ಕ್ಲಿಯರೆನ್ಸ್ ಪಡೆದು ಕಾಮಗಾರಿ ಮುಂದುವರಿಸಿ: ಅಂಗನವಾಡಿ ಕಟ್ಟಡ ಕಾಮಗಾರಿ ಎರಡು ವರ್ಷದಿಂದ ನನೆಗುದಿಗೆ ಬಿದ್ದಿದೆ. ಅಧಿಕಾರಿಗಳು ಸರಿಯಾಗಿ ಉತ್ತರಿಸುತ್ತಿಲ್ಲ. ಲೋಕಾಯುಕ್ತರಿಗೆ ಮನವಿ ಕೊಟ್ಟಿದ್ದರೂ ಅರ್ಜಿ ವಿಚಾರಣೆಗೆ ಬಂದಿಲ್ಲ ಎಂದು ತಾರೇಕಟ್ಟೆ ಗ್ರಾಪಂ ಸದಸ್ಯ ಸುರೇಶ್ ಗಮನಕ್ಕೆ ತಂದರು. ಸಿಡಿಪಿಒ ಅವರನ್ನು ಕರೆದು ಪ್ರಶ್ನಿಸಿದ ಲೋಕಾಯುಕ್ತರು, ಕಾಮಗಾರಿ ಅರ್ಧಕ್ಕೆ ನಿಂತಿರುವ ಬಗ್ಗೆ ಮಾಹಿತಿ ಕೇಳಿ ಅರ್ಜಿ ಹಾಕಿದರೆ ಕಾರಣ ತಿಳಿಸಲು ನಿಮಗೇನು ಸಮಸ್ಯೆ. ವಾಸ್ತವ ಏನಿದೆಯೋ ತಿಳಿಸಿ. ನೀವು ಸುಮ್ಮನಿದ್ದರೆ ಹೇಗೆ? ಸಾರ್ವಜನಿಕ ಕಾಮಗಾರಿಗಳು ಹೆಚ್ಚು ದಿನ ನಿಲ್ಲಬಾರದು. ಆದೇಶದಲ್ಲಿ ಎರಡು ವಾರಗಳ ಮಾತ್ರ ತಡೆಯಾಜ್ಞೆ ನೀಡಿದೆಯಷ್ಟೇ. ಕ್ಲಿಯರೆನ್ಸ್ ಮಾಡಿಸಿಕೊಂಡು ಕಟ್ಟಡ ಕಾಮಗಾರಿ ಪೂರ್ಣಗೊಳಿಸಿ ತಿಳಿಸಿದರು. ಜಮೀನು ಹದ್ದುಬಸ್ತು, ಪೋಡಿ ಸಮಸ್ಯೆ, ವಾರ್ಡ್ಗಳಲ್ಲಿ ನಡೆಯದ ಕಾಮಗಾರಿ, ಗೊಂದಿ ನಾಲೆಗೆ ಹರಿಯುತ್ತಿರುವ ಕೊಳಚೆ ನೀರು, ಶಿಕ್ಷಣ ಇಲಾಖೆ ಸಂಬಂಧಿತ ವಿಚಾರಗಳು ಸೇರಿ ಹಿಂದಿನ 11 ಅರ್ಜಿಗಳ ಕುರಿತು ಚರ್ಚಿಸಲಾಯಿತು.
