ಪ್ರಜಾ ಜಾಗೃತಿ ವೇದಿಕೆ ಹೆಸರಿನ ನೂತನ ಸಂಘಟನೆಗೆ ಚಾಲನೆ ನೀಡಿ ಮಾತನಾಡಿ, ನೂತನ ಸಂಘಟನೆ ಸಮಾನತೆಯ ವೇದಿಕೆಯಾಗಲಿ. ಕನ್ನಡ ಉಳಿಸುವ ಕೆಲಸ ಮಾಡುವಂತಾಗಲಿ. ನನ್ನಂತವರು ಜನ್ಮತಾಳಿದರೆ ಅವರನ್ನು ಅವಮಾನಿಸದೇ ಉತ್ತಮ ಪ್ರಜೆಯನ್ನಾಗಿ ರೂಪಿಸಿ ಎಂದರು.
ಸಂಘ ಸಂಸ್ಥೆ ಒಬ್ಬರಿಂದ ನಡೆಯುವುದಿಲ್ಲ. ಚಪ್ಪಾಳೆ ಹೊಡೆಯಲು ಎರಡು ಕೈಗಳು ಬೇಕು. ಒಂಟಿತನದಲ್ಲಿ ಯಾವಾಗಲೂ ಬಲ ಇರುವುದಿಲ್ಲ. ಒಗ್ಗಟ್ಟಿನಲ್ಲಿ ಬಲವಿರುತ್ತದೆ. ಈ ಸಂಘಟನೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವ ಕೆಲಸ ಮಾಡಲಿ. ಮೌಢ್ಯವನ್ನು ದೂರಾಗಿಸಲಿ. ಸಂಘಟನೆಯಲ್ಲಿ ಎಲ್ಲರೂ ಸಮಾನರು ಎಂಬ ಮನೋಭಾವವಿರಲಿ ಎಂದು ಸಲಹೆ ನೀಡಿದರು.
ಟೀಕಿಸುವವರು ಎಲ್ಲ ಕಾಲದಲ್ಲೂ, ಎಲ್ಲ ಕಡೆಗಳಲ್ಲೂ ಇರುತ್ತಾರೆ. ಅದಕ್ಕೆ ಚಿಂತಿಸುವ ಅವಶ್ಯಕತೆಯಿಲ್ಲ. ಪರಸ್ಪರರಲ್ಲಿ ವೈಮನಸ್ಸು ಬೇಡ. ಎಲ್ಲರ ಆತ್ಮದಲ್ಲೂ ಪರಮಾತ್ಮನಿದ್ದಾನೆ. ಒಬ್ಬ ಇನ್ನೊಬ್ಬನನ್ನು ಗೌರವಿಸಿದಾಗ ಮಾತ್ರ ದೇವರ ಆಶೀರ್ವಾದ ಸಿಗುತ್ತದೆ ಎಂದರು.
ಶಾಸಕರಾದ ಶಾರದಾ ಪೂರ್ಯಾನಾಯ್ಕಾ, ಎಸ್.ಎನ್.ಚನ್ನಬಸಪ್ಪ, ವಿಧಾನ ಪರಿಷತ್ ಸದಸ್ಯ ಡಿ.ಎಸ್.ಅರುಣ್, ಮಾಜಿ ಶಾಸಕ ಕೆ.ಬಿ.ಪ್ರಸನ್ನಕುಮಾರ್, ಪ್ರಜಾ ಜಾಗೃತಿ ವೇದಿಕೆಯ ಅಧ್ಯಕ್ಷ ನರಸಿಂಹ ಗಂಧದ ಮನೆ, ಉಪಾಧ್ಯಕ್ಷ ಡಿ.ಶ್ಯಾಮ್, ಪ್ರಮುಖರಾದ ಕವಿತಾ ಸಾಗರ್, ದಿವ್ಯಾ ಪ್ರವೀಣ್ ಮುಂತಾದವರಿದ್ದರು.
