"ಮದುವೆಯಾಗಲು ವರ ಬೇಕಾಗಿದ್ದಾನೆ"..ಬೋರ್ಡ್ ಹಿಡಿದು ರಸ್ತೆಗಿಳಿದ ಯುವತಿ.. ಅರ್ಧ ಗಂಟೆ ನಂತರ ಏನಾಯ್ತು ಗೊತ್ತಾ?

ನ್ಯೂಯಾರ್ಕ್​​: ಸೂಕ್ತವಾದ ಜೀವನ ಸಂಗಾತಿಯನ್ನು ಹುಡುಕುವುದು ತುಂಬಾ ಕಷ್ಟದ ಕೆಲಸ. ಅದಕ್ಕಾಗಿಯೇ ಹೆಚ್ಚಿನ ಜನರು ಡೇಟಿಂಗ್ ಅಪ್ಲಿಕೇಶನ್‌ಗಳ ಮೊರೆ ಹೋಗುತ್ತಾರೆ. ಹೀಗೆ ಯುವತಿಯೊಬ್ಬಳು  ಭಾವಿ ಪತಿ ಬೇಕಾಗಿದ್ದಾನೆಂದು ಬೋರ್ಡ್​​ ಹಿಡಿದು ರಸ್ತೆಯಲ್ಲಿ ನಿಂತಿರುವ ಫೋಟೋಗಳು ಇದೀಗ ವೈರಲ್ ಆಗಿದೆ.

ಅಮೆರಿಕದ ಕರೊಲಿನಾ ಗೀಟ್ಸ್ ಎಂಬ ಯುವತಿ ಎರಡು ವರ್ಷಗಳಿಂದ ಒಂಟಿಯಾಗಿ ಜೀವನ ನಡೆಸುತ್ತಿದ್ದಳು. ಆಕೆ ತನ್ನ ಭಾವಿ ಪತಿಯನ್ನು ಆಯ್ಕೆ ಮಾಡಲು ವಿನೂತನ ಪ್ರಯೋಗವನ್ನು ಮಾಡಲು ಯೋಚಿಸುತ್ತಾಳೆ. ಅದೇನೆಂದರೆ, ಭವಿಷ್ಯದ ಜೀವನ ಸಂಗಾತಿಯನ್ನು ಹುಡುಕುತ್ತಿದ್ದೇನೆ... ಎಂದು ಬೋರ್ಡ್ ಮೇಲೆ ಬರೆದು ಕೈಯಲ್ಲಿ ಹಿಡಿದುಕೊಂಡು ರಸ್ತೆಯಲ್ಲಿ ನಿಂತಿದ್ದಳು. ಈ ಬೋರ್ಡು ಹಿಡಿದು ಊರೂರು ಸುತ್ತುತ್ತಿದ್ದಾಳೆ. ಇದನ್ನು ಗಮನಿಸಿದ ಮಾಧ್ಯಮಗಳು ಕ್ಯಾರೊಲಿನಾ ಗೀಟ್ಸ್ ಅವರನ್ನು ಬೆನ್ನಟ್ಟಿದವು. ಈ ಕುರಿತಾದ ಫೋಟೋಗಳು ಸೋಶಿಯಲ್​​ ಮೀಡಿಯಾದಲ್ಲಿ ಹರಿದಾಡುತ್ತಿದ್ದವು.

ಬೋರ್ಡ್ ತೆಗೆದುಕೊಂಡು ನಗರದ ರಸ್ತೆಗಳಲ್ಲಿ ಹೋದಳು. ಆಕೆಯ ಪ್ರಯತ್ನವು 30 ನಿಮಿಷಗಳಲ್ಲಿ ಫಲ ನೀಡಿತು. ಒಬ್ಬ ವ್ಯಕ್ತಿ ಅವಳನ್ನು ಭೇಟಿಯಾದನು. ಆಕೆಯನ್ನು ಮದುವೆಯಾಗುವ ಇಚ್ಛೆ ವ್ಯಕ್ತಪಡಿಸಿದರು. ಇಬ್ಬರೂ ಫೋನ್ ನಂಬರ್ ವಿನಿಮಯ ಮಾಡಿಕೊಂಡಿದ್ದಾರೆ.

ಈ ವಿನೂತನ ಪ್ರಯತ್ನದ ಕುರಿತು ಮಾಧ್ಯಮದವರೊಂದಿಗೆ ಮಾತನಾಡಿದ ಕರೊಲಿನಾ ಗೀಟ್ಸ್, ಪತಿಯನ್ನು ಹುಡುಕುತ್ತಿದ್ದೇನೆ ಎಂಬ ಫಲಕವನ್ನು ಹಿಡಿದು ನಗರದಾದ್ಯಂತ ತಿರುಗಾಡುತ್ತಿದ್ದೇನೆ. ಕೆಲವು ಡೇಟಿಂಗ್ ಅಪ್ಲಿಕೇಶನ್‌ಗಳ ಮೂಲಕ ಈಗಾಗಲೇ ಕೆಲವು ಪುರುಷರೊಂದಿಗೆ ಸ್ನೇಹ ಬೆಳೆಸಿದ್ದೇನೆ. ಆದರೆ ಯಾವುದೂ ತನಗೆ ಇಷ್ಟವಾಗದೆ ಸಮಯ ವ್ಯರ್ಥ ಎಂದು ಭಾವಿಸಿ ಈ ನಿರ್ಧಾರಕ್ಕೆ ಬಂದಿದ್ದೇನೆ. ಇದೆಲ್ಲವೂ ತನಗೆ ಹೊಸದು ಮತ್ತು ಈ ಪರಿಚಯವು ಎಲ್ಲಿಗೆ ಕರೆದೊಯ್ಯುತ್ತದೆ ಎಂದು ನೋಡಲು ಬಯಸುತ್ತೇನೆ ಎಂದು ಕೆರೊಲಿನಾ ಗೀಟ್ಸ್ ಹೇಳಿದ್ದಾಳೆ.