FACT CHECK|VIDEO| ಆಸ್ಟ್ರೇಲಿಯಾದಲ್ಲಿ ಸಂಭವಿಸಿದ ಕಾಡ್ಗಿಚ್ಚಿನಿಂದ ನೆಲೆ ಕಳೆದುಕೊಂಡ ಕೋಲಾಸ್​ ಮರಿಗಳಿಗೆ ಕೆಂಪು ನರಿಯು ಹಾಲು ಉಣಿಸಿತೇ?

ನವದೆಹಲಿ: ಆಸ್ಟ್ರೇಲಿಯಾದಲ್ಲಿ ಸಂಭವಿಸಿದ ಕಾಡ್ಗಿಚ್ಚಿನಿಂದ ನೆಲೆ ಕಳೆದುಕೊಂಡ ಅನ್ಯ ನರಿಯ ಮರಿಗಳಿಗೆ ಕೆಂಪು ಜಾತಿಯ ನರಿಯೊಂದು ಹಾಲುಣಿಸುತ್ತಿರುವ ವಿಡಿಯೋ ತುಣುಕು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.
ವೈರಲ್​ ಆದ ವಿಡಿಯೋ ತುಣುಕಿನ ಬಗ್ಗೆ ವಿಶ್ವದ ಕೆಲವು ರಾಷ್ಟ್ರಗಳು ದಿಗ್ಭ್ರಮೆ ವ್ಯಕ್ತಪಡಿಸಿದ್ದವು. ಅಲ್ಲದೆ ಜಾಲತಾಣದಲ್ಲಿ ಈ ಪೋಸ್ಟ್​ಗೆ ಭಾರಿ ಬೆಂಬಲ ವ್ಯಕ್ತವಾಗಿತ್ತು. ಆದರೆ ಈ ವಿಡಿಯೋ ತುಣುಕು ಇತ್ತೀಚಿನದು ಅಲ್ಲ. 2014ರಲ್ಲೇ ಯೂಟೂಬ್​ನಲ್ಲಿ ಅಪ್​ಲೋಡ್​ ಆಗಿತ್ತು ಎಂಬುದು ಪತ್ತೆಯಾಗಿದೆ.
ಡೈಲಿ ಇಂಡಿಯಾ ಟೈಮ್ಸ್ ಎಂಬ ಫೇಸ್‌ಬುಕ್ ಪುಟ ನರಿ ಸ್ತನ್ಯಪಾನ ಮಾಡಿಸುತ್ತಿರುವ ವಿಡಿಯೋ ಅನ್ನು ಅಪ್​ಲೋಡ್​ ಮಾಡಿದೆ. ಈ ವಿಡಿಯೋ ತುಣುಕಿನ ಅವಧಿ ಕೇವಲ 33 ಸೆಂಕೆಂಡ್​​ಗಳು. ಆಸ್ಟ್ರೇಲಿಯಾದ ನರಿ ಸ್ತನ್ಯಪಾನ ಮಾಡಿಸುತ್ತಿದೆ ಎಂದು ಶೀರ್ಷಿಕೆ ಬರೆದು ಪೋಸ್ಟ್​ ಮಾಡಲಾಗಿದೆ.

ಆಸ್ಟ್ರೇಲಿಯಾದಲ್ಲಿ ಇತ್ತೀಚೆಗೆ ಬೆಂಕಿಯಿಂದ ನೆಲೆ ಕಳೆದುಕೊಂಡ ನರಿ ಮರಿಗಳಿಗೆ ಕೆಂಪು ಜಾತಿಯ ನರಿ ಸ್ತನ್ಯಪಾನ ಮಾಡಿಸುತ್ತಿದೆ ಎಂಬ ವಿವರ ಇದೆ.

ಹಳೆಯ ವಿಡಿಯೋ: ಆಸ್ಟ್ರೇಲಿಯಾದಲ್ಲಿ ಬೆಂಕಿಗೆ ಅರಣ್ಯ ಆಹುತಿಯಾಗಿರುವುದಕ್ಕೂ ಹಾಗೂ ನರಿ ಹಾಲುಣಿಸುತ್ತಿರುವು ದಕ್ಕೂ ಯಾವುದೇ ಸಂಬಂಧ ಇಲ್ಲ ಎಂದು ಇಂಡಿಯಾ ಟುಡೆ
ಆ್ಯಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್‌ಡಬ್ಲ್ಯೂಎ) ಪತ್ತೆ ಮಾಡಿದೆ. ವೀಡಿಯೊ ಅಂದಾಜು 6 ವರ್ಷ ಹಳೆಯದು. ಆಸ್ಟ್ರೇಲಿಯಾದಲ್ಲಿ ಸಂಭವಿಸಿದ ಕಾಡ್ಗಿಚ್ಚಿಗೆ ಸಂಬಂಧ ಕಲ್ಪಿಸಿ ಅಪ್​ಲೋಡ್​ ಮಾಡಲಾಗಿದೆ ಎಂದು ಸತ್ಯವನ್ನು ಬಯಲಿಗೆ ಎಳೆದಿದೆ.

2014 ರಲ್ಲಿ ಈ ವಿಡಿಯೋ ಅನ್ನು ಯ್ಯೂಟೂಬ್​ಗೆ ಅಪ್​ಲೋಡ್​ ಮಾಡಲಾಗಿದೆ. ಇದರಲ್ಲಿ ನರಿ ಕೆಲವು ನರಿ ಮರಿಗಳಿಗೆ ಹಾಲುಣಿಸುತ್ತಿದೆ ಎಂದು ಫ್ರೆಂಚ್​ ಭಾಷೆಯಲ್ಲಿ ಶೀರ್ಷಿಕೆ ನೀಡಲಾಗಿದೆ. ಹೀಗಾಗಿ ಆಸ್ಟ್ರೇಲಿಯಾದಲ್ಲಿ ಸಂಭವಿಸಿದ ಕಾಡ್ಗಿಚ್ಚಿಗೂ ನರಿ ಸ್ತನ್ಯಪಾನ ಮಾಡಿಸುತ್ತಿರುವುದಕ್ಕೂ ಯಾವುದೇ ಸಂಬಂಧ ಇಲ್ಲ ಎಂದು ಪತ್ತೆ ಮಾಡಿದೆ. (ಏಜೆನ್ಸೀಸ್​)