ತಾಲೂಕಿನಾದ್ಯಂತ ಕೆಲ ದಿನಗಳಿಂದ ಬಿಟ್ಟು ಬಿಟ್ಟು ಗುಡುಗು-ಸಿಡಿಲು ಮಿಂಚಿನೊಂದಿಗೆ ಬಿರುಸಾದ ಗಾಳಿ-ಮಳೆ ಬರುತ್ತಿದೆ. ಬಿಸಿಲಿನ ತಾಪಕ್ಕೆ ಬೆಂದು ಹೋಗಿದ್ದ ಜನರಿಗೆ ಭೂಮಿ ತಂಪಾಗಿದ್ದರಿಂದ ಬಿಸಿಲಿನ ಬೇಗೆಯಿಂದ ತುಸು ನಿರಾಳರಾಗಿದ್ದಾರೆ. ಆದರೆ ಮಳೆ ಜೋರಾಗಿ ಬರುತ್ತಿರುವುದರಿಂದ ರೈತರ ಮುಖದಲ್ಲಿ ಒಂದೆಡೆ ಮಂದಹಾಸ ಮೂಡಿದರೆ, ಮತ್ತೊಂದೆಡೆ ಗಾಳಿ ಮಳೆಗೆ ಸಿಲುಕಿ ಮನೆಗಳ ಹಾಗೂ ಕಟ್ಟಡಗಳ ಛಾವಣಿಗಳು, ಮರಗಳು, ಬೀಳುತಿದ್ದರೆ, ಇತ್ತ ವಿವಿಧ ಬೆಳೆಗಳು ಗಾಳಿ ಮಳೆಗೆ ಸುಲುಕಿ ನೆಲಕ್ಕುರುಳುತ್ತಿರುವುದರಿಂದ ಸಾರ್ವಜನಿಕರು ಆತಂಕ ಪಡುವಂತಾಗಿದೆ. ಇದರ ನಡುವೆಯೇ ಶನಿವಾರ ಸಂಜೆ ತಾಲೂಕಿನ ತಗರೆ, ಕೋಗಿಲಮನೆ ಭಾಗದ ಸಾಕಷ್ಟು ಗ್ರಾಮಗಳಲ್ಲಿ ಗುಡುಗು-ಸಿಡಿಲು, ಮಿಂಚಿನೊಂದಿಗೆ ಮಳೆ ಸುರಿದಿದೆ.
