1,540 ಹೆಕ್ಟೇರ್ ಭತ್ತ, 2,300 ಹೆಕ್ಟೇರ್ ಮೆಕ್ಕೆಜೋಳ ಬೆಳೆ ಜಲಾವೃತಗೊಂಡಿದೆ. ಜಂಟಿ ಸರ್ವೇ ಬಳಿಕ ಹಾನಿ ಪ್ರಮಾಣ ತಿಳಿಯಲಿದೆ. 767 ವಿದ್ಯುತ್ ಕಂಬ, 16 ಟಿಸಿಗಳಿಗೆ ಹಾನಿಯಾಗಿದೆ. 41.63 ಕಿ.ಮೀ ರಾಜ್ಯ ಹೆದ್ದಾರಿ, 65.96 ಕಿ.ಮೀ ಜಿಲ್ಲಾ ಮುಖ್ಯ ರಸ್ತೆ, 610.43 ಕಿ.ಮೀ ಗ್ರಾಮೀಣ ರಸ್ತೆ, 111 ಸೇತುವೆಗಳಿಗೆ ಹಾನಿಯಾಗಿದೆ. 381 ಶಾಲಾ ಕಟ್ಟಡ, 260 ಅಂಗನವಾಡಿ ಕಟ್ಟಡ ಹಾಗೂ 9 ಆರೋಗ್ಯ ಕೇಂದ್ರದ ಕಟ್ಟಡಗಳು ಹಾನಿಗೊಳಗಾಗಿವೆ ಎಂದರು.
ಅತಿವೃಷ್ಟಿಯಿಂದ 437 ಮನೆಗಳಿಗೆ ಭಾಗಶಃ ಹಾನಿಯಾಗಿದ್ದು 40 ಮನೆಗಳಿಗೆ ತಲಾ 1.70 ಲಕ್ಷ ರೂ. ಪರಿಹಾರ ವಿತರಿಸಲಾಗಿದೆ. ಸಾಕಷ್ಟು ಪ್ರಮಾಣದಲ್ಲಿ ಅನಧಿಕೃತ ಮನೆಗಳಿಗೂ ಹಾನಿಯಾಗಿದೆ. ಈ ಸಂಬಂಧ ಸಿಎಂ ಸಿದ್ದರಾಮಯ್ಯ ಅವರಿಗೆ ಮನವಿ ಮಾಡಿದ್ದು ಅನಧಿಕೃತ ಮನೆಗಳಿಗೂ ಪೂರ್ಣ ಪರಿಹಾರ ನೀಡುವ ವಿಶ್ವಾಸವಿದೆ ಎಂದು ಭರವಸೆ ನೀಡಿದರು.
