‘ಆಕಾಶದಲ್ಲಿ ನೆರೆದಿರುವ ದೇವತಾಗಣಗಳ ಗೋಷ್ಠಿಗಳಲ್ಲಿ ಪರಸ್ಪರ ಸಂಭಾಷಣೆಗಳಾಗುತ್ತಿವೆ. ಇಲ್ಲಿರುವ ಧೀರರಾದ ಸೈನಿಕರು ಯಾವಾಗ ಮೇಲಿನ ಲೋಕಕ್ಕೆ ಹೋಗುತ್ತಾರೆ? ಹೇಗೆ ಹೋಗುತ್ತಾರೆ? ಇವರಲ್ಲಿ ಯಾರು ಯಾರು ಹೋಗುತ್ತಾರೆ? - ಇತ್ಯಾದಿ ಮಾತುಗಳು ಅಲ್ಲಿಂದ ಕೇಳಿಬರುತ್ತಿವೆ. ಅಗೋ! ಈ ಭಟನನ್ನು ನೋಡು, ಈ ಯುದ್ಧರಂಗದಲ್ಲಿ ಬಹುಶಃ ಯಾರೂ ಇವನಿಗೆ ಸರಿಸಮಾನರಾದ ಭಟರು ಇರಲಿಕ್ಕಿಲ್ಲ. ಏಕೆಂದರೆ ಇವನ ಬಿಲ್ಲುಗಾರಿಕೆಯ ಚಾತುರ್ಯದಿಂದ ದೊಡ್ಡ ಸಂಖ್ಯೆಯ ಸೈನಿಕರು ಖಾಲಿಯಾಗುತ್ತಿದ್ದಾರೆ. ಸಮುದ್ರವು ಹರಿಯುತ್ತಿರುವ ನದಿಗಳನ್ನು ತನ್ನೊಳಗೆ ಸೇರಿಸಿಕೊಳ್ಳುವ ಮೂಲಕ ನುಂಗುತ್ತಿರುವಂತೆ, ಈ ಸೇನೆಗಳನ್ನು ಈ ಯೋಧನು ನುಂಗುತ್ತಿದ್ದಾನೆ. ಮೀನು, ಮೊಸಳೆ ಮುಂತಾದ ಜಲಪ್ರಾಣಿಗಳ ಸಮೇತ ನದಿಗಳನ್ನು ಸಾಗರವು ನುಂಗುವಂತೆ, ಆನೆ, ರಥ, ಕುದುರೆ ಮುಂತಾದವುಗಳ ಸಮೇತ ಸೇನೆಗಳನ್ನು ಈ ಭಟನು ನುಂಗುತ್ತಿದ್ದಾನೆ.’
