ಈ ಬಗ್ಗೆ ಮಾತನಾಡಿರುವ ಪ್ರತ್ಯಕ್ಷದರ್ಶಿಯೊಬ್ಬರು, ವರ ಮೆರವಣಿಗೆ ಮೂಲಕ ಮದುವೆಮಂಟಪಕ್ಕೆ ಆಗಮಿಸಿದನು. ಶಾಸ್ತ್ರ ಹಾಗೂ ಆಚರಣೆಗಳು ನಡೆಯುತ್ತಿರುವಾಗ ಆತನ ಸ್ನೇಹಿತರು ಡ್ಯಾನ್ಸ್ ಮಾಡಲು ಕರೆದಿದ್ದಾರೆ. ಅದರಂತೆ ಬಂದ ವರ ಹಿಂದಿಯ ಚೋಲಿ ಕೆ ಪೀಚೆ ಕ್ಯಾ ಹೈ ಹಾಡಿಗೆ ಹೆಜ್ಜೆ ಹಾಕಿದ್ದಾನೆ. ಇದನ್ನು ನೋಡಿದ ವಧುವಿನ ತಂದೆ ಕೂಡಲೇ ಮದುವೆಯನ್ನು ನಿಲ್ಲಿಸುವಂತೆ ಗಲಾಟೆ ಮಾಡಿದ್ದು, ಯಾರು ಎಷ್ಟೇ ಹೇಳಿದರೂ ತಮ್ಮ ನಿರ್ಧಾರದಿಂದ ಹಿಂದೆ ಸರಿಯದೆ ಅಚಲವಾಗಿದ್ದರು. ವರನ ವರ್ತನೆಯು ತಮ್ಮ ಕುಟುಂಬಕ್ಕೆ ವಿರುದ್ಧವಾಗಿದ್ದು, ಮೌಲ್ಯಗಳು ಮತ್ತು ಸಂಪ್ರದಾಯಗಳನ್ನು ಅವಮಾನಿಸಿದೆ ಎಂದು ಹೇಳಿ ವರನ ಕುಟುಂಬದವರನ್ನು ಮದುವೆಮನೆಯಿಂದ ಆಚೆ ಕಳುಹಿಸಿದ್ದಾರೆ ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ಹೇಳಿದ್ದಾರೆ.
