ಚಿನ್ನಾಭರಣ ಪ್ರಿಯರಿಗೆ ಗುಡ್​ ನ್ಯೂಸ್​! ಚಿನ್ನದ ದರದಲ್ಲಿ ಮತ್ತೆ ಇಳಿಕೆ

ಬೆಂಗಳೂರು: ಚಿನ್ನಾಭರಣ ಪ್ರಿಯರಿಗೆ ಶನಿವಾರ ಒಂದು ಗುಡ್​ ನ್ಯೂಸ್​ ಸಿಕ್ಕಿದೆ. ಚಿನ್ನದ ದರದಲ್ಲಿ ಶುಕ್ರವಾರದಂತೆ ಶನಿವಾರವೂ ಇಳಿಕೆ ಕಂಡುಬಂದಿದೆ.

ಚಿನಿವಾರು ಮಾರುಕಟ್ಟೆಯಲ್ಲಿ ಶನಿವಾರ 10 ಗ್ರಾಂ ಚಿನ್ನಕ್ಕೆ 457 ರೂಪಾಯಿ ಇಳಿಕೆಯಾಗಿದೆ. ಈ ಮೂಲಕ 10 ಗ್ರಾಂ ಚಿನ್ನದ ದರ 46,390 ರೂಪಾಯಿಯಷ್ಟಾಗಿದೆ. ಶುಕ್ರವಾರದಂದು 661 ರೂಪಾಯಿ ಇಳಿಕೆ ಕಂಡುಬಂದಿತ್ತು. ಬೆಳ್ಳಿ ದರದಲ್ಲೂ 347 ರೂಪಾಯಿ ಇಳಿಕೆಯಾಗಿದ್ದು ಒಂದು ಕೆಜಿ ಬೆಳ್ಳಿ ದರ 67,894 ರೂಪಾಯಿಯಷ್ಟಾಗಿದೆ.

ಬೆಂಗಳೂರಿನಲ್ಲಿ 22 ಕ್ಯಾರೆಟ್​ ಚಿನ್ನದ ದರ (10 ಗ್ರಾಂ) 44,240 ರೂಪಾಯಿಯಿದ್ದರೆ, 24 ಕ್ಯಾರೆಟ್ ಚಿನ್ನದ ದರ 48,280 ರೂಪಾಯಿದೆ. ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಶನಿವಾರದಂದು 22 ಕ್ಯಾರೆಟ್​ ಚಿನ್ನದ ದರ (10 ಗ್ರಾಂ.) 46,390 ರೂಪಾಯಿಯಾಗಿದ್ದರೆ, ಮುಂಬೈನಲ್ಲಿ 46,430 ರೂಪಾಯಿಯಾಗಿದೆ. ಚೆನ್ನೈನಲ್ಲಿ 44,650 ರೂಪಾಯಿಯಷ್ಟಿದೆ.

2021ರ ಆರಂಭದಿಂದ ಈವರೆಗೆ ಚಿನ್ನದ ದರದಲ್ಲಿ ಶೇ. 2 ಇಳಿಕೆ ಕಂಡುಬಂದಿದೆ. ಕಳೆದ ವರ್ಷದ ಆಗಸ್ಟ್​ಗೆ ಹೋಲಿಸದರೆ 10 ಗ್ರಾಂಗೆ ಸುಮಾರು 7 ಸಾವಿರ ರೂಪಾಯಿ ದರ ಕಡಿಮೆಯಾಗಿದೆ. (ಏಜೆನ್ಸೀಸ್​)

https://www.vijayavani.net/husband-makes-a-surprise-visit-and-got-shocked/

https://www.vijayavani.net/chhattisgarh-promise-day-one-sided-love-story-sad-end/