ಬಿಎಸ್​ಎ ಅಧಿಕಾರಿಯ ಮೇಲೆ ಹಲ್ಲೆ ನಡೆಸಿದ ಸರ್ಕಾರಿ ಶಾಲೆಯ ಹೆಡ್​ಮಾಸ್ಟರ್! ವಿಡಿಯೋ ವೈರಲ್​| Headmaster

Headmaster: ಉತ್ತರ ಪ್ರದೇಶದ ಸೀತಾಪುರದಲ್ಲಿ ಸರ್ಕಾರಿ ಶಾಲೆಯ ಮುಖ್ಯೋಪಾಧ್ಯಾಯರೊಬ್ಬರು ಅಲ್ಲಿನ ಮೂಲ ಶಿಕ್ಷಾ ಅಧಿಕಾರಿಯ ಮೇಲೆ ಹಲ್ಲೆ ನಡೆಸಿರುವ ಆಘಾತಕಾರಿ ಘಟನೆಯೊಂದು ಬುಧವಾರ (ಸೆಪ್ಟೆಂಬರ್​ 24) ಬೆಳಕಿಗೆ ಬಂದಿದೆ.

ಘಟನೆ ಹಿನ್ನಲೆ

ಉತ್ತರಪ್ರದೇಶದ ನಡ್ವಾ ಪ್ರಥಮಿಕ ಶಾಲೆಯ ಮುಖ್ಯೋಪಾಧ್ಯಾಯರು ಎಂದು ಗುರುತಿಸಲ್ಪಟ್ಟ ಬ್ರಿಜೇಂದ್ರ ಕುಮಾರ್​ ವರ್ಮಾ ಅಲ್ಲಿನ ಸಿಬ್ಬಂದಿ ಅಖಿಲೇಶ್​ ಪ್ರತಾಪ್​ ಸಿಂಗ್​ ಮೇಲೆ ಕೋಪಗೊಂಡಿದ್ದು, ತೀವ್ರ ಮಾತಿನ ಚಕಮಕಿ ಉಂಟಾದ ನಂತರ ತಮ್ಮ ಬೆಲ್ಟ್​ನಲ್ಲಿ ಹೊಡೆದಿರುವ ಆರೋಪ ಕೇಳಿಬಂದಿದೆ.

ಇದನ್ನೂ ಓದಿ : ಈ 3 ರಾಶಿಯವರು ತಮ್ಮ ಕೊನೇ ಉಸಿರಿರುವವರೆಗೂ ನ್ಯಾಯಕ್ಕಾಗಿ ಹೋರಾಡುವ ಮನೋಭಾವ ಹೊಂದಿರುತ್ತಾರಂತೆ! Zodiac Signs

ವರದಿಗಳ ಪ್ರಕಾರ, ವರ್ಮಾ ಅವರ ದೂರುಗಳ ಕುರಿತು ವಿಚಾರಣೆ ನಡೆಸಲು ಬಿಎಸ್​ಎ ಕಚೇರಿಗೆ ಕರೆಹಿಸಲಾಯಿತು. ವಿಚಾರಣೆಯ ಸಮಯದಲ್ಲಿ, ಬಿಎಸ್​ಎ ಸಿಂಗ್​ ಅವರ ಉತ್ತರದ ಮೇಲೆ ಅತೃಪ್ತಿ ವ್ಯಕ್ತಪಡಿಸಿದರು. ಇದು ವರ್ಮಾ ಅವರನ್ನು ಕೋಪಗೊಳಿಸಿತು. ಕೋಪದ ಭರದಲ್ಲಿ ವರ್ಮಾ ಮೇಜಿನ ಮೇಲೆ ಫೈಲ್​ಗಳನ್ನು ಎಸೆದು ಪ್ರಮುಖ ದಾಖಲೆಗಳನ್ನು ಹೊರಿದು ತಮ್ಮ ಬೆಲ್ಟ್​ನಿಂದ ಅಧಿಕಾರಿಯ ಮೇಲೆ ಹಲ್ಲೆ ನಡೆಸಿದ್ದಾರೆ.

ಪರಿಸ್ಥಿತಿ ಗೊಂದಲಮಯವಾಗಿ ಮುಂದುವರೆದಿದ್ದು, ಕಚೇರಿಯಲ್ಲಿರುವ ಇತರ ಸಿಬ್ಬಂದಿಗಳು ಮಧ್ಯಪ್ರವೇಶಿಸಿ ಅಧಿಕಾರಿಯನ್ನು ರಕ್ಷಿಸಿದ್ದಾರೆ. ಇನ್ನು ಮುಖ್ಯೋಪಾಧ್ಯಾಯ ವರ್ಮಾ ಅವರನ್ನು ಕೊತ್ವಾಲಿ ನಗರ ಪೊಲೀಸರಿಗೆ ಒಪ್ಪಿಸಿದ್ದು, ಬಿಎಸ್​ಎ ಸಿಂಗ್​ ಅವರು ನೀಡಿದ ದೂರಿನ ಆಧಾರದ ಮೇಲೆ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಪೊಲೀಸರು ಹೇಳಿದ್ದೇನು?

ಆರೋಪಿ ವರ್ಮಾ ಅವರನ್ನು ಈಗಾಗಲೇ ಹಲ್ಲೆ ಪ್ರಕರಣದ ಅಡಿ ಬಂಧಿಸಲಾಗಿದೆ, ಲಿಖಿತ ದೂರಿನ ಆಧಾರದ ಮೇಲೆ ಸೂಕ್ತ ಸೆಕ್ಸನ್​ಗಳ ಅಡಿಯಲ್ಲಿ ದೂರು ದಾಖಲಿಸಲಾಗಿದೆ. ಆರೋಪಿಯನ್ನು ವಶಕ್ಕೆ ಪಡೆದುಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿದ್ದಾರೆ.

ಇದನ್ನೂ ಓದಿ : ಮೋದಿ ರಾಷ್ಟ್ರಧ್ವಜ ಹಾರಿಸುವುದನ್ನು ತಡೆದವರಿಗೆ 11 ಕೋಟಿ ರೂ. ಬಹುಮಾನ: ಖಲಿಸ್ತಾನಿ ಉಗ್ರನ ವಿರುದ್ಧ ಕೇಸು ದಾಖಲು! PM Modi

ಆದಾಗ್ಯೂ, ಶಿಕ್ಷಣ ಇಲಾಖೆ ವರ್ಮಾ ಅವರನ್ನು ತಕ್ಷಣವೇ ಜಾರಿಗೆ ಬರುವಂತೆ ಅಮಾನತುಗೊಳಿಸಿದೆ. ಈ ಘಟನೆಯನ್ನು ಶಿಸ್ತು ಮತ್ತು ಸಭ್ಯತೆಯ ಗಂಭೀರ ಉಲ್ಲಂಘನೆ ಎಂದು ಕರೆದಿರುವ ಬಿಎಸ್​ಎ , ಅವರ ಸೇವೆಗಳನ್ನು ವಜಾಗೊಳಿಸುವಂತೆ ಶಿಫಾರಸ್ಸು ಮಾಡಿದೆ. (ಏಜೆನ್ಸೀಸ್​)

https://www.vijayavani.net/legendary-umpire-harold-dickie-bird-dies-aged-92