ಅಡಗುದಾಣವಾದ ಈ ಕಾಂಪೌಂಡ್ ಮುಸ್ತಾಹ ನೇತೃತ್ವದ ಹಮಾಸ್ ನಾಯಕರಿಂದ ನಿರ್ವಹಣೆ ಆಗುತ್ತಿತ್ತು. ಇದು ಹಮಾಸ್ ಕಮಾಂಡ್ ಹಾಗೂ ಕಂಟ್ರೋಲ್ ಸೆಂಟರ್ ಆಗಿ ಬಳಕೆ ಆಗುತ್ತಿದ್ದು, ಹಿರಿಯ ನಾಯಕರಿಗೆ ದೀರ್ಘಾವಧಿಗೆ ವಾಸವಿರುವ ವ್ಯವಸ್ಥೆಯನ್ನೂ ಹೊಂದಿತ್ತು. ಈ ಅಡಗುದಾಣ ಹಾಗೂ ಅದರಲ್ಲಿದ್ದ ಉಗ್ರರನ್ನು ಹೊಡೆದು ಸಾಯಿಸಲಾಗಿದ್ದರೂ ತಮ್ಮ ಭಯೋತ್ಪಾದಕ ಚಟುವಟಿಕೆಯ ನೈತಿಕತೆ ಹಾಗೂ ಕಾರ್ಯನಿರ್ವಹಣೆಯ ನಷ್ಟ ತಪ್ಪಿಸಲು ಅವರ ಸಾವನ್ನು ಹಮಾಸ್ ಘೋಷಿಸಿರಲಿಲ್ಲ ಎಂದು ಇಸ್ರೇಲ್ ಸೇನೆ ಹೇಳಿಕೊಂಡಿದೆ. ಕಳೆದ ವರ್ಷ ಅ.7ರಂದು ಇಸ್ರೇಲ್ ಮೇಲೆ ನಡೆದ ಹಮಾಸ್ ದಾಳಿಯಲ್ಲಿ 1,205 ಮಂದಿ ಸಾವಿಗೀಡಾಗಿದ್ದು, ಆ ಪೈಕಿ ಹಲವರು ನಾಗರಿಕರು. ಮತ್ತೊಂದೆಡೆ ಪ್ರತೀಕಾರಕ್ಕಾಗಿ ಇಸ್ರೇಲ್ ನಡೆಸಿದ ದಾಳಿಯಲ್ಲಿ ಗಾಜಾದಲ್ಲಿ ಕನಿಷ್ಠ 41,788 ಮಂದಿ ಸಾವಿಗೀಡಾಗಿದ್ದು, ಆ ಪೈಕಿ ಹಲವರು ನಾಗರಿಕರು.
