ಆರ್ಥಿಕತೆಗೆ ಇಂಧನ

ಆದಾಯ ತೆರಿಗೆ ವ್ಯವಸ್ಥೆಗೆ ಸುಧಾರಣೆಯ ಸ್ಪರ್ಶ ಸಿಕ್ಕಿರುವುದರಿಂದ ಆರ್ಥಿಕತೆಗೆ ಬಲ ಸಿಕ್ಕಂತಾಗಿದೆ. ಅಲ್ಲದೆ, ಮುಂಚೆ ಇದ್ದ ಗೊಂದಲಗಳು, ಪ್ರಮಾದಗಳು ಕಡಿಮೆಯಾಗಿ ಕಾರ್ಯಾಚರಣೆಯ ವೇಗ ಹಾಗೂ ಪಾರದರ್ಶಕತೆ ಹೆಚ್ಚಿದೆ. ಜನಸಂಖ್ಯೆಯ ದೃಷ್ಟಿಯಲ್ಲಿ ಭಾರತ ಇನ್‌ಕಮ್ ಟ್ಯಾಕ್ಸ್ ಕ್ಷೇತ್ರದಲ್ಲಿ ಬೆಳವಣಿಗೆ ಸಾಧಿಸಲು ವಿಪುಲ ಅವಕಾಶಗಳು ಇವೆ. ದೇಶದಲ್ಲಿ ಮಧ್ಯಮವರ್ಗದವರ ಸಂಖ್ಯೆ ಹೆಚ್ಚುತ್ತಿದ್ದು, ಮೇಲ್ಮಧ್ಯಮ ವರ್ಗದವರ ಸಂಖ್ಯೆ ಏರಿಕೆಯಾದಂತೆ ಆದಾಯ ತೆರಿಗೆ ಸಂಗ್ರಹ ಹೆಚ್ಚುತ್ತದೆ. ಈ ಮೂಲಕ ರಾಷ್ಟ್ರದ ವಿವಿಧ ರಂಗಗಳಿಗೆ ಆರ್ಥಿಕ ಚೈತನ್ಯ ಸಿಗುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ಇ-ಫೈಲಿಂಗ್ ಪೋರ್ಟಲ್‌ಗಳು, ಮುಖರಹಿತ ಮೌಲ್ಯಮಾಪನ ಮತ್ತು ಮುಂಚಿತವಾಗಿ ಭರ್ತಿಯಾದ ತೆರಿಗೆ ನಮೂನೆಗಳ ಮೂಲಕ ತೆರಿಗೆ ಪಾವತಿ ಪ್ರಕ್ರಿಯೆಯನ್ನು ಅತ್ಯಂತ ಸರಳೀಕರಣಗೊಳಿಸಲಾಗಿದೆ.

1. 1860 & ಆದಾಯಕ್ಕೆ ತೆರಿಗೆ ವಿಧಿಸುವ ಕ್ರಮ ಭಾರತದಲ್ಲಿ ತಲೆ ತಲಾಂತರಗಳಿಂದಲೂ ಇದ್ದೇ ಇದೆ. ಆದರೆ, 1857ರ ಪ್ರಥಮ ಸ್ವಾತಂತ್ರ್ಯ ಸಂಗ್ರಾಮದ ಆರ್ಥಿಕ ನಷ್ಟವನ್ನು ಸರಿದೂಗಿಸಲು 1860ರ ಜುಲೈ 24ರಂದು ಬ್ರಿಟಿಷ್ ಆಡಳಿತದ ಮೊದಲ ಹಣಕಾಸು ಸಚಿವ ಸರ್ ಜೇಮ್ಸ್ ವಿಲ್ಸನ್ ಅಧಿಕೃತವಾಗಿ ಮತ್ತು ನಿಯಮಬದ್ಧವಾಗಿ ಆದಾಯ ತೆರಿಗೆ ಪದ್ಧತಿಯನ್ನು ಜಾರಿಗೆ ತಂದರು.

2. 1922 & ಹಳೆಯ ನಿಯಮಗಳನ್ನು ಬದಲಾಯಿಸಿ, ಸ್ಪಷ್ಟ ಮತ್ತು ಔಪಚಾರಿಕ ತೆರಿಗೆ ಆಡಳಿತ ವ್ಯವಸ್ಥೆಯನ್ನು ರೂಪಿಸಲು "1922ರ ಆದಾಯ ತೆರಿಗೆ ಕಾಯ್ದೆ"ಯನ್ನು ಜಾರಿಗೆ ತರಲಾಯಿತು.

3. 1924 & ಕೇಂದ್ರ ಕಂದಾಯ ಮಂಡಳಿ ಕಾಯ್ದೆ, 1924 (Central Board of Revenue Act) ರ ಅಡಿಯಲ್ಲಿ ತೆರಿಗೆ ಆಡಳಿತವನ್ನು ಕೇಂದ್ರೀಕೃತವಾಗಿ ಮೇಲ್ವಿಚಾರಣೆ ಮಾಡಲು ಶಾಸನಬದ್ಧ ಮಂಡಳಿಯನ್ನು ಸ್ಥಾಪಿಸಲಾಯಿತು.

4. 1961 & ಮುಖ್ಯ ಕಾನೂನು ಚೌಕಟ್ಟಾದ "ಆದಾಯ ತೆರಿಗೆ ಕಾಯ್ದೆ, 1961" 1962ರ ಏಪ್ರಿಲ್ 1ರಿಂದ ದೇಶಾದ್ಯಂತ ಜಾರಿಗೆ ಬಂದಿತು.

5. 2025 & ದೇಶದ ತೆರಿಗೆ ಕಾನೂನುಗಳನ್ನು ಸರಳಗೊಳಿಸುವ ಗುರಿಯೊಂದಿಗೆ ಹೊಸ ಆದಾಯ ತೆರಿಗೆ ವಿಧೇಯಕ & 2025 ರೂಪಿಸಲಾಯಿತು. ಏಕೀಕೃತ ತೆರಿಗೆ ವರ್ಷ ಸೇರಿದಂತೆ ಹಲವು ಸುಧಾರಣೆಗಳು ಇದರಲ್ಲಿವೆ. 1961ರ ಆದಾಯ ತೆರಿಗೆ ಕಾಯ್ದೆಗೆ ಈ ವಿಧೇಯಕ ಪರ್ಯಾಯವಾಗಿದ್ದು, ಇದು 2026ರ ಏಪ್ರಿಲ್ 1ರಿಂದ ಜಾರಿಗೆ ಬಂದಿತು. ಹೊಸ ವಿಧಾನದಡಿ, ವಿಶೇಷ ಆದಾಯ (ಉದಾಹರಣೆಗೆ, ಕ್ಯಾಪಿಟಲ್ ಗೇನ್ಸ್) ಹೊರತುಪಡಿಸಿ 12 ಲಕ್ಷ ರೂ.ವರೆಗಿನ ಆದಾಯಕ್ಕೆ ಯಾವುದೇ ತೆರಿಗೆ ಇರುವುದಿಲ್ಲ. ವೇತನದಾರರಿಗೆ 75,000 ರೂ. ಸ್ಟ್ಯಾಂಡರ್ಡ್ ಡಿಡಕ್ಷನ್‌ನಿಂದಾಗಿ ಈ ಮಿತಿ 12.75 ಲಕ್ಷ ರೂ.ಗೆ ಏರುತ್ತದೆ.

1981 & ವಿದ್ಯುನ್ಮಾನ ಚಲನ್‌ಗಳ ಮೂಲಕ ತೆರಿಗೆ ಪ್ರಕ್ರಿಯೆಯಲ್ಲಿ ತಂತ್ರಜ್ಞಾನದ ಬಳಕೆಯು ಅಧಿಕೃತವಾಗಿ ಆರಂಭವಾಯಿತು. 2009 & ರಿಟರ್ನ್‌ಗಳ ತ್ವರಿತ ಮತ್ತು ಸಗಟು ಸಂಸ್ಕರಣೆಗಾಗಿ ಬೆಂಗಳೂರಿನಲ್ಲಿ ಕೇಂದ್ರೀಯ ಸಂಸ್ಕರಣಾ ಕೇಂದ್ರವನ್ನು ಸ್ಥಾಪಿಸಲಾಯಿತು.

ದೇಶದ ಮೂಲಸೌಕರ್ಯ, ಆರೋಗ್ಯ, ಶಿಕ್ಷಣ ಮತ್ತು ರಾಷ್ಟ್ರೀಯ ರಕ್ಷಣಾ ವ್ಯವಸ್ಥೆಗೆ ಆದಾಯ ನೀಡುವ ಪ್ರಾಮಾಣಿಕ ತೆರಿಗೆದಾರರ ಕೊಡುಗೆಯನ್ನು ಗೌರವಿಸುವುದು ಮತ್ತು ಗುರುತಿಸುವುದು ಇದರ ಮುಖ್ಯ ಉದ್ದೇಶವಾಗಿದೆ. ಆದಾಯ ತೆರಿಗೆ ಇಲಾಖೆಯು ಕಾರ್ಯಾಗಾರಗಳು, ವಿಚಾರ ಸಂಕಿರಣಗಳು ಮತ್ತು ಸಮುದಾಯ ಕಾರ್ಯಕ್ರಮಗಳ ಮೂಲಕ ಸ್ವಯಂಪ್ರೇರಿತ ತೆರಿಗೆ ಪಾವತಿ ಹಾಗೂ ತೆರಿಗೆ ನಿಯಮಗಳ ಬಗ್ಗೆ ಸಾರ್ವಜನಿಕರಲ್ಲಿ ಅರಿವು ಮೂಡಿಸುತ್ತದೆ. 1961ರ ಆದಾಯ ತೆರಿಗೆ ಕಾಯ್ದೆಯೇ ಇಂದಿಗೂ ತೆರಿಗೆ ಕಾನೂನಿನ ಮೂಲ ಆಧಾರವಾಗಿದೆ. ಈ ತೆರಿಗೆಯ 150ನೇ ವರ್ಷದ ಸ್ಮರಣೆಯ ವರ್ಷವಾದ 2010ರಿಂದ ಪ್ರತಿ ವರ್ಷ ಜುಲೈ 24ನ್ನು "ಆದಾಯ ತೆರಿಗೆ ದಿನ"ವಾಗಿ ಆಚರಿಸಲಾಗುತ್ತಿದೆ. ಅಲ್ಲಿಂದೀಚೆಗೆ ದೇಶದ ಆದಾಯ ತೆರಿಗೆ ಪದ್ಧತಿಯಲ್ಲಿ ಸಾಕಷ್ಟು ಸುಧಾರಣೆಗಳಾಗಿವೆ.

ಕಳೆದ ದಶಕದಲ್ಲಿ ಡಿಜಿಟಲೀಕರಣ ಮತ್ತು ಸರಳೀಕೃತ ಪ್ರಕ್ರಿಯೆಗಳಿಂದಾಗಿ ಭಾರತದಲ್ಲಿ ಐಟಿಆರ್ ಸಲ್ಲಿಸುವವರ ಸಂಖ್ಯೆ ದಾಖಲೆ ಮಟ್ಟದಲ್ಲಿ ಹೆಚ್ಚಾಗಿದೆ.

ಆರ್ಥಿಕ ವರ್ಷ 2013 & 14: 3.36 ಕೋಟಿ ಐಟಿಆರ್‌ಗಳು ಸಲ್ಲಿಕೆಯಾಗಿದ್ದವು.

2023 & 24: ಈ ಸಂಖ್ಯೆ 6.77 ಕೋಟಿ ದಾಟಿತು.

2025 & 26: 8.80 ಕೋಟಿಗೂ ಹೆಚ್ಚು ರಿಟರ್ನ್ ಸಲ್ಲಿಕೆಯಾಗಿವೆ.

2026 & 27ನೇ ಸಾಲಿನಲ್ಲಿ ಐಟಿಆರ್ ಸಲ್ಲಿಕೆಗಳು ಶೇಕಡ 8 & 10ರಷ್ಟು ಏರಿಕೆಯಾಗಿ 9.5 ಕೋಟಿಯಿಂದ 10 ಕೋಟಿಗೆ ತಲುಪುವ ನಿರೀಕ್ಷೆ ಇದೆ. ಆನ್‌ಲೈನ್ ಮೂಲಕ ಸುಲಭವಾಗಿ ಐಟಿಆರ್ ಸಲ್ಲಿಕೆ ಹೆಚ್ಚಳಕ್ಕೆ ತೆಗೆದುಕೊಂಡ ಕ್ರಮಗಳಿಂದಾಗಿ ಈ ಏರಿಕೆ ಕಂಡುಬಂದಿದೆ ಎಂದು ತೆರಿಗೆ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಹೊಸ ತೆರಿಗೆದಾರರು: ಪ್ರತಿವರ್ಷ 50ರಿಂದ 60 ಲಕ್ಷಕ್ಕೂ ಹೆಚ್ಚು ಹೊಸ ತೆರಿಗೆದಾರರು ವ್ಯವಸ್ಥೆಗೆ ಸೇರ್ಪಡೆಯಾಗುತ್ತಿದ್ದಾರೆ. ಸಲ್ಲಿಕೆಯಾದ ಒಟ್ಟು ಐಟಿಆರ್‌ಗಳಲ್ಲಿ 90%ಕ್ಕೂ ಹೆಚ್ಚು ರಿಟರ್ನ್‌ಗಳು ಆಧಾರ್ ಒಟಿಪಿ ಮೂಲಕ ತಕ್ಷಣವೇ ಇ-ವೆರಿಫೈ ಆಗುತ್ತಿವೆ.

ಅಮೆರಿಕದಲ್ಲಿ ಜನಸಂಖ್ಯೆಗೆ ಹೋಲಿಸಿದರೆ ಹೆಚ್ಚಿನ ಪ್ರಮಾಣದ ಜನರು ತೆರಿಗೆ ವ್ಯಾಪ್ತಿಗೆ ಬರುತ್ತಾರೆ. ಅಲ್ಲಿ ಪ್ರತಿಯೊಬ್ಬ ಉದ್ಯೋಗಿ ಮತ್ತು ಸ್ವಯಂ ಉದ್ಯೋಗಿಯೂ "Internal Revenue Service (IRS)" ಮೂಲಕ ಆದಾಯ ತೆರಿಗೆ ರಿಟರ್ನ್ ಸಲ್ಲಿಸುವುದು ಕಡ್ಡಾಯವಾಗಿದೆ.

ಒಟ್ಟು ತೆರಿಗೆದಾರರ ಸಂಖ್ಯೆ: 12 ಕೋಟಿ

ಚೀನಾದಲ್ಲಿ ಒಟ್ಟು ಜನಸಂಖ್ಯೆ ಹೆಚ್ಚಿದ್ದರೂ (143 ಕೋಟಿ), ಅಲ್ಲಿನ ಕನಿಷ್ಠ ಆದಾಯದ ಮಿತಿ ಹಾಗೂ ವಿವಿಧ ಸಾಮಾಜಿಕ ಭದ್ರತಾ ವಿನಾಯಿತಿಗಳಿಂದಾಗಿ ವೈಯಕ್ತಿಕ ಆದಾಯ ತೆರಿಗೆ ಪಾವತಿಸುವ ಕೆಲಸಗಾರರ ಸಂಖ್ಯೆ ಅಮೆರಿಕಕ್ಕಿಂತ ಕಡಿಮೆಯಿದೆ.

ಒಟ್ಟು ತೆರಿಗೆದಾರರ ಸಂಖ್ಯೆ: 8.80 ಕೋಟಿಗೂ ಹೆಚ್ಚು

ಭಾರತದಲ್ಲಿ ಕಳೆದ ಕೆಲವು ವರ್ಷಗಳಲ್ಲಿ ಐಟಿಆರ್ ಸಲ್ಲಿಸುವವರ ಸಂಖ್ಯೆ ವೇಗವಾಗಿ ಬೆಳೆದಿದ್ದು, ಜಾಗತಿಕವಾಗಿ 3ನೇ ಸ್ಥಾನದಲ್ಲಿದೆ. ಕೃಷಿ ಆದಾಯಕ್ಕೆ ವಿನಾಯಿತಿ ಇರುವುದು ಮತ್ತು ಅನೌಪಚಾರಿಕ ವಲಯ ದೊಡ್ಡದಾಗಿರುವುದರಿಂದ ಒಟ್ಟು ಜನಸಂಖ್ಯೆಗೆ ಹೋಲಿಸಿದರೆ ಶೇಕಡವಾರು ತೆರಿಗೆದಾರರ ಪ್ರಮಾಣ ಕಡಿಮೆಯಿದ್ದರೂ, ಒಟ್ಟು ಸಂಖ್ಯೆಯ ಆಧಾರದಲ್ಲಿ ಭಾರತ ಮುಂಚೂಣಿಯಲ್ಲಿದೆ.

ಒಟ್ಟು ತೆರಿಗೆದಾರರ ಸಂಖ್ಯೆ: 5.5 ಕೋಟಿ

ಜಪಾನ್‌ನಲ್ಲಿ ಉದ್ಯೋಗದಲ್ಲಿರುವ ಬಹುತೇಕ ಎಲ್ಲ ನಾಗರಿಕರೂ ತೆರಿಗೆ ವ್ಯಾಪ್ತಿಗೆ ಒಳಪಡುತ್ತಾರೆ. ಅಲ್ಲಿನ ಶಿಸ್ತುಬದ್ಧ ಆರ್ಥಿಕ ವ್ಯವಸ್ಥೆ ಹಾಗೂ ವಯಸ್ಕ ಜನಸಂಖ್ಯೆಯ ಹೆಚ್ಚಿನ ಭಾಗ ಉದ್ಯೋಗದಲ್ಲಿ ಇರುವುದರಿಂದ ತೆರಿಗೆದಾರರ ಸಂಖ್ಯೆ ಹೆಚ್ಚಿದೆ.

ಒಟ್ಟು ತೆರಿಗೆದಾರರ ಸಂಖ್ಯೆ: 4.2 ಕೋಟಿ

ಯುರೋಪ್ ಖಂಡದಲ್ಲೇ ಅತಿ ದೊಡ್ಡ ಆರ್ಥಿಕತೆಯಾಗಿರುವ ಜರ್ಮನಿಯಲ್ಲಿ ಕಟ್ಟುನಿಟ್ಟಾದ ತೆರಿಗೆ ನಿಯಮಗಳಿವೆ. ಅಲ್ಲಿನ ಅರ್ಧಕ್ಕಿಂತ ಹೆಚ್ಚು ಜನಸಂಖ್ಯೆಯು ಪ್ರತಿವರ್ಷ ನಿಯಮಿತವಾಗಿ ವೈಯಕ್ತಿಕ ಆದಾಯ ತೆರಿಗೆ ಸಲ್ಲಿಸುತ್ತದೆ.

ಸರ್ಕಾರಕ್ಕೆ ಬರುವ ಒಟ್ಟು ತೆರಿಗೆ ಹಣದ ಗಳಿಕೆ ಅಥವಾ ತೆರಿಗೆಯ ದರವನ್ನು ಪರಿಗಣಿಸಿದರೆ ಯುರೋಪಿಯನ್ ದೇಶಗಳಾದ ಡೆನ್ಮಾರ್ಕ್, ಫಿನ್‌ಲ್ಯಾಂಡ್ ಮತ್ತು ಫ್ರಾನ್ಸ್ ಮುಂಚೂಣಿಯಲ್ಲಿವೆ.

1. ಕಡಿಮೆ ತೆರಿಗೆ ದರಗಳು ಮತ್ತು ಸರಳೀಕೃತ ಸ್ಲ್ಯಾಬ್‌ಗಳನ್ನು ಪರಿಚಯಿಸಲಾಗಿದೆ. ಹಳೆಯ ತೆರಿಗೆ ಪದ್ಧತಿಯ ಸಂಕೀರ್ಣ ವಿನಾಯಿತಿಗಳಿಗೆ ಬದಲಾಗಿ, ಯಾವುದೇ ಹೂಡಿಕೆ ದಾಖಲೆಗಳ ಕಿರಿಕಿರಿ ಇಲ್ಲದೆ ಸುಲಭವಾಗಿ ರಿಟರ್ನ್ ಸಲ್ಲಿಸಲು ಇದು ನೆರವಾಗುತ್ತದೆ. ಪ್ರಸ್ತುತ 70%ಗೂ ಹೆಚ್ಚು ತೆರಿಗೆದಾರರು ಹೊಸ ತೆರಿಗೆ ಪದ್ಧತಿಯನ್ನೇ ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ.

2. ತೆರಿಗೆದಾರರು ಮತ್ತು ತೆರಿಗೆ ಅಧಿಕಾರಿಗಳ ನಡುವಿನ ಭೌತಿಕ ಸಂವಹನವನ್ನು ಸಂಪೂರ್ಣವಾಗಿ ತೆಗೆದುಹಾಕಲಾಗಿದೆ. ಸ್ಕ್ರೂಟಿನಿ ಅಥವಾ ನೋಟಿಸ್‌ಗಳಿಗಾಗಿ ಕಚೇರಿಗೆ ಹೋಗದೆ ಸಂಪೂರ್ಣವಾಗಿ ಆನ್‌ಲೈನ್‌ನಲ್ಲೇ ಸಲ್ಲಿಸಬಹುದು. ಇದು ಭ್ರಷ್ಟಾಚಾರ ನಿಯಂತ್ರಣಕ್ಕೆ ಮತ್ತು ಪಾರದರ್ಶಕತೆಗೆ ದೊಡ್ಡ ಹೆಜ್ಜೆಯಾಗಿದೆ.

3. ತೆರಿಗೆದಾರರು ವರ್ಷಪೂರ್ತಿ ಗಳಿಸಿದ ಬ್ಯಾಂಕ್ ಬಡ್ಡಿ, ಷೇರು ಮಾರುಕಟ್ಟೆ ವಹಿವಾಟು, ಆಸ್ತಿ ಖರೀದಿ ಮುಂತಾದ ವಿವರಗಳನ್ನು ಒಂದೇ ಕಡೆ (AIS Form 26AS) ನೋಡಬಹುದು. ಇದರಿಂದ ಐಟಿಆರ್‌ನಲ್ಲಿ ಮುಂಚಿತವಾಗಿಯೇ ತಾನಾಗಿಯೇ ಭರ್ತಿಯಾಗುವ (Pre-filled Data) ಸೌಲಭ್ಯ ಸಿಗುತ್ತಿದ್ದು, ತಪ್ಪುಗಳಾಗುವ ಸಾಧ್ಯತೆ ಕಡಿಮೆಯಾಗಿದೆ.