'ದಂಗಲ್'​ ದಾಖಲೆಯನ್ನು ಉಡೀಸ್​ ಮಾಡಿದ 'ಗದರ್​ 2'!; ಒಟ್ಟು ಕಲೆಕ್ಷನ್​ ಎಷ್ಟು?

ಮುಂಬೈ: ಆಗಸ್ಟ್​ 11 ರಂದು ಅದ್ದೂರಿಯಾಗಿ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡ ಸನ್ನಿ ಡಿಯೋಲ್​ ನಟನೆಯ 'ಗದರ್​ 2' ಈ ಹಿಂದಿನ ಸಿನಿಮಾಗಳು ನಿರ್ಮಿಸಿದ್ದ ದಾಖಲೆಗಳನ್ನು ಮುರಿಯುವಲ್ಲಿ ಇದೀಗ ಯಶಸ್ವಿಯಾಗಿದೆ.

ಇದನ್ನೂ ಓದಿ: ಸಹಕಾರ ಸಂಘದ ಕಟ್ಟಡ ನಿರ್ಮಾಣಕ್ಕೆ ಅಗತ್ಯ ಸಹಕಾರ

ಭಾರತೀಯ ಬಾಕ್ಸ್ ಆಫೀಸ್​ನಲ್ಲಿ ನಿರೀಕ್ಷೆಗೂ ಮೀರಿದ ಕಲೆಕ್ಷನ್​ ಮಾಡುತ್ತಿರುವ 'ಗದರ್​ 2', ಎರಡನೇ ವಾರಾಂತ್ಯದಲ್ಲಿ ಅತಿ ಹೆಚ್ಚು ಆದಾಯ ಗಳಿಸುವ ಮೂಲಕ ಎಲ್ಲರ ಗಮನವನ್ನು ತನ್ನತ್ತ ಸೆಳೆಯುವಂತೆ ಮಾಡುತ್ತಿದೆ. ಬಾಲಿವುಡ್ ಸಿನಿಮಾಗಳಲ್ಲಿ ಸಾರ್ವಕಾಲಿಕ ದಾಖಲೆಯನ್ನು ನಿರ್ಮಿಸಿದ ಈ ಚಿತ್ರ, ಅಮೀರ್​ ಖಾನ್​ ನಟನೆಯ ದಂಗಲ್​ ಮಾಡಿದ್ದ ಒಟ್ಟು ಗಳಿಕೆಯನ್ನು ಇದೀಗ ಬ್ರೇಕ್​ ಮಾಡಿದೆ.

ಕೇವಲ ಸೋಮವಾರ ಒಂದೇ ದಿನ 'ಗದರ್​ 2' 13.5 ಕೋಟಿ ರೂ. ಕಲೆಕ್ಷನ್​ ಮಾಡುವ ಮುಖೇನ ಒಟ್ಟು 388 ಕೋಟಿ ರೂ. ಗಳಿಕೆಯನ್ನು ತಲುಪಿದೆ. ಸನ್ನಿ ಡಿಯೋಲ್​ ಚಿತ್ರಕ್ಕೆ ಸಿನಿಪ್ರೇಕ್ಷಕರಿಂದ ವ್ಯಾಪಕ ಪ್ರಶಂಸೆ ವ್ಯಕ್ತವಾಗಿದ್ದು, ಚಿತ್ರ ಇದೇ ರೀತಿ ಮುಂದುವರಿಯಲಿದೆ ಎಂದು ನಿರೀಕ್ಷಿಸಲಾಗಿದೆ.

ಇದನ್ನೂ ಓದಿ: Karnataka Congress Minister Shivaraj Tangadagi Hits Back Against BJP Leader CT Ravi’s Allegations | ಸಿ.ಟಿ. ರವಿ ಆರೋಪಕ್ಕೆ ಸಚಿವ ಶಿವರಾಜ್ ತಂಗಡಗಿ ತಿರುಗೇಟು

ಆದ್ರೆ, ಈ ವಾರ ಆಯುಷ್ಮಾನ್ ಖುರಾನಾ ಅವರ 'ಡ್ರೀಮ್ ಗರ್ಲ್ 2' ಸೇರಿದಂತೆ ಹಲವು ಚಿತ್ರಗಳು ಚಿತ್ರಮಂದಿರಗಳಿಗೆ ಲಗ್ಗೆಯಿಡಲಿದೆ. ಇದರಿಂದ ಗದರ್​ 2 ಕಲೆಕ್ಷನ್​ ವೇಗಕ್ಕೆ ಬ್ರೇಕ್​ ಬೀಳಬಹುದು ಎಂದು ಹಲವರು ಅಭಿಪ್ರಾಯಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/movies-releasing-this-week-in-theatres-list-22-08-2023