ನವದೆಹಲಿ: ಮನೆಯಲ್ಲಿದ್ದರೆ ಚಿನ್ನ (Gold) ಚಿಂತೆ ಏತಕೆ ಇನ್ನಾ ಎಂಬ ಮಾತಿತ್ತು. ಆದರೆ, ಈಗ ಅದು ಬಹಳ ದೂರ ಉಳಿದಿದೆ ಎಂದೇ ಹೇಳಬಹುದು. ಕಾರಣ, ಮನೆಯಲ್ಲಿ ಚಿನ್ನವಿದ್ದರೆ ಚಿಂತೆ ದೂರ ಎಂದು ಹೇಳಬಹುದಿತ್ತು. ಆದ್ರೆ, ಖರೀದಿ ಮಾಡೋಣ ಎಂದರೆ, ಸ್ವರ್ಣದ ಬೆಲೆ ಆಕಾಶಕ್ಕೇರಿ ಕುಳಿತಿದೆ. ದಿನ ಕಳೆದಂತೆ ಗೋಲ್ಡ್ ಬೆಲೆಯೂ ಸಾವಿರಾರು ರೂ. ಏರಿಕೆಯಾಗುತ್ತಿದ್ದು, ಸಾರ್ವಕಾಲಿಕ ದಾಖಲೆ ಗರಿಷ್ಠ ಮಟ್ಟವನ್ನು ಮೀರಿ ಹೋಗುತ್ತಿದೆ. ಮುಂಬರುವ ಅವಧಿಯಲ್ಲಿ ಇದೇ ಪರಿಸ್ಥಿತಿ ಮುಂದುವರಿದರೆ, ಇನ್ನೆರೆಡು ವರ್ಷಗಳಲ್ಲಿ 10 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 2.50 ಲಕ್ಷದಿಂದ 3 ಲಕ್ಷ ರೂ. ತಲುಪುವ ಸಾಧ್ಯತೆಯಿದೆ ಎಂದು ತಜ್ಞರು ಭವಿಷ್ಯ ನುಡಿದಿದ್ದಾರೆ.
