ಧ್ಯಾನದ ಪರಿವರ್ತಕ ಶಕ್ತಿಯನ್ನು ಗುರುತಿಸಿದ ವಿಶ್ವಸಂಸ್ಥೆಯು ಒಂದು ಐತಿಹಾಸಿಕ ಹೆಜ್ಜೆಯಾಗಿ, ಡಿಸೆಂಬರ್ 21 ಅನ್ನು `ವಿಶ್ವ ಧ್ಯಾನ ದಿನ’ ಎಂದು ಘೋಷಿಸಿದೆ. ಇಂದಿನ ಜಗತ್ತಿನಲ್ಲಿ ಇದರ ಮಹತ್ವವನ್ನು ಒತ್ತಿ ಹೇಳುವ ಸಂದೇಶವನ್ನು ಸದ್ಗುರುಗಳು ಹಂಚಿಕೊಂಡಿದ್ದಾರೆ.
Xನಲ್ಲಿ ಸದ್ಗುರುಗಳ ಸಂದೇಶ, “ಧ್ಯಾನವೆಂಬ ಪ್ರಕ್ರಿಯೆಯಲ್ಲಿ ನಿಮ್ಮ ಮನಸ್ಸು ಅದ್ಭುತವಾಗಿ ಕಾರ್ಯನಿರ್ವಹಿಸುವಂತೆ ಮಾಡಲು ನೀವು ಕಲಿಯುತ್ತೀರಿ. ಪ್ರಪಂಚದಾದ್ಯಂತ ತಜ್ಞರು ಮಾನಸಿಕ ಆರೋಗ್ಯದ ಸಾಂಕ್ರಾಮಿಕವೊಂದು ರೂಪುಗೊಳ್ಳುತ್ತಿದೆ ಎಂದು ಮುನ್ಸೂಚನೆ ನೀಡುತ್ತಿರುವ ಸಮಯದಲ್ಲಿ, ಮಾನಸಿಕ ಆರೋಗ್ಯ, ಭಾವನಾತ್ಮಕ ಸ್ಥಿರತೆ ಮತ್ತು ಸಮತೋಲನವನ್ನು ಸೃಷ್ಟಿಸುವ ಸಾಧನವಾಗಿ ವಿಶ್ವಸಂಸ್ಥೆಯು ಧ್ಯಾನವನ್ನು ಗುರುತಿಸಿರುವುದು ಶ್ಲಾಘನೀಯ. ಭೂಮಿಯ ಮೇಲಿನ ಪ್ರತಿಯೊಬ್ಬರೂ ಮನಸ್ಸಿನ ಅದ್ಭುತ ( ಮಿರಾಕಲ್ ಆಫ್ ಮೈಂಡ್)ಅನ್ನು ಅನುಭವಿಸಬೇಕು ಎನ್ನುವುದು ನನ್ನ ಆಶಯ ಮತ್ತು ಆಶೀರ್ವಾದ. ಇದನ್ನು ಸಾಕಾರಗೊಳಿಸೋಣ.”
ಸದ್ಗುರುಗಳು “ಡಿಸೆಂಬರ್ 21 ಅನ್ನು ‘ವಿಶ್ವ ಧ್ಯಾನ ದಿನ’ ಎಂದು ಘೋಷಿಸಿರುವುದು ಮಹತ್ವದ ಹೆಜ್ಜೆ, ಏಕೆಂದರೆ ಮಾನವೀಯತೆ ಇಂದು ಎದುರಿಸುತ್ತಿರುವ ಅತ್ಯಂತ ದೊಡ್ಡ ಸಮಸ್ಯೆಗಳೆಂದರೆ ಮಾನಸಿಕ ಸ್ಥಿರತೆ, ಸಮತೋಲನ ಮತ್ತು ಆರೋಗ್ಯದ ಬಗ್ಗೆ” ಎಂದ ಸದ್ಗುರುಗಳು, “ತಜ್ಞರು ಮಾನಸಿಕ ಆರೋಗ್ಯದ ಸಾಂಕ್ರಾಮಿಕವೊಂದರ ಮುನ್ಸೂಚನೆ ನೀಡುತ್ತಿರುವ ಈ ಸಮಯದಲ್ಲಿ, ವಿಶ್ವಸಂಸ್ಥೆಯು ಮಾನಸಿಕ ಆರೋಗ್ಯ, ಭಾವನಾತ್ಮಕ ಸ್ಥಿರತೆ ಮತ್ತು ಸಮತೋಲನವನ್ನು ಸೃಷ್ಟಿಸಲು ಧ್ಯಾನವನ್ನು ಸಾಧನವಾಗಿ ವಿಶ್ವಸಂಸ್ಥೆ ಗುರುತಿಸಿರುವುದು ಶ್ಲಾಘನೀಯ.” ಎಂದು ಹೇಳಿದರು.
ಮನಸ್ಸನ್ನು “ಒಂದು ಅತ್ಯದ್ಭುತ ಪವಾಡ" ಎಂದು ಕರೆದ ಸದ್ಗುರುಗಳು, ಮಾನವ ಮನಸ್ಸಿನ ಸಂಪೂರ್ಣ ಸಾಮರ್ಥ್ಯವನ್ನು ತೆರೆಯುವಲ್ಲಿ ಧ್ಯಾನವು ಮಹತ್ವದ ಪಾತ್ರ ವಹಿಸುತ್ತದೆ ಒತ್ತಿ ಹೇಳಿದರು. “ಸರಿಯಾದ ಸಾಧನಗಳ ಕೊರತೆಯಿಂದಾಗಿ ಅದನ್ನು ಹಲವರು ದುಃಖದ ಮೂಲವಾಗಿ ಅನುಭವಿಸುತ್ತಾರೆ, ಧ್ಯಾನವೆಂಬ ಪ್ರಕ್ರಿಯೆಯಲ್ಲಿ ನೀವು ಈ ಮನಸ್ಸನ್ನು ಅದ್ಭುತವಾಗಿ ಕಾರ್ಯನಿರ್ವಹಿಸುವಂತೆ ಮಾಡಲು ಕಲಿಯುತ್ತೀರಿ” ಎಂದರು.
