ಚಹಾ ಕುಡಿಯುವ ನೆಪದಲ್ಲಿ ಸರ್ಕಾರಿ ನೌಕರನನ್ನು ಮನೆಗೆ ಕರೆದು ಮಗಳನ್ನು ಕೊಟ್ಟು ಮದ್ವೆ ಮಾಡಿದ್ರು

ಬಿಹಾರ: ಕುಟುಂಬವೊಂದು ಚಹಾ ಕುಡಿಯುವ ನೆಪದಲ್ಲಿ ಕಂದಾಯ ನೌಕರನನ್ನು ಮನೆಗೆ ಕರೆದರು ಮೊಸದಿಂದ  ತಮ್ಮ ಮಗಳನ್ನು ಕೊಟ್ಟು ಮದುವೆ ಮಾಡಿದ್ದಾರೆ. ಬೇಗುಸರಾಯ್‌ನಲ್ಲಿ ಬಲವಂತದ ಮದುವೆಯ ಪ್ರಕರಣ ಬೆಳಕಿಗೆ ಬಂದಿದೆ.

ಚೌರಾಹಿ ಪೊಲೀಸ್ ಠಾಣೆ ವ್ಯಾಪ್ತಿಯ ತಲಾಲಾ ಗ್ರಾಮದ ನಿವಾಸಿ ರಿಂಟು ಕುಮಾರ್, ಸೀತಾಮರ್ಹಿಯ ರನ್ನಿಸೈದ್‌ಪುರ ಬ್ಲಾಕ್‌ನಲ್ಲಿ ಕಂದಾಯ ಉದ್ಯೋಗಿಯಾಗಿದ್ದಾನೆ. ಸಮಸ್ತಿಪುರದ ನಿವಾಸಿ ಜಗೇಶ್ವರ ಪ್ರಸಾದ್ ಎಂಬುವರು ತಮ್ಮ ಮಗಳ ಮದುವೆಯ ಪ್ರಸ್ತಾಪವನ್ನು ರಿಂಟು ಮನೆಗೆ ಕಳುಹಿಸಿದ್ದರು, ಆದರೆ ರಿಂಟು ಅವರು ಸದ್ಯಕ್ಕೆ ಮದುವೆಯಾಗುವುದಿಲ್ಲ ಎಂದು ಸಂಬಂಧವನ್ನು ಹಿಂದಿರುಗಿಸಿದ್ದಾರೆ. ಈ ಮಧ್ಯೆ, ಒಂದು ತಿಂಗಳ ಹಿಂದೆ, ರಿಂಟು ರಜೆಯಲ್ಲಿ ಮನೆಗೆ ಬಂದಾಗ, ಹುಡುಗಿ ರಿಂಟು ಹಳ್ಳಿಯಲ್ಲಿರುವ ತನ್ನ ಸಂಬಂಧಿಕರ ಮನೆಗೆ ಬಂದಿದ್ದಳು. ಹುಡುಗಿಯ ಸಂಬಂಧಿಕರು ಕಂದಾಯ ನೌಕರ ರಿಂಟು ಅವರನ್ನು ಚಹಾಕ್ಕೆ ಮನೆಗೆ ಕರೆದು ಅಲ್ಲಿಯೇ ಹುಡುಗಿಯನ್ನು ಭೇಟಿಯಾಗುವಂತೆ ಮಾಡಿದರು.

ನಮ್ಮ ಮಗಳಿಗೆ ಪರೀಕ್ಷೆಗೆ ಇದೆ ತಂಗಲು ವ್ಯವಸ್ಥೆ ಮಾಡಿ ಎಂದು ಕಂದಾಯ ನೌಕರನಿಗೆ ಕರೆ ಮಾಡಿ ಕೋರಿದ್ದರು. ಅದಕ್ಕೆ ಕಂದಾಯ ನೌಕರನು ಯಾವುದೇ ತೊಂದರೆ ಇಲ್ಲ ಕಳಿಸಿಕೊಡಿ, ಎಂದು ಹೇಳಿದ್ದಾನೆ. ಹುಡುಗಿ ಕಂದಾಯ ಉದ್ಯೋಗಿ ರಿಂಟು ಅವರ ಕೋಣೆಗೆ ಬಂದಳು. ಇದಾದ ನಂತರ ಕಂದಾಯ ನೌಕರ ರಿಂಟು ತನ್ನ ಮಗಳನ್ನು ಅಪಹರಿಸಿದ್ದಾರೆ ಎಂದು ಹುಡುಗಿ ತಂದೆ ಪೊಲೀಸ್ ಠಾಣೆಯಲ್ಲಿ ಅರ್ಜಿ ಸಲ್ಲಿಸಿದ್ದರು. ಪೊಲೀಸರು ಕಂದಾಯ ನೌಕರನಿಗೆ ಮೊಬೈಲ್ ಕರೆ ಮಾಡಿ ಬಾಲಕಿಯನ್ನು ಠಾಣೆಗೆ ಕರೆದುಕೊಂಡು ಹೋಗುವಂತೆ ತಿಳಿಸಿದ್ದಾರೆ.

ಕಂದಾಯ ನೌಕರನು ಬಾಲಕಿಯನ್ನು ಸಮಸ್ತಿಪುರಕ್ಕೆ ಕರೆದೊಯ್ದನು, ಅಲ್ಲಿ ಠಾಣೆಯಲ್ಲಿದ್ದ ಪೊಲೀಸರು ಇಬ್ಬರನ್ನೂ ಠಾಣೆಗೆ ಕರೆದೊಯ್ದರು. ಇದಾದ ಬಳಿಕ ಬಾಬಾ ವಿಭೂತಿಪುರ ದೇವಸ್ಥಾನದಲ್ಲಿ ಕಂದಾಯ ನೌಕರನ ಬಲವಂತದ ವಿವಾಹ ಏರ್ಪಡಿಸಲಾಗಿತ್ತು. ಪೊಲೀಸರು ಕೂಡ ಮಾಹಿತಿ ನೀಡಿಲ್ಲ ಎಂದು ಕಂದಾಯ ನೌಕರನ ತಂದೆ ಆರೋಪಿಸಿದ್ದಾರೆ.

ಇಡೀ ವಿಚಾರದಲ್ಲಿ ಕಂದಾಯ ನೌಕರನ ಹೇಳಿಕೆ ಬಂದಿಲ್ಲ, ಆದರೆ ಹುಡುಗನಿಗೆ ಮದುವೆ ಮಾಡುವಂತೆ ಬಲವಂತ ಮಾಡಿಲ್ಲ ಎನ್ನುತ್ತಾರೆ ಹುಡುಗಿಯ ಮನೆಯವರು. ಮದುವೆಯ ನಂತರ ಹುಡುಗಿಯನ್ನು ಹುಡುಗನೊಂದಿಗೆ ಕಳುಹಿಸಲಾಗುತ್ತದೆ.