ಜಮ್ಮು ಮತ್ತು ಕಾಶ್ಮೀರದಲ್ಲಿ ಹೆಚ್ಚುತ್ತಿರುವ ಭಯೋತ್ಪಾದನೆ ಕೃತ್ಯ, ಮಣಿಪುರ ಪರಿಸ್ಥಿತಿ, ರೈಲು ಅಪಘಾತಗಳು, ನಿರುದ್ಯೋಗ ಮತ್ತು ಬೆಲೆಯೇರಿಕೆ ಕುರಿತೂ ಚರ್ಚೆ ಅಗತ್ಯವೆಂದು ಪಕ್ಷಗಳು ಆಗ್ರಹಿಸಿದವು. ಇದುವರೆಗಿನ ಸಂಪ್ರದಾಯವನ್ನು ಮುರಿದ ಸರ್ಕಾರ, ಚಿಕ್ಕ ಪುಟ್ಟ ಪಕ್ಷಗಳನ್ನು ಕೂಡ ಸಭೆಗೆ ಆಹ್ವಾನಿಸುವ ಮೂಲಕ ರಾಜಕೀಯವಾಗಿ ಅವುಗಳನ್ನು ತಲುಪುವ ಆಕಾಂಕ್ಷೆಯನ್ನು ಪ್ರದರ್ಶಿಸಿತು. ಎಲ್ಲ ವಿಷಯಗಳನ್ನು ರ್ಚಚಿಸಲು ಸರ್ಕಾರ ಸಮ್ಮತಿಸಿತಾದರೂ ಎಲ್ಲವೂ ನಿಯಮಗಳಿಗೆ ಅನುಗುಣವಾಗಿರುವುದು ಅಗತ್ಯ ಎಂದು ಸಂಸದೀಯ ವ್ಯವಹಾರಗಳ ಸಚಿವ ಕಿರಣ್ ರಿಜಿಜು ಖಡಕ್ಕಾಗಿ ಹೇಳಿದರು. ಕಲಾಪಗಳನ್ನು ಸುಗಮವಾಗಿ ನಡೆಸಲು ಎಲ್ಲ ಪಕ್ಷಗಳ ಸಹಕಾರ ಕೋರಿದ ರಿಜಿಜು, ಇದು ಸಾಮೂಹಿಕ ಹೊಣೆಗಾರಿಕೆ ಆಗಿದೆ ಎಂದು ಪ್ರತಿಪಾದಿಸಿದರು.
