ಎಂಟಿಆರ್ ಹೋಟೆಲ್ಗಳಲ್ಲಿ ದೋಸೆಯು ವಿಶೇಷ ಖಾದ್ಯವಾಗಿದ್ದು, 100 ವರ್ಷದ ಸಂಭ್ರಮದಲ್ಲಿ ಅತಿಉದ್ದನೆಯ ದೋಸೆ ಮಾಡಲು ನಿರ್ಧರಿಸಿ ತಯಾರು ಮಾಡಲಾಗಿದೆ ಎಂದು ಕಂಪನಿ ಉದ್ಯೋಗಿ ಅಶ್ವಿನಿ ಸಂತಸ ಹಂಚಿಕೊಂಡರು. 100 ಅಡಿ ದೋಸೆಗಾಗಿ ಪ್ರಯತ್ನಿಸುತ್ತಿದ್ದೆವು, ಆದರೆ, ಅದನ್ನು ಮೀರಿ 123 ಅಡಿ ದೋಸೆ ತಯಾರಿಸಿದೆವು. ದೋಸೆ ಮೊದಲಿನಿಂದಲೂ ಎಂಟಿಆರ್ ಪರಂಪರೆಯ ಭಾಗವಾಗಿದ್ದು, ಅತಿ ಉದ್ದದ ದೋಸೆ ವಿಶ್ವ ದಾಖಲೆಯಾಗಿದೆ ಎಂದು ಎಂಟಿಆರ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಸುನಯ್ ಭಾಸಿನ್ ಹೇಳಿದರು. ಲೋರ್ಮನ್ ಕಿಚನ್ ಎಕ್ವಿಪ್ಮೆಂಟ್ ಪ್ರೖೆ. ಲಿಮಿಟೆಡ್ ವ್ಯವಸ್ಥಾಪಕ ನಿರ್ದೇಶಕ ಚಂದ್ರಮೌಳಿ ಮಾತನಾಡಿ, ದೋಸೆಯನ್ನು ವಿಶೇಷವಾಗಿ ನಿರ್ವಿುಸಿದ ಇಂಡಕ್ಷನ್ ಸ್ಟೌನಲ್ಲಿ ಬೇಯಿಸಿದೆವು. ಇದು ಲೋರ್ಮನ್ ನಿರ್ವಿುಸಿದ ಅತೀ ಉದ್ದದ ಸ್ಟೌ ಆಗಿದೆ. ಇದರೊಂದಿಗೆ ಎಂಟಿಆರ್ ಈ ಹಿಂದಿನ ವಿಶ್ವದ ಅತೀ ಉದ್ದದ ದೋಸೆಯ 16.68 ಮೀ (54 ಅಡಿ 8.69 ಇಂಚು) ದಾಖಲೆ ಮುರಿದಿದೆ ಎಂದರು.
