ರೋಬೋಟ್​ ರೈತನಾಗಿ ಕೃಷಿ ಕೆಲಸಕ್ಕೆ ಇಳಿದರೆ ಹೇಗಿರುತ್ತೆ ಗೊತ್ತಾ? ಇಲ್ಲಿದೆ ನೋಡಿ ವೈರಲ್​ ವಿಡಿಯೋ…

ನವದೆಹಲಿ: ಇಂದಿನ ಆಧುನಿಕ ಯುಗದಲ್ಲಿ ಪ್ರತಿದಿನ ಹೊಸ ಹೊಸ ತಂತ್ರಜ್ಞಾನ ಬರುತ್ತಿರುವುದನ್ನು ನಾವು ಕಾಣುತ್ತಿದ್ದೇವೆ. ಅದರಲ್ಲೂ ಇಂದು ರೋಬೋಟಿಕ್​ ಮತ್ತು ಆರ್ಟಿಫಿಶಿಯಲ್​ ಇಂಟೆಲಿಜೆನ್ಸ್ (ಎಐ)​ ತಂತ್ರಜ್ಞಾನ ಬಹುತೇಕ ಕ್ಷೇತ್ರವನ್ನು ಆವರಿಸಿಕೊಳ್ಳುತ್ತಿದೆ. ಮನುಷ್ಯರು ಮಾಡುವ ಕೆಲಸಗಳನ್ನು ಎಐ ಮತ್ತು ರೋಬೋಟ್​ಗಳು ಸುಲಭವಾಗಿ ಮಾಡುತ್ತಿವೆ. ಈಗಾಗಲೇ ಕೆಲ ಕಂಪನಿಗಳಲ್ಲಿ ಈ ಟೆಕ್ನಾಲಜಿಗಳನ್ನು ಬಳಸಲಾಗುತ್ತಿದ್ದು, ಇದರಿಂದ ಕೆಲವರು ತಮ್ಮ ಕೆಲಸವನ್ನು ಸಹ ಕಳೆದುಕೊಂಡಿದ್ದಾರೆ. ಇದು ಹೀಗೆ ಮುಂದುವರಿದರೆ ಎಲ್ಲ ಕ್ಷೇತ್ರಗಳನ್ನು ರೋಬೋಟಿಕ್​ ಮತ್ತು ಎಐ ಆವರಿಸಿಕೊಂಡುಬಿಡುತ್ತದೆ. ಅದು ಕೃಷಿಯನ್ನು ಸಹ ಬಿಡದಿರಬಹುದು.

ಹೌದು, ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿದೆ. ಆ ವಿಡಿಯೋದಲ್ಲಿ ರೋಬೋಟ್, ರೈತನಾಗಿ ಬದಲಾದರೆ ಹೇಗಿರುತ್ತದೆ ಎಂಬುದನ್ನು ತೋರಿಸಲಾಗಿದೆ. ಈ ವೈರಲ್​ ವಿಡಿಯೋ ನೋಡಿದರೆ ಒಂದು ಕ್ಷಣ ನಿಮ್ಮ ಹುಬ್ಬೇರುವುದಂತೂ ಖಂಡಿತ.

ವೈರಲ್ ಆಗಿರುವ ವಿಡಿಯೋದಲ್ಲಿ​ ರೈತನಾಗಿರುವ ರೋಬೋಟ್ ಜಮೀನಿನಲ್ಲಿ ಕೆಲಸ ಮಾಡುತ್ತಿರುವುದನ್ನು ನೋಡಬಹುದು. ಜಮೀನಿನಲ್ಲಿ ನಾಟಿ ಮಾಡುವುದು, ಬೆಳೆಗಳಿಗೆ ನೀರುಣಿಸುವುದು, ಉಳುಮೆ ಮಾಡುವುದು, ಗೊಬ್ಬರ ಹಾಕುವುದು ಮತ್ತು ಬೆಳೆಗಳನ್ನು ಕಟಾವು ಮಾಡುವುದು ಸೇರಿದಂತೆ ರೈತರು ಮಾಡುವ ಎಲ್ಲ ಕೆಲಸವನ್ನು ರೋಬೋಟ್​ ಮಾಡುತ್ತಿದೆ.

ಟ್ವಿಟ್ಟರ್ ಖಾತೆ InterestingSTEM ನಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಭವಿಷ್ಯದ ಕೃಷಿ ಎಂದು ವಿಡಿಯೋಗೆ ಶೀರ್ಷಿಕೆ ನೀಡಲಾಗಿದೆ. ವಿಡಿಯೋವನ್ನು ಎಐ ಟೆಕ್ನಾಲಜಿ ಮೂಲಕ ಸೃಷ್ಟಿಯಾಗಿದೆ. ಸದ್ಯ ಈ ವಿಡಿಯೋ ವೈರಲ್​ ಆಗಿದ್ದು, ಈವರೆಗೂ 1 ಲಕ್ಷಕ್ಕೂ ಅಧಿಕ ವೀಕ್ಷಣೆಯನ್ನು ಕಂಡಿದೆ.

ವಿಡಿಯೋ ನೋಡಿದ ಅನೇಕ ನೆಟ್ಟಿಗರು ವಿವಿಧ ಕಾಮೆಂಟ್‌ಗಳ ಮೂಲಕ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ರೋಬೋಟ್‌ಗಳು ಎಲ್ಲವನ್ನೂ ಮಾಡಿದರೆ, "ಮನುಷ್ಯರು" ಏಕೆ ಬೇಕು? ಎಂದು ನೆಟ್ಟಿಗರೊಬ್ಬರು ಪ್ರಶ್ನೆ ಮಾಡಿದರೆ, ಭವಿಷ್ಯವು ಈ ರೀತಿ ಆಗದಿರಲಿ ಎಂದು ಮತ್ತೊಬ್ಬ ನೆಟ್ಟಿಗ ಹೇಳಿದ್ದಾರೆ. ವಿಡಿಯೋವನ್ನು ಇನ್ನು ಚೆನ್ನಾಗಿ ಎಡಿಟ್​ ಮಾಡಬೇಕಿತ್ತು ಎಂದು ಇನ್ನೋರ್ವ ನೆಟ್ಟಿಗ ನಗೆ ಚಟಾಕಿ ಹಾರಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/where-are-condoms-used-the-most-in-india-you-will-be-surprised-to-hear-the-name-of-the-state

https://www.vijayavani.net/do-you-have-v-symbol-on-your-palm-you-have-to-be-shocked-to-hear-its-meaning