ಆದರೆ ಅಜ್ಜನಿಗೆ ಮಗುವನ್ನು ನೋಡಲೇಬೇಕೆಂಬ ಹಂಬಲ. ಮಗನ ಮನೆ ಆರು ಕಿ.ಮೀ ದೂರ. ಲಾಕ್ಡೌನ್ನಿಂದ ಸಾರಿಗೆ ವ್ಯವಸ್ಥೆ ಇರಲಿಲ್ಲ. ಆದ್ದರಿಂದ ನಡೆದೇ ಹೋಗುವ ಹಂಬಲದಿಂದ ಸರಿ ಎಂದು ಒಂದು ದಿನ ಅಜ್ಜ ನಡೆದೇ ಹೋದ. ಮನೆಯಲ್ಲಿ ಯಾರ ಮಾತನ್ನೂ ಕೇಳದ ಅಜ್ಜ, ಮೊಮ್ಮಗಳನ್ನು ನೋಡಿಯೇ ತೀರುವೆ ಎಂದು ಹೊರಟುನಿಂತ. ಮಗನ ಮನೆಯ ಸಮೀಪವೂ ಬಂದಾಯಿತು. ಆದರೆ ಅಷ್ಟು ದೂರ ನಡೆದು ಬಂದಿರುವ ಕಾರಣ, ಕರೊನಾ ವೈರಸ್ ಯಾರನ್ನು ಹೇಗೆ ಆವರಿಸಿಕೊಳ್ಳುತ್ತದೆಯೋ ಎಂದು ಹೇಳಲಾಗದು ಎನ್ನುವ ಕಾರಣಕ್ಕೆ ಅಜ್ಜ, ಮಗುವನ್ನು ಮನೆಯ ಗ್ಲಾಸ್ನಿಂದ ನೋಡಿದ. ಮುದ್ದಾದ ಮಗುವನ್ನು ಎತ್ತಿ ಆಡಿಸುವ ಆಸೆಯಾದರೂ ಅದು ಸಾಧ್ಯವಾಗಲಿಲ್ಲ. ಗಾಜಿನಿಂದಲೇ ನೋಡಿ ಖುಷಿಪಟ್ಟು ಮನೆಗೆ ಹೋದ ಅಜ್ಜನಿಗೆ ಮತ್ತೆ ಮೊಮ್ಮಗಳ ನೆನಪು ಕಾಡತೊಡಗಿತು.
