇಶದಿAದ ಎಲ್ಲ ಸಹಕಾರ ನೀಡಲಾಗುತ್ತಿದೆ ಎಂದು ಆಂಧ್ರ ಜಲಸಂಪನ್ಮೂಲ ಸಚಿವ ನಿಮ್ಮಲ ರಾಮನಾಯುಡು ಹೇಳಿದರು.

ತುಂಗಭದ್ರಾ ಜಲಾಶಯದ ಕ್ರಸ್ಟ್ ಗೇಟ್ ಕಿತ್ತುಹೋದ ಪರಿಸ್ಥಿತಿ ಪರಿಶೀಲನೆ ಮಾಡಿ ಮಾತನಾಡಿದರು. ಘಟನೆ ನಡೆದ ದಿನದಿಂದಲೂ ನಾವು ಕರ್ನಾಟಕ ಸರ್ಕಾರದ ಜತೆ ನಿರಂತರ ಸಂಪರ್ಕದಲ್ಲಿದ್ದೇವೆ. ಟಿಬಿ ಬೋರ್ಡ್ನಲ್ಲಿ ಸಭೆ ಕೂಡ ನಡೆಸಿದ್ದೇವೆ. ಬೋರ್ಡ್ನಲ್ಲಿ 130 ಕೋಟಿ ರೂ. ಅನುದಾನವಿದೆ. ಈಗ ಗೇಟ್ ಅಳವಡಿಕೆ ಕಾರ್ಯಕ್ಕೆ 5 ಕೋಟಿ ರೂ. ಅನುದಾನವನ್ನು ಬಿಡುಗಡೆ ಮಾಡಲಾಗಿದೆ. ಬೋರ್ಡ್ ಮಂಡಳಿ ಅನುದಾನ ಬಳಕೆಗೆ ಅನುಮೋದನೆ ನೀಡಿದ್ದು, ಜಲಾಶಯದ ನೀರು ಪೋಲಾಗದಂತೆ ಯಾವ ರೀತಿ ಗೇಟ ಅಳವಡಿಸಬೇಕು ಎನ್ನುವ ಚರ್ಚೆ ನಡೆದಿದೆ. ಮೂರು ರಾಜ್ಯಗಳಿಂದ ಒಗ್ಗೂಡಿ ಕೆಲಸ ಮಾಡಲಾಗುತ್ತದೆ. ನಮ್ಮ ಸಿಎಂ ಕೂಡ ಈ ಬಗ್ಗೆ ನಿರಂತರ ಸಭೆ ನಡೆಸಿದ್ದಾರೆ. ಮುಂದಿನ ದಿನಗಳಲ್ಲಿ ಅವರು ಕೂಡ ಗೇಟ್ ಪರಿಶೀಲನೆ ಮಾಡಲಿದ್ದಾರೆ. ತೆಲಂಗಾಣದ ಉಪಮುಖ್ಯಮಂತ್ರಿ ಪವನಕಲ್ಯಾನ ಕೂಡ ಆಗಮಿಸಲಿದ್ದಾರೆ ಎಂದು ಹೇಳಿದರು.

ಅನಂತಪುರ ಜಿಲ್ಲಾಧಿಕಾರಿ ಡಾ.ವಿನೋದ್ ಕುಮಾರ, ಕರ್ನೂಲ ಎಂಪಿ ನಾಗರಾಜು, ಕಲ್ಯಾಣ ದುರ್ಗ ಶಾಸಕ ಅಮಿಲಿನೇನಿ ಸುರೇಂದರಬಾಬು, ಗುಂತಕಲ್ ಶಾಸಕ ಕುಮ್ಮನೂರು ಜಯರಾಂ ಇದ್ದರು.