ಶೋಕಾಚರಣೆ ನಡುವೆ ಶಿಕ್ಷಕ ದಿನ ಆಚರಿಸೋದು ಹೇಗೆ? ಇಲ್ಲಿದೆ ಮಾರ್ಗಸೂಚಿ

ಬೆಂಗಳೂರು: ಮಾಜಿ ರಾಷ್ಟ್ರಪತಿ ನಿಧನ ಹಿನ್ನೆಲೆ ದೇಶಾದ್ಯಂತ ಏಳು ದಿನಗಳವರೆಗೆ ಶೋಕಾಚರಣೆ ಘೋಷಣೆ ಮಾಡಲಾಗಿದೆ. ಇದು ಆಗಸ್ಟ್​ 31 ರಿಂದ ಸೆಪ್ಟೆಂಬರ್​ 6ರ ವರೆಗೆ (ಎರಡೂ ದಿನಗಳು ಸೇರಿ ) ಜಾರಿಯಲ್ಲಿರಲಿದೆ. ಈ ನಡುವೆ ಸೆಪ್ಟೆಂಬರ್​ 5ರಂದು (ಶನಿವಾರ) ಶಿಕ್ಷಕರ ದಿನ ಆಚರಿಸಬೇಕಿದೆ.

ಆದರೆ, ಶೋಕಾಚರಣೆ ನಡುವೆ ಶಿಕ್ಷಕರ ದಿನ ಆಚರಿಸಬೇಕೆ, ಬೇಡವೇ ಎಂಬ ಬಗ್ಗೆ ಗೊಂದಲಗಳೆದಿದ್ದವು. ಇದನ್ನು ಬಗೆಹರಿಸಿ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಆಯುಕ್ತರ ಕಚೇರಿ ಪ್ರಕಟಣೆಯೊಂದನ್ನು ಹೊರಡಿಸಿ ಗೊಂದಲಗಳನ್ನು ನಿವಾರಿಸಿದೆ.

ಇದನ್ನೂ ಓದಿ: ಈ ವಿಸಿಟಿಂಗ್​ ಕಾರ್ಡ್​ ನೆಟ್ಟರೆ ತುಳಸಿ ಗಿಡ ಬೆಳೆಯುತ್ತೆ…! ಐಎಫ್​ಎಸ್​ ಅಧಿಕಾರಿಯ ಪರಿಸರ ಪ್ರೇಮ….! 

ಆಯುಕ್ತರ ಕಚೇರಿ ಆದೇಶದ ಪ್ರಕಾರ ಶಿಕ್ಷಕರ ದಿನ ಆಚರಿಸಬಹುದು. ಆದರೆ, ಯಾವುದೇ ಔತಣ ಕೂಟ, ಇತರ ಸಾಂಸ್ಕೃತಿಕ ಹಾಗೂ ಮನರಂಜನಾ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲು ಅವಕಾಶವಿಲ್ಲ. ಆದರೆ, ಶಿಕ್ಷಕರಿಗೆ ಪ್ರಶಸ್ತಿ ಪ್ರದಾನ ಮಾಡಬಹುದು ಎಂದು ತಿಳಿಸಲಾಗಿದೆ.

https://www.vijayavani.net/pilots-report-man-in-jetpack-flying-3000-ft-in-the-air/