ಈ ಬಗ್ಗೆ ದಾಖಲೆ ಪತ್ರಗಳನ್ನು ಪರಿಶೀಲನೆ ನಡೆಸಿದಾಗ 2017ರ ಆಗಸ್ಟ್ 9ರಂದು 40,7837 ರಿಂದ 40,9826ಕ್ಕೆ ಮುಕ್ತಾಯ ಆಗಿರುವುದು ಬೆಳಕಿಗೆ ಬಂದಿದೆ. ಕಿಡಿಗೇಡಿಗಳು ಗಾಂಧಿನಗರ ಸಬ್ ರಿಜಿಸ್ಟ್ರಾರ್ ಕಚೇರಿಗೆ ಸರ್ಕಾರ ಕೊಟ್ಟಿದ್ದ ಫ್ರಾಂಕಿಂಗ್ ಯಂತ್ರ (ನಂಬರ್ 6924) ಅನ್ನು ನಕಲಿ ಮಾಡಿ ಮಾಡಿಕೊಂಡು ಫ್ರಾಂಕಿಂಗ್ ಮಾಡಿ ಸರ್ಕಾರಕ್ಕೆ ಲಕ್ಷಾಂತರ ರೂ. ವಂಚನೆ ಮಾಡಿರುವುದು ಬೆಳಕಿಗೆ ಬಂದಿದೆ. ಇದೇ ರೀತಿ ಹಲವು ಜನರಿಗೆ ನಕಲಿ ಮಿಷನ್ನಲ್ಲಿ ಫ್ರಾಂಕಿಂಗ್ ಮಾಡಿ ಸರ್ಕಾರಕ್ಕೆ ಬರಬೇಕಾಗಿದ್ದ ಆದಾಯ ಕಬಳಿಸಿರುವ ಆರೋಪಿಗಳನ್ನು ಪತ್ತೆ ಮಾಡಬೇಕೆಂದು ದೂರಿನಲ್ಲಿ ಸಬ್ ರಿಜಿಸ್ಟ್ರಾರ್ ಎಚ್.ಪಿ. ಶಶಿಕಲಾ, ಮನವಿ ಮಾಡಿದ್ದಾರೆ. ಇದರ ಮೇರೆಗೆ ಪ್ರಕರಣ ದಾಖಲು ಮಾಡಿಕೊಂಡು ತನಿಖೆ ಕೈಗೊಂಡಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.
