ಅನ್​ಲಾಕ್​​ ನಂತರವೂ ಅನ್ನದಾನ ಮಾಡುತ್ತಿರುವ ದಾನಿಗಳು ಇಲ್ಲಿದ್ದಾರೆ ನೋಡಿ..

ಶ್ರೀಕಾಕುಲಂ: ಕರೊನಾ ವೈರಸ್ ಪ್ರತ್ಯಕ್ಷವಾಗಿ, ಪರೋಕ್ಷವಾಗಿ ಹಲವರ ಬದುಕನ್ನು ಕಿತ್ತುಕೊಂಡಿದ್ದೆ. ಬಡವರ ತುತ್ತನ್ನೂ ಕಸಿದುಕೊಂಡಿದೆ. ಆದರೇನಂತೆ... ನಿರ್ಗತಿಕರಿಗೆ ದಾನ ನೀಡುವ ಕೈಗಳಿನ್ನೂ ಬಲಶಾಲಿಯಾಗಿವೆ ಎನ್ನುವುದಕ್ಕೆ ಇಲ್ಲೊಂದು ಉದಾಹರಣೆ ಇದೆ ನೋಡಿ...
ಲಾಕ್​ಡೌನ್ ಅವಧಿಯಲ್ಲಿ ಭಿಕ್ಷುಕರು ಹಸಿವಿನಿಂದ ಬಳಲುತ್ತಿರುವುದನ್ನು ನೋಡಿ, ನಿವೃತ್ತ ಎಂಜಿನಿಯರ್ ಒಬ್ಬರು ಕಳೆದ ನಾಲ್ಕು ತಿಂಗಳಿನಿಂದ ಸಿ.ವಿ.ನಾಗಜ್ಯೋತಿ ಚಾರಿಟೇಬಲ್ ಟ್ರಸ್ಟ್‌ ಅಡಿ ಅನ್ನದಾನ ಮಾಡುತ್ತಿದ್ದಾರೆ.
ಶ್ರೀಕಾಕುಲಂನಲ್ಲಿರುವ ಇಂಡಿಯನ್ ರೆಡ್ ಕ್ರಾಸ್ ಸೊಸೈಟಿ (ಐಆರ್​​ಸಿಎಸ್) ಇದನ್ನು ನಿರ್ವಹಿಸುತ್ತಿದೆ. ರೆಡ್ ಕ್ರಾಸ್ ಸ್ವಯಂಸೇವಕರು ಶ್ರೀಕಾಕುಲಂನಲ್ಲಿ ಭಿಕ್ಷುಕರು ಮತ್ತು ಕುಷ್ಠರೋಗ ರೋಗಿಗಳಿಗೆ ನಿಯಮಿತವಾಗಿ ಅನ್ನದಾನ ಮಾಡುತ್ತಿದ್ದು, ನೂರಾರು ಭಿಕ್ಷುಕರಿಗೆ ಇದು ವರದಾನವಾದಂತಾಗಿದೆ.

ಇದನ್ನೂ ಓದಿ:  ಶ್ರೀ ರಾಮ ಮಂದಿರಕ್ಕಾಗಿ 28 ವರ್ಷದಿಂದ ನಿರಶನ; ದೇಗುಲದ ಪ್ರಸಾದ ಸ್ವೀಕರಿಸಿ ಉಪವಾಸ ಮುರಿದ ಶಬರಿ

ಲಾಕ್‌ಡೌನ್‌ ಆರಂಭಿಕ ಅವಧಿಯಲ್ಲಿ, ಹಸಿವಿನಿಂದ ಬಳಲುತ್ತಿದ್ದ ಅಸಹಾಯಕರಿಗೆ ಅನ್ನದಾನ ಮಾಡುತ್ತಿದ್ದ  ಹಲವು ಸ್ವಯಂಪ್ರೇರಿತ ಸಂಸ್ಥೆಗಳು ಲಾಕ್​ಡೌನ್ ತೆರವುಗೊಂಡ ಅವುಗಳ ಪೈಕಿ ಹಲವು ಸಂಘಗಳು ಅನ್ನದಾನ ಮಾಡುವುದನ್ನು ನಿಲ್ಲಿಸಿದವು, ಆದರೆ ಈ ಟ್ರಸ್ಟ್ ಮಾತ್ರ ತನ್ನ ಸೇವೆಯನ್ನು ಮುಂದುವರಿಸಿದೆ.
ಭಿಕ್ಷುಕರು ಭಿಕ್ಷೆಗಾಗಿ ಸೇರುವ ದೇವಾಲಯಗಳೂ ಮುಚ್ಚಲ್ಪಟ್ಟಿದ್ದರಿಂದ ಅವರು ಆಹಾರವಿಲ್ಲದೆ ಕಂಗೆಟ್ಟಂತಾಗಿದ್ದರು. ಈ ಹಿನ್ನೆಲೆಯಲ್ಲಿ ಕಳೆದ ಎರಡೂವರೆ ವರ್ಷಗಳಿಂದ ಬಡವರಿಗೆ ಆಹಾರವನ್ನು ನೀಡುತ್ತಿರುವ ನಿವೃತ್ತ ಮುಖ್ಯ ಎಂಜಿನಿಯರ್ ಸಿವಿಎನ್ ಮೂರ್ತಿಯನ್ನು ಸಂಪರ್ಕಿಸಿ ಈ ಕುರಿತು ಪ್ರಸ್ತಾಪಿಸಿದ್ದೆವು. ಇದಕ್ಕೆ ಸ್ಪಂದಿಸಿದ ಅವರು ಭಿಕ್ಷುಕರು ಮತ್ತು ಇತರರಿಗೆ ಆಹಾರ ನಿಡಲು ಪ್ರತಿ ತಿಂಗಳು ತಮ್ಮ ಪಿಂಚಣಿ ಮೊತ್ತದಿಂದ 50,000 ರೂ. ನೀಡುತ್ತಿದ್ದಾರೆ.

ಇದನ್ನೂ ಓದಿ:  ಎಂಟು ನಗರಗಳಲ್ಲಿ ಜಾರಿಯಲ್ಲಿದೆ ದೇಶೀಯ ಕರೊನಾ ಲಸಿಕೆ ಕ್ಲಿನಿಕಲ್​ ಟ್ರಯಲ್​; ಹೇಗಿದೆ ವ್ಯಾಕ್ಸಿನ್​ ಪಡೆದವರ ಆರೋಗ್ಯ?

ಶ್ರೀಕಾಕುಲಂನ ಪಿ.ಎನ್ ಕಾಲೋನಿಯಲ್ಲಿರುವ ವರಸಿದ್ಧಿ ವಿನಾಯಕ ದೇವಸ್ಥಾನದಲ್ಲಿ ಆಹಾರವನ್ನು ತಯಾರಿಸಲಾಗುತ್ತಿದ್ದು, ಶ್ರೀಕಾಕುಲಂನಲ್ಲಿ ನಾವು ಪ್ರತಿದಿನ ನೂರಾರು ಜನರಿಗೆ ಆಹಾರವನ್ನು ನೀಡುತ್ತೇವೆ ಐಆರ್​ಸಿಎಸ್ ಮುಖ್ಯಸ್ಥ ಪಿ. ಜಗನ್​ಮೋಹನ್ ರಾವ್ ತಿಳಿಸಿದ್ದಾರೆ.
ನಾವು ಪ್ರತಿ ತಿಂಗಳು 65 ಸಾವಿರ ರೂ. ವಿನಿಯೋಗಿಸುತ್ತಿದ್ದೇವೆ. 50 ಸಾವಿರ ರೂ. ಗಳನ್ನು ಮೂರ್ತಿಯವರು ಭರಿಸುತ್ತಿದ್ದಾರೆ. ಉಳಿದ ಮೊತ್ತವನ್ನು ಭಾರತೀಯ ರೆಡ್​ಕ್ರಾಸ್ ಸಂಸ್ಥೆಯ ದಾನಿಗಳು ಭರಿಸುತ್ತಿದ್ದಾರೆ ಎಂದು ಅವರು ತಿಳಿಸಿದರು.

https://www.vijayavani.net/s-women-tolet-cleaned-by-minister/