ಒಂದು ಕಾಲದಲ್ಲಿ ನಾನು ಸಕ್ಕರೆಯಂತೆ ರುಚಿಯಲ್ಲ; ಮೆಣಸು, ಉಪ್ಪಿನಂತೆ ಅನಿವಾರ್ಯವಲ್ಲ; ನಾನು ಎಲ್ಲರಿಗಿಂತ ಕಡಿಮೆ ಎಂದು ಖಿನ್ನತೆಯಲ್ಲಿದ್ದ ಮೆಂತೆಯು ಇಂದು ನಾನೇ ಮಹಾರಾಜ ಎಂಬಂತೆ ಬೀಗುತ್ತಿದೆ. ಇದಕ್ಕೆ ಕಾರಣ ಇಂದು ಸಾಮಾನ್ಯವಾಗುತ್ತಿರುವ ಕಾಯಿಲೆಗಳು. ತಿನ್ನಲು ನಮಗಷ್ಟೇ ಕಹಿಯಲ್ಲದೇ ಎಷ್ಟೋ ಕಾಯಿಲೆಗಳಿಗೆ ಕೂಡ ಈ ಮೆಂತೆ ಕಹಿಯೇ. ಅಷ್ಟು ಅದ್ಭುತ ಔಷಧೀಯ ಗುಣಗಳು ಮೆಂತೆಗೆ ಇವೆ. ಆಯುರ್ವೆದದ ಪ್ರಕಾರ ಮೆಂತೆ ವಾತ ಮತ್ತು ಕಫ ದೋಷಗಳನ್ನು ನಿಯಂತ್ರಿಸುತ್ತದೆ. ಹಾಗಾಗಿ ಎಷ್ಟೋ ಕಾಯಿಲೆಗಳಲ್ಲಿ ಇದು ಅನುಕೂಲಕರವಾಗಿದೆ. ಮಂಡಿ ನೋವು, ಮೈಕೈ ನೋವು, ಸಂಧಿ ನೋವು, ಅಸ್ತಮಾ, ಅಜೀರ್ಣ ಮುಂತಾದ ಸಮಸ್ಯೆಗಳಲ್ಲಿ ಮೆಂತೆಯು ತುಂಬಾ ಅನುಕೂಲಕರ. ಸಾಮಾನ್ಯವಾಗಿ ಎಲ್ಲರೂ ಅಂದುಕೊಳ್ಳುವುದೇನೆಂದರೆ ಡಯಾಬಿಟೀಸ್ಗೆ ಮಾತ್ರ ಮೆಂತೆ ಒಳ್ಳೆಯದು ಎಂದು.
