ಜರ್ಮನಿಯ ಹನೌನಲ್ಲಿ ಎರಡು ಹುಕ್ಕಾ ಬಾರ್​ಗಳ ಮೇಲೆ ಗುಂಡಿನ ದಾಳಿ; ಎಂಟು ಮಂದಿ ಸಾವು, ಹಲವರಿಗೆ ಗಾಯ

ಹನೌ: ಜರ್ಮನಿಯ ಹನೌ ಪಟ್ಟಣದಲ್ಲಿ ದುಷ್ಕರ್ಮಿಗಳು ನಡೆಸಿದ ಗುಂಡಿನ ದಾಳಿಗೆ ಎಂಟು ಮಂದಿ ಬಲಿಯಾಗಿದ್ದಾರೆ. ಬುಧವಾರ ಸಂಜೆ ನಗರದ ಎರಡು ಪ್ರಮುಖ ಹುಕ್ಕಾ ಬಾರ್​ಗಳನ್ನು ಗುರಿಯಾಗಿಟ್ಟುಕೊಂಡು ಈ ಗುಂಡಿನ ದಾಳಿ ನಡೆದಿದ್ದು ಹಲವು ಮಂದಿ ಗಾಯಗೊಂಡಿದ್ದಾರೆ.

ಗುಂಡಿನ ದಾಳಿ ನಡೆಸಿದವರಿಗಾಗಿ ಇಂದು ಮುಂಜಾನೆಯಿಂದ ಪೊಲೀಸರು ಹುಡುಕುತ್ತಿದ್ದಾರೆ. ಘಟನೆ ಬಗ್ಗೆ ಸಂಕ್ಷಿಪ್ತವಾಗಿ ವಿವರಣೆ ನೀಡಿರುವ ಪೊಲೀಸರು, ಮೃತಪಟ್ಟವರ ಬಗ್ಗೆಯಾಗಲೀ, ಫೈರಿಂಗ್​ ಬಗೆಗಾಗಲೀ ಹೆಚ್ಚಿನ ಮಾಹಿತಿ ನೀಡಿಲ್ಲ. ಈ ಬಗ್ಗೆ ಜಾಸ್ತಿ ಏನೂ ಈಗಲೇ ಹೇಳಲು ಸಾಧ್ಯವಿಲ್ಲ ಎಂದಿದ್ದಾರೆ.

ಮೊದಲು ಗುಂಡಿನ ದಾಳಿ ನಡೆದ ಸ್ಥಳದಿಂದ ಹೊರಟ ಕಪ್ಪುಬಣ್ಣದ ವಾಹನವೊಂದು ಮತ್ತೊಂದು ಹುಕ್ಕಾ ಬಾರ್​ಬಳಿ ತೆರಳಿದೆ. ಅಲ್ಲಿ ಕೂಡ ಫೈರಿಂಗ್​ ನಡೆದಿದೆ. ಈ ಎರಡೂ ಕಡೆಗಳಿಂದ ಒಟ್ಟು ಎಂದು ಮಂದಿ ಮೃತಪಟ್ಟಿದ್ದಾರೆ ಎಂದು ವರದಿಯಾಗಿದೆ.

ಹನೌ ಪಟ್ಟಣದಲ್ಲಿ ಸುಮಾರು 100,000 ಜನರು ವಾಸವಾಗಿದ್ದಾರೆ ಎನ್ನಲಾಗಿದೆ. (ಪಿಟಿಐ)