ಧರ್ಮ ನಿಷ್ಠರಾದ ಅಬೂ ಹುರೈರಾ(ರ) ಅವರು ಪ್ರವಾದಿ ಮುಹಮ್ಮದ್(ಸ) ಅವರು ಹೇಳಿದ್ದನ್ನು ಹೀಗೆ ಉಲ್ಲೇಖಿಸಿದ್ದಾರೆ: ಮಾನವನು ಮರಣ ಹೊಂದುವಾಗ ಆತನ ಕರ್ಮಗಳ ಅವಧಿ ಮುಗಿಯುತ್ತದೆ. ಆದರೆ ಮೂರು ಕರ್ಮಗಳ ಪುಣ್ಯ ಅವನ ನಿಧನಾನಂತರವೂ ಆತನಿಗೆ ಲಭಿಸುತ್ತಲೇ ಇರುತ್ತದೆ. ಮೊದಲನೆಯದು ಆತನು ಮಾಡಿದ ಶಾಶ್ವತ ಸ್ವರೂಪದ ದಾನ ಕಾರ್ಯಗಳು, ಎರಡನೆಯದು ಆತನು ಜನತೆಗೆ ಬಿಟ್ಟು ಹೋದ ಪ್ರಯೋಜನಕರವಾದ ವಿದ್ಯೆ, ಮೂರನೆಯದು ಆತನ ತರಬೇತಿಯ ಪರಿಣಾಮವಾಗಿ ಸಜ್ಜನರಾಗಿ ಬೆಳೆದು, ತಮ್ಮ ಹೆತ್ತವರಿಗಾಗಿ ಪ್ರಾರ್ಥಿಸುವ ಪುತ್ರ, ಪುತ್ರಿಯರು. ಈ ಜಗತ್ತಿನಲ್ಲಿ ನಡೆಯುವ ಶಾಶ್ವತ ಸ್ವರೂಪದ ದಾನವೆಂದರೆ ಜನತೆಗೆ, ಸಮಾಜಕ್ಕೆ ಬಹುದೀರ್ಘ ಸಮಯದವರೆಗೆ ಪ್ರಯೋಜನ ನೀಡುತ್ತಿರುವಂತಹ ದಾನ. ನಿದರ್ಶನಕ್ಕೆ ನೀರು ಹರಿಯುವಂತಹ ಕಾಲುವೆ ನಿರ್ವಣ, ಗ್ರಂಥಾಲಯದ ನಿರ್ವಣ, ಪ್ರಯಾಣಿಕರಿಗಾಗಿ, ಪ್ರವಾಸಿಗರಿಗಾಗಿ ತಂಗುದಾಣ ನಿರ್ವಣ, ಜನರಿಗೆ ನೆರಳು ನೀಡುವ ಮರಗಳನ್ನು ನೆಡುವುದು, ದೇವಸ್ಥಾನ, ಮಸೀದಿ, ಶಾಲೆ, ಮದರಸಾಗಳ ನಿರ್ವಣ, ಅವುಗಳಿಗೆ ಧಾರ್ವಿುಕ ಗ್ರಂಥಗಳನ್ನು, ಇತಿಹಾಸ, ವಿಜ್ಞಾನ, ಇತರ ಗ್ರಂಥಗಳನ್ನು ದಾನ ಮಾಡುವುದು, ವಿದ್ಯಾರ್ಥಿ ನಿಲಯಗಳ ನಿರ್ಮಾಣ ಮುಂತಾದ ಮೌಲಿಕವೂ, ಜನಹಿತವೂ, ಪ್ರಯೋಜನಕರವೂ ಆದ ಕಾರ್ಯಗಳನ್ನು ಕೈಗೊಳ್ಳುವುದು.
