ಹೂವಿನ ವಿಧಾನಸೌಧ ಕಂಡೀರಾ? ಲಾಲ್​ಬಾಗ್​ನಲ್ಲಿ ಇಂದು ಸಂಜೆಯಿಂದ ಫ್ಲವರ್ ಶೋ

ಬೆಂಗಳೂರು: ಸ್ವಾತಂತ್ರ್ಯೋತ್ಸವದ ಭಾಗವಾಗಿ ಲಾಲ್​ಬಾಗ್​ನಲ್ಲಿ 214 ನೇ ಫ್ಲವರ್ ಶೋ ನಡೆಯಲಿದ್ದು ಇಂದು ಸಂಜೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಉದ್ಘಾಟನೆ ಮಾಡಲಿದ್ದಾರೆ. ಇಂದಿನಿಂದ ಶುರುವಾಗಲಿರುವ ಫಲಪುಷ್ಪ ಪ್ರದರ್ಶನ ಸ್ವಾತಂತ್ರ್ಯೋತ್ಸವದ ದಿನದ ತನಕವೂ ಮುಂದುವರೆಯಲಿದೆ.

ಹೂವಿನ ವಿಧಾನಸೌಧ ಕಂಡೀರಾ?

ಈ ವಿಶಿಷ್ಟ ಫ್ಲವರ್​ ಶೋ, ಇಂದಿನಿಂದ ಆರಂಭವಾಗಿ ಆಗಸ್ಟ್ 15ರವರೆಗೂ ನಡೆಯಲಿದೆ. ಈ ಬಾರಿ ಸೆಂಟರ್ ಆಫ್ ಅಟ್ರಾಕ್ಷನ್ ಹೂವಿನ ವಿಧಾನ ಸೌಧವಾಗಿರಲಿದೆ. ವಿಧಾನಸೌಧ ಹಾಗೂ ಕೆಂಗಲ್ ಹನುಮಂತಯ್ಯನವರ ಕಾನ್ಸೆಪ್ಟ್​ನಲ್ಲಿ ಫ್ಲವರ್ ಶೋ ಅರಳಿದ್ದು, ಈ ಬಾರಿ ಸ್ವದೇಶಿಯ ಹೂಗಳಿಗೆ ಹೆಚ್ಚಿನ ಪ್ರಮುಖ್ಯತೆಯನ್ನು ನೀಡಲಾಗಿದೆ.

ಇದನ್ನೂ ಓದಿ: ಗಡಿ ನಾಡು ಅರಸೀಕೆರೆಯಲ್ಲಿ ಕನ್ನಡಶಾಲೆ ಮಕ್ಕಳ ಕಲರವ; ಆಕರ್ಷಿಸಿದ ಕಲಿಕಾ ಹಬ್ಬ

ವಿಧಾನಸೌಧಕ್ಕೆ ಬರೋಬ್ಬರಿ 3.5 ಲಕ್ಷ ಹೂಗಳ ಬಳಕೆ!

ಈ ಬಾರಿ ಹೂವಿನ ವಿಧಾನಸೌಧಕ್ಕೆ ಮೂರುವರೆ ಲಕ್ಷ ಹೂಗಳನ್ನು ಬಳಸಿಕೊಳ್ಳಲಾಗಿದೆ, ಈ ಸಲ ಫ್ಲವರ್ ಶೋಗೆ 10 ರಿಂದ 12 ಲಕ್ಷದಷ್ಟು ಜನ ಬರುವ ನಿರೀಕ್ಷೆ ಇದ್ದು, ಲಾಲ್​ಬಾಗ್​ನ ನಾಲ್ಕು ಗೇಟ್​ಗಳಲ್ಲಿ ಜನರಿಗೆ ಪ್ರವೇಶಿಸಲು ಅವಕಾಶ ಕಲ್ಪಿಸಲಾಗಿದೆ. ನಾಳೆಯಿಂದ ಜನರಿಗೆ ಫ್ಲವರ್ ಶೋ ನೋಡಲು ಅವಕಾಶ ಕಲ್ಪಿಸಲು ಉದ್ದೇಶಿಸಲಾಗಿದ್ದು ಇಂದು ಸಂಜೆ ಉದ್ಘಾಟನೆ ನಡೆಯಲಿದೆ.

ಟಿಕೆಟ್​ ದರ ಎಷ್ಟಿರಲಿದೆ?

ಫಲಪುಷ್ಪ ಪ್ರದರ್ಶನಕ್ಕೆ ಈಗಾಗಲೇ ದರ ನಿಗದಿ ಮಾಡಲಾಗಿದ್ದು ವಯಸ್ಕರಿಗೆ 80 ರೂ. ನಿಗದಿ ಮಾಡಲಾಗಿದೆ. ಇನ್ನು ಸಣ್ಣ ಮಕ್ಕಳಿಗೆ 30 ರೂ.ಗೆ ಟಿಕೆಟ್​ ಲಭಿಸಲಿದೆ. ಇನ್ನು ಶಾಲಾ ಮಕ್ಕಳು ಸಮವಸ್ತ್ರದಲ್ಲಿ ಶಾಲೆಯ ಐಡಿ ಕಾರ್ಡ್​ ಜತೆಗೆ ಬಂದರೆ, ಉಚಿತ ಪ್ರವೇಶ ಲಭಿಸಲಿದೆ. ಇನ್ನು ಭದ್ರತೆಯ ದೃಷ್ಟಿಯಿಂದ ಸುಮಾರು 200 ಸಿಸಿ ಕ್ಯಾಮರಾಗಳು ಹಾಗೂ 400 ಭದ್ರತಾ ಸಿಬ್ಬಂದಿಗಳನ್ನು ನಿಯೋಜಿಸಲಾಗಿದೆ ಎನ್ನಲಾಗಿದೆ.

ಇದನ್ನೂ ಓದಿ: PHOTO GALLERAY| ಲಾಲ್​ಬಾಗ್​ನಲ್ಲಿ ಫಲಪುಷ್ಪ ಪ್ರದರ್ಶನ: ಹೂವಿನಲ್ಲಿ ಕಂಗೊಳಿಸುತ್ತಿದೆ ಬೆಂಗಳೂರಿನ ಚಿತ್ರಣ!

ಎಲ್ಲೆಲ್ಲಿ ವಾಹನ ನಿಲುಗಡೆಗೆ ಮಾಡಬಹುದು?

1. ಡಾ.ಮರೀಗೌಡ ರೋಡ್
2. ಆಲ್ ಅಮೀನ್ ಕಾಲೇಜು ಅವರಣ
3. ಕೆ ಹೆಚ್ ರೋಡ್ ಶಾಂತಿನಗರ ಬಸ್ ನಿಲ್ದಾಣ
4. ಮರಿಗೌಡ ರೋಡ್​ನಲ್ಲಿ ಬೈಕ್ ಮತ್ತು ಕಾರ್ ಪಾರ್ಕಿಂಗ್ ವ್ಯವಸ್ಥೆ ಮಾಡಲಾಗಿದೆ
5. ಜೆಸಿ ರೋಡ್ ಕಾರ್ಪೊರೇಷನ್​ನ ಪಾರ್ಕಿಂಗ್ ಸ್ಥಳ

ಇದನ್ನೂ ಓದಿ: ಲಾಲ್​ಬಾಗ್​ನಲ್ಲಿ ಅಪ್ಪು ಪುತ್ಥಳಿ ಅನಾವರಣ- ಕರ್ನಾಟಕ ರತ್ನ ಪ್ರಶಸ್ತಿ ಡೇಟ್​ ಫಿಕ್ಸ್​: ಸಿಎಂ ಘೋಷಣೆ

ವಾಹನ ನಿಲುಗಡೆಯನ್ನು ಎಲ್ಲೆಲ್ಲಿ ನಿಷೇಧಿಸಲಾಗಿದೆ?

ಮರಿಗೌಡ ರೋಡ್ ಲಾಲ್ ಬಾಗ್ ಮುಖ್ಯದ್ವಾರದಿಂದ ನಿಮಾನ್ಸ್ ವರೆಗೆ ಎರಡೂ ರಸ್ತೆ ಬದಿ ವಾಹನ ನಿಲುಗಡೆಗೆ ನಿಷೇಧ ಹೇರಲಾಗಿದೆ. ಕೆಎಚ್ ರೋಡ್​ನಿಂದ ಶಾಂತಿ ನಗರ ಬಸ್ ನಿಲ್ದಾಣವರೆಗೂ ವಾಹನಗಳನ್ನು ನಿಲ್ಲಿಸುವಂತಿಲ್ಲ. ಸಿದ್ದಯ್ಯ ರೋಡ್, ಊರ್ವಶಿ ಥೀಯೇಟರ್ ಜಂಕ್ಷನ್ ನಿಂದ ವಿಲ್ಸನ್ ಗಾರ್ಡನ್​ವರೆಗೂ ಎಲ್ಲೂ ಪಾರ್ಕಿಂಗ್​ಗೆ ಅವಕಾಶವಿಲ್ಲ. ಅಶೋಕ ಪಿಲ್ಲರದ ನಿಂದ ಸಿದ್ದಾಪುರ ಜಂಕ್ಷನ್​ವರೆಗೆ ಹಾಗೂ ಆರ್​ವಿ ಟೀಚರ್ಸ್ ಕಾಲೇಜ್​ನಿಂದ ಆಶೋಕ್ ಪಿಲ್ಲರ್​ವರೆಗೂ ವಾಹನ ನಿಲುಗಡೆಗೆ ಅವಕಾಶವಿರುವುದಿಲ್ಲ.

https://www.vijayavani.net/major-landslide-on-the-way-to-kedarnath

https://www.vijayavani.net/are-criminals-inspired-by-farzi-webseries-to-print-notes

https://www.vijayavani.net/asi-begins-survey-in-gyanvapi-mosque-near-new-kashi-vishwanath-temple