ಹಾಸಿಗೆಯಲ್ಲಿ ಮಲಗಿದ್ದ ಮಗು ಬೆಳಗ್ಗೆ ಹಜಾರದಲ್ಲಿ ಶವವಾಗಿ ಪತ್ತೆ: ಕಣ್ಣೀರು ತರಿಸುವಂತಿದೆ ರಾತ್ರಿ ನಡೆದ ದುರಂತ!

ಮಾಸ್ಕೋ: ಪಾಲಕರಿಗೂ ತಿಳಿಯದಂತೆ ರಾತ್ರಿ ನಿದ್ರೆಯಲ್ಲಿ ನಡೆದು ಹೋದ ಮೂರು ವರ್ಷದ ಮಗು ಬೆಳಗಾಗುವಷ್ಟರಲ್ಲಿ ದುರಂತ ಸಾವಿಗೀಡಾಗಿರುವ ಘಟನೆ ರಷ್ಯಾದಲ್ಲಿ ಶುಕ್ರವಾರ ನಡೆದಿದೆ. ಮೈನಸ್​ 15 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶವಿರುವ ತನ್ನ ಮನೆಯಲ್ಲಿ ತುಂಬಾ ಚಳಿಯಿಂದಾಗಿ ಪಾಲಕರ ಅರಿವಿಗೂ ಬಾರದೇ ಮಗು ಮೃತಪಟ್ಟಿದೆ. ​

ಬೆಳಗ್ಗೆ ಎದ್ದು ನೋಡುವಷ್ಟರಲ್ಲಿ ಮಗು ಏಂಜಲಿನಾ ಮೃತದೇಹ ಮನೆಯ ಮುಖ್ಯ ದ್ವಾರದ ಮುಂದೆ ಬಿದ್ದಿತ್ತು ಎಂದು ತಾಯಿ ಸ್ವೆಟ್ಲಾನಾ ಕುಲೆಶೋವಾ (23) ಕಣ್ಣೀರಿಟ್ಟಿದ್ದಾರೆ. ಅಂದಹಾಗೆ ಈ ದುರಂತ ರಷ್ಯಾದ ದಕ್ಷಿಣದಲ್ಲಿರುವ ಸಟ್ಕಾ ಪಟ್ಟಣದಲ್ಲಿ ನಡೆದಿದೆ. ದುರಂತ ನಡೆಯು ಮುನ್ನ ರಾತ್ರಿ ಏಜೆಂಲಿನಾ ಕುಟುಂಬ ಕಿರಿಯ ಮಗಳ ಒಂದು ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿತ್ತು.

ಇದನ್ನೂ ಓದಿ: 7 ವರ್ಷ ಬಳಸಿಕೊಂಡು ಬೇರೆ ಮದ್ವೆಯಾಗಿದ್ದಾನೆ- ಸತ್ತುಹೋಗೋಣ ಎನಿಸುತ್ತಿದೆ, ಪ್ಲೀಸ್ ಏನಾದ್ರೂ ಪರಿಹಾರ ಹೇಳಿ…

ಈ ಬಗ್ಗೆ ಮಾತನಾಡಿರುವ ತಾಯಿ ಸ್ವೆಟ್ಲಾನಾ, ನಾನು ಏಜಂಲಿನಾಳನ್ನು ಬೆಡ್​ ಮೇಲೆ ಮಲಗಿಸಿದೆ. ಬಳಿಕ ನಾನು ಮತ್ತು ಪತಿ ಸ್ವಲ್ಪ ಸಮಯ ಟಿವಿ ನೋಡಿ ಮಧ್ಯರಾತ್ರಿ ಮಲಗಲು ಹೋದೆವು. ಬೆಳಗ್ಗೆ ಎದ್ದು ನೋಡುವಷ್ಟರಲ್ಲಿ ಬೆಡ್​ ಮೇಲೆ ಮಗಳು ಇರಲಿಲ್ಲ. ಬಳಿಕ ಆಕೆ ಮನೆಯ ಹಾಲ್​ನಲ್ಲಿ ಶವವಾಗಿ ಪತ್ತೆಯಾದಳು ಎಂದಿದ್ದಾರೆ.

ಏಂಜಲಿನಾಗೆ ನಿದ್ರೆಯಲ್ಲಿ ನಡೆಯುವ ಕೆಟ್ಟ ಹವ್ಯಾಸ ಇತ್ತು. ನಾವು ಅನೇಕ ಬಾರಿ ಆಕೆಯನ್ನು ಮರಳಿ ಬೆಡ್​ ಮೇಲೆ ತಂದು ಮಲಗಿಸಿದ್ದೇವೆ. ಆದರೆ, ಆ ರಾತ್ರಿ ಮಾತ್ರ ಆಕೆಯ ಕೋಣೆಯಿಂದ ಹೊರ ಹೋಗಿದ್ದನ್ನು ಯಾರು ಗಮನಿಸಲಿಲ್ಲ ಎಂದಿದ್ದಾರೆ. ನಿದ್ರೆಯಲ್ಲಿ ನಡೆದುಕೊಂಡು ಮನೆಯ ಸಭಾಂಗಣಕ್ಕೆ ತೆರಳಿದ್ದಾಳೆ. ಮೊದಲೇ ಆ ಪ್ರದೇಶ ಬಿಸಿಯಾಗಿರದೆ ತುಂಬಾ ಶೀತದಿಂದ ಕೂಡಿತ್ತು. ಕತ್ತಲಾಗಿದ್ದರಿಂದ ವಾಪಸ್ಸು ಬರಲು ದಾರಿ ತಿಳಿಯದೇ ಚಳಿಯಿಂದ ಅಲ್ಲಿಯೇ ಮೃತಪಟ್ಟಿರಬಹುದೆಂದು ತಾಯಿ ಅಂದಾಜಿಸಿದ್ದಾರೆ.

ಇದನ್ನೂ ಓದಿ: ಪತ್ನಿಯದ್ದೇ ತಪ್ಪಿದ್ದರೂ ಡಿವೋರ್ಸ್​ ಕೊಟ್ಟರೆ ಲಕ್ಷಾಂತರ ರೂಪಾಯಿ ಜೀವನಾಂಶ ಕೊಡಬೇಕೇ?

ಆ ರಾತ್ರಿ ಯಾವುದೇ ಶಬ್ದವೂ ಸಹ ನನಗೂ ಮತ್ತು ಪತಿಗೂ ಕೇಳಲಿಲ್ಲ ಎಂದು ಸ್ವೆಟ್ಲಾನಾ ಹೇಳಿದ್ದಾರೆ. ಪಾಲಕರ ನಿರ್ಲಕ್ಷ್ಯವೇ ದುರಂತಕ್ಕೆ ಕಾರಣ ಎಂದು ತಾಯಿಯ ವಿರುದ್ಧ ಪೊಲೀಸರು ಕ್ರಮಿನಲ್​ ಕೇಸು ದಾಖಲಿಸಿದ್ದು, ಆರೋಪ ಸಾಬೀತಾದರೆ ತಾಯಿ ಎರಡು ವರ್ಷಗಳ ಜೈಲು ಶಿಕ್ಷೆಗೆ ಗುರಿಯಾಗಬೇಕಾಗುತ್ತದೆ. ಮಗು ಮೃತದೇಹ ಪತ್ತೆಯಾದ ಸ್ಥಳದಲ್ಲಿ ಮೈನಸ್​ 15 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶವಿತ್ತೆಂದು ತಿಳಿದುಬಂದಿದೆ. ಸದ್ಯ ಪ್ರಕರಣ ಪೊಲೀಸ್​ ಠಾಣೆ ಮೆಟ್ಟಿಲೇರಿದ್ದು ಮುಂದೇ ಏನಾಗಲಿದೆ ಎಂದು ಕಾದು ನೋಡಬೇಕಿದೆ. (ಏಜೆನ್ಸೀಸ್​)

https://www.vijayavani.net/vijaya-rangaraju-saying-sorry-to-all-for-dr-vishnuvardhan-fans/