ಯಾವುದೇ ಕಾರಣಕ್ಕೂ ಈ 4 ಸಂಗತಿಗಳನ್ನು ಗೂಗಲ್​ ಸರ್ಚ್​ ಮಾಡ್ಬೇಡಿ! ಮಾಡಿದ್ರೆ ಜೈಲೂಟ ತಿನ್ಬೇಕಾಗುತ್ತೆ | Google Search

Google Search: ಇಂದು ಯಾರಿಗಾದರೂ ಯಾವುದೇ ಮಾಹಿತಿ ಬೇಕಾದಾಗ ಮೊದಲು ಮಾಡುವ ಕೆಲಸವೆಂದರೆ ಗೂಗಲ್​ ಸರ್ಚ್​​. ಗೂಗಲ್​ ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ. ನಮಗಿರುವ ಎಷ್ಟೋ ಅನುಮಾನಗಳಿಗೆ ಗೂಗಲ್​ ಉತ್ತರ ನೀಡಿದೆ.

ಒಂದು ಊರಿನಿಂದ ಮತ್ತೊಂದು ಊರಿಗೆ ಹೋಗುವಾಗ ದಾರಿ ಗೊತ್ತಿಲ್ಲದಿರುವವರಿಗೂ ಗೂಗಲ್​ ದಾರಿದೀಪವಾಗಿದೆ. ಕೆಲವೊಮ್ಮೆ ಕೆಲವೊಂದು ಆರೋಗ್ಯ ಸಮಸ್ಯೆಗಳಿಗೂ ಗೂಗಲ್​ ಮೂಲಕ ಉತ್ತರ ಕಂಡುಕೊಂಡು ನಿಟ್ಟುಸಿರುವ ಬಿಟ್ಟವರು ಕೂಡ ಇದಾರೆ. ಅದೇ ರೀತಿ ಗೂಗಲ್​ ಸಹಾಯದಿಂದಲೇ ಕ್ರಿಮಿನಲ್​ ಕೆಲಸ ಮಾಡಿದವರು ಕೂಡ ನಮ್ಮ ನಡುವೆ ಇದಾರೆ.

ಯಾವುದೇ ಮಾಹಿತಿಗಾಗಿ ಗೂಗಲ್​ ಅನ್ನೇ ಆಶ್ರಯಿಸಿರುವ ನಾವು ಕೆಲವು ಸಂದರ್ಭಗಳಲ್ಲಿ ತುಂಬಾ ಎಚ್ಚರಿಕೆಯನ್ನು ಅನುಸರಿಸಬೇಕಿದೆ. ಏನೋ ಹುಡುಕಲು ಹೋಗಿ ಕೆಲವೊಮ್ಮೆ ಅಪಾಯಕ್ಕೂ ಸಿಲುಕಬಹುದು ಮತ್ತು ಜೈಲುಪಾಲಾಗಬಹುದು. ಹೀಗಾಗಿ ಗೂಗಲ್​ನಲ್ಲಿ ಎಂದಿಗೂ ಹುಡುಕಬಾರದ 4 ವಿಷಯಗಳ ಬಗ್ಗೆ ನಾವೀಗ ತಿಳಿದುಕೊಳ್ಳೋಣ.

ಗೂಗಲ್‌ನಲ್ಲಿ ಬಾಂಬ್ ತಯಾರಿಸುವುದು ಹೇಗೆ ಎಂಬುದನ್ನು ಯಾವುದೇ ಕಾರಣಕ್ಕೂ ಹುಡುಕಬೇಡಿ. ಈ ರೀತಿ ಮಾಡುವುದು ದೊಡ್ಡ ಕ್ರಿಮಿನಲ್ ಅಪರಾಧವಾಗಿದೆ. ಯಾವುದೇ ದೇಶದ ಭದ್ರತಾ ವ್ಯವಸ್ಥೆಯು ಇದನ್ನು ಸೂಕ್ಷ್ಮವಾಗಿ ಗಮನಿಸುತ್ತಿರುತ್ತದೆ. ನಿಮ್ಮ ಸರ್ಚ್​ ಹಿಸ್ಟರಿಯಲ್ಲಿ ಬಾಂಬ್​ ತಯಾರಿಸುವ ಮಾಹಿತಿ ಇದ್ದರೆ ನೀವು ಖಂಡಿತವಾಗಿಯೂ ಜೈಲಿಗೆ ಹೋಗಬೇಕಾಗುತ್ತದೆ.

ಇದನ್ನೂ ಓದಿ: ನೀವು ಅಂದುಕೊಂಡಂತೆ ಆತ ಗ್ರೇಟ್​ ಬ್ಯಾಟ್ಸ್​ಮನ್​ ಅಲ್ಲ! ಶಾಕಿಂಗ್​ ಹೇಳಿಕೆ ನೀಡಿದ ಆಕಾಶ್​ ಚೋಪ್ರಾ | Aakash Chopra

ಬಾಂಬ್​ ತಯಾರಿಸುವುದು ಮಾತ್ರವಲ್ಲ ಮಕ್ಕಳು ಮತ್ತು ಅಪ್ರಾಪ್ತ ವಯಸ್ಕರ ಲೈಂಗಿಕ ವಿಡಿಯೋಗಳನ್ನು ಹುಡುಕುವುದು ಸಹ ಅಪರಾಧ. ಅಪ್ರಾಪ್ತರ ವಿಡಿಯೋಗಳನ್ನು ಗೂಗಲ್​ ಸರ್ಚ್​ನಲ್ಲಿ ಹುಡುಕಿ ವೀಕ್ಷಣೆ ಮಾಡುವುದು ಮತ್ತು ಅದನ್ನು ಹಂಚಿಕೆ ಮಾಡುವುದು ಗಂಭೀರ ಅಪರಾಧವಾಗಿದೆ. ಸಿಕ್ಕಿಬಿದ್ದರೆ, 5 ರಿಂದ 7 ವರ್ಷಗಳ ಜೈಲು ಶಿಕ್ಷೆಗೆ ಗುರಿಯಾಗಬಹುದು.

ಗೂಗಲ್​ನಲ್ಲಿ ಹ್ಯಾಕಿಂಗ್ ಟ್ಯುಟೋರಿಯಲ್​ಗಳು ಮತ್ತು ಹ್ಯಾಕಿಂಗ್ ಸಾಫ್ಟ್​ವೇರ್​ಗಳನ್ನು ಹುಡುಕುವುದರಿಂದಲೂ ನೀವು ತೊಂದರೆಗೆ ಸಿಲುಕಬಹುದು. ಗೂಗಲ್​ನಲ್ಲಿ ಹೇಗೆ ಹ್ಯಾಕ್ ಮಾಡುವುದು ಎಂದು ಹುಡುಕಿದರೆ ಜೈಲು ಶಿಕ್ಷೆ ಅನುಭವಿಸಬೇಕಾಗುತ್ತದೆ.

ನಾವು ಗೂಗಲ್‌ನಲ್ಲಿ ಸಿನಿಮಾಗಳನ್ನು ಹುಡುಕುವಾಗ ಪೈರೇಟೆಡ್ ಸಿನಿಮಾಗಳನ್ನು ಹುಡುಕುವುದು ಮತ್ತು ಡೌನ್‌ಲೋಡ್ ಮಾಡುವುದು ಕೂಡ ಅಪರಾಧವಾಗಿ. ಹೀಗೆ ಮಾಡಿ ಸಿಕ್ಕಿಬಿದ್ದರೆ, ನೀವು 10 ಲಕ್ಷ ರೂಪಾಯಿ ದಂಡ ಮತ್ತು 3 ವರ್ಷ ಜೈಲು ಶಿಕ್ಷೆಯನ್ನು ಅನುಭವಿಸಬೇಕಾಗುತ್ತದೆ. (ಏಜೆನ್ಸೀಸ್​)

https://www.vijayavani.net/govt-school-teacher-ends-her-own-life-after-unable-to-bear-the-harassment-of-loan-recovery-agent

https://www.vijayavani.net/hes-getting-hit-by-fast-balls-sanju-is-just-an-average-batsman-aakash-chopra-slams