ಮಾತೃತ್ವ ರಜೆಯನ್ನು 4 ವಾರಗಳವರೆಗೆ ವಿಸ್ತರಿಸಿದ ವಿಶ್ವದ ದೊಡ್ಡ ದೇಶ; ಅದರ ಪ್ರಯೋಜನ ಏನು? ಇಲ್ಲಿದೆ ಮಾಹಿತಿ | Health Tips

ಗರ್ಭಾವಸ್ಥೆಯಲ್ಲಿ ಪ್ರತಿಯೊಬ್ಬ ಮಹಿಳೆಗೆ ಹೆಚ್ಚಿನ ವಿಶ್ರಾಂತಿಯ ಅಗತ್ಯವಿರುತ್ತದೆ. ವಿಶೇಷವಾಗಿ ಕೆಲಸ ಮಾಡುವ ಮಹಿಳೆಯರಿಗೆ ಹೆರಿಗೆ ರಜೆ ನೀಡಲಾಗಿದ್ದು ಇದರಿಂದ ಅವರು ಶೀಘ್ರವಾಗಿ ಚೇತರಿಸಿಕೊಂಡು ಕೆಲಸಕ್ಕೆ ಮರಳಬಹುದು. ಪ್ರತಿ ದೇಶದಲ್ಲಿ ಅದರ ನಿಯಮಗಳು ವಿಭಿನ್ನವಾಗಿವೆ. ಇತ್ತೀಚೆಗೆ ಹಾಂಗ್ ಕಾಂಗ್ ಹೆರಿಗೆ ರಜೆಯನ್ನು 4 ವಾರಗಳವರೆಗೆ ವಿಸ್ತರಿಸಿದೆ.(Health Tips)

ಇದನ್ನು ಓದಿ: ಬೆಳಗ್ಗೆ ಖಾಲಿಹೊಟ್ಟೆಯಲ್ಲಿ ಬೀಸಿನೀರು ಕುಡಿಯುವುದರ ಪ್ರಯೋಜನವೇನು; ಈ ಕುರಿತು ತಜ್ಞರು ಹೇಳೋದೇನು? | Health Tips

ಇದರ ನಂತರ ದೇಶದಲ್ಲಿ ನಡೆಸಿದ ಅಧ್ಯಯನವು 4 ಹೆಚ್ಚುವರಿ ವಾರಗಳನ್ನು ಪಡೆದ ಮಹಿಳೆಯರಲ್ಲಿ, ಪ್ರಸವಾ ನಂತರದ ಖಿನ್ನತೆಯ ಪ್ರಕರಣಗಳು ಶೇಕಡಾ 22 ರಷ್ಟು ಕಡಿಮೆಯಾಗಿದೆ ಎಂದು ತೋರಿಸಿದೆ. ಹೆರಿಗೆಯ ನಂತರ ಮಹಿಳೆಯರಲ್ಲಿ ಈ ಸ್ಥಿತಿಯು ಸಾಮಾನ್ಯವಾಗಿದೆ. ಇದರಿಂದ ಚೇತರಿಸಿಕೊಳ್ಳುವುದು ತುಂಬಾ ಕಷ್ಟ. ಹೆರಿಗೆ ರಜೆ ಎಂದರೇನು ಮತ್ತು ಅದರ ಪ್ರಯೋಜನಗಳೇನು ಎಂಬುದನ್ನು ಇಲ್ಲಿ ತಿಳಿಸಲಾಗಿದೆ.

ಪ್ರಸವಾನಂತರದ ಖಿನ್ನತೆ ಎಂದರೇನು?

ಹೆರಿಗೆಯ ನಂತರ ಮಹಿಳೆಯರು ದೈಹಿಕ ಮತ್ತು ಮಾನಸಿಕ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಇದರೊಂದಿಗೆ ಮಗುವಿನ ಸಂಪೂರ್ಣ ಜವಬ್ದಾರಿಯೂ ಅವರ ಮೇಲಿದೆ. ಇದರಿಂದ ಅವರಿಗೆ ಸರಿಯಾದ ವಿಶ್ರಾಂತಿ ಸಿಗದೆ ಅವರ ದಿನಚರಿಯು ಬಿರುಸಿನಿಂದ ಕೂಡಿರುತ್ತದೆ. ಪರಿಸ್ಥಿತಿಯನ್ನು ನಿಯಂತ್ರಿಸಲು ಅಸಮರ್ಥತೆಯಿಂದ ಮಹಿಳೆಯರು ಖಿನ್ನತೆಗೆ ಒಳಗಾಗುತ್ತಾರೆ. ಇದನ್ನು ಪ್ರಸವಾನಂತರದ ಖಿನ್ನತೆ ಎಂದು ಕರೆಯಲಾಗುತ್ತದೆ. ಆದರೆ ಕುಟುಂಬದ ಭಾವನಾತ್ಮಕ ಮತ್ತು ಮಾನಸಿಕ ಬೆಂಬಲದೊಂದಿಗೆ ಮಹಿಳೆಯರು ಇದರಿಂದ ಬೇಗನೆ ಚೇತರಿಸಿಕೊಳ್ಳಬಹುದು.

ಈ ಖಿನ್ನತೆ ಎಷ್ಟು ಕಾಲ ಇರುತ್ತದೆ?

ಹೆರಿಗೆಯಾದ ಕೆಲವು ದಿನಗಳ ನಂತರ ಮಹಿಳೆಯರಲ್ಲಿ ಇದರ ಲಕ್ಷಣಗಳು ಕಂಡುಬರುತ್ತವೆ. ಈ ಸಮಯದಲ್ಲಿ, ಅವರು ಯಾರೊಂದಿಗೂ ಮಾತನಾಡಲು ಬಯಸುವುದಿಲ್ಲ ಮತ್ತು ಅವರ ಮನಸ್ಸಿನಲ್ಲಿ ವಿಚಿತ್ರವಾದ ಆಲೋಚನೆಗಳು ಬರಲು ಪ್ರಾರಂಭಿಸುತ್ತವೆ. ಪ್ರಸವಾನಂತರದ ಖಿನ್ನತೆಯು ಮಗುವಿನ ಜನನದ ನಂತರ 4 ರಿಂದ 6 ವಾರಗಳವರೆಗೆ ಪ್ರಾರಂಭವಾಗುತ್ತದೆ ಮತ್ತು ಆರು ತಿಂಗಳಿಂದ ವರ್ಷಗಳವರೆಗೆ ಇರುತ್ತದೆ.

ಮಾತೃತ್ವ ರಜೆಯ ಉದ್ದೇಶ

ಕೆಲಸ ಮಾಡುವ ಹೊಸ ತಾಯಂದಿರಿಗೆ ಹೆರಿಗೆ ರಜೆ ತುಂಬಾ ಪ್ರಯೋಜನಕಾರಿಯಾಗಿದೆ. ಇದು ಅವರನ್ನು ಒತ್ತಡದಿಂದ ಮುಕ್ತಗೊಳಿಸುವುದಲ್ಲದೆ, ಅವರ ಮಾನಸಿಕ ಆರೋಗ್ಯದ ಮೇಲೆ ಕೇಂದ್ರೀಕರಿಸಲು ಅನುವು ಮಾಡಿಕೊಡುತ್ತದೆ. ಇದರಿಂದಾಗಿ ಪ್ರಸವಾನಂತರದ ಖಿನ್ನತೆಯು ಉದ್ಭವಿಸುವುದಿಲ್ಲ.

ಮಾತೃತ್ವ ರಜೆ ಸಮಯದಲ್ಲಿ, ಮಹಿಳೆಯರು ದೇಹದಲ್ಲಿ ಸಂಭವಿಸುವ ಎಲ್ಲಾ ಸಮಸ್ಯೆಗಳಿಗೆ ಗಮನ ಕೊಡಬಹುದು. ಇದಲ್ಲದೆ ಹೆರಿಗೆಯ ನಂತರ ಉಂಟಾಗುವ ಸಮಸ್ಯೆಗಳನ್ನು ಸಹ ತಪ್ಪಿಸಬಹುದು. ಮಾತೃತ್ವ ರಜೆಯಲ್ಲಿರುವ ಮಹಿಳೆಯರು ತಮ್ಮ ನವಜಾತ ಶಿಶುವಿನೊಂದಿಗೆ ಬಲವಾದ ಬಂಧವನ್ನು ರೂಪಿಸಲು ಅವಕಾಶವನ್ನು ಪಡೆಯುತ್ತಾರೆ. ಈ ಸಮಯದಲ್ಲಿ ಅವಳು ತನ್ನ ಸಂಗಾತಿ ಮತ್ತು ಕುಟುಂಬದೊಂದಿಗೆ ಗುಣಮಟ್ಟದ ಸಮಯವನ್ನು ಕಳೆಯುತ್ತಾಳೆ. ಇದು ಕುಟುಂಬದೊಂದಿಗೆ ಅವರ ಬಾಂಧವ್ಯವನ್ನು ಸುಧಾರಿಸುತ್ತದೆ.

https://www.vijayavani.net/health-tips-how-to-clean-dirty-feet-and-dark-body-parts-with-camphor