ರಕ್ಷಿತಾ ಪ್ರೇಮ್ ನಿರ್ವಣ, ಅವರ ಪತಿ ‘ಜೋಗಿ’ ಪ್ರೇಮ್ ನಿರ್ದೇಶನ, ರಕ್ಷಿತಾ ಸೋದರ ರಾಣಾ ನಾಯಕನಾಗಿ ಸ್ಯಾಂಡಲ್ವುಡ್ಗೆ ಪ್ರವೇಶಿಸಿರುವ ಪ್ರೇಮಮಯ ‘ಕೌಟುಂಬಿಕ’ ಸಿನಿಮಾ ‘ಏಕ್ಲವ್ಯು’ ಟೀಸರ್ ಪ್ರೇಮಿಗಳ ದಿನದ ಪ್ರಯುಕ್ತ ಬಿಡುಗಡೆ ಆಗಿದೆ. ಈ ಚಿತ್ರದ ಟೀಸರ್ನಲ್ಲಿ ನಾಯಕ ರಾಣಾ, ನಾಯಕಿ ರಚಿತಾ ರಾಮ್ ಬೋಲ್ಡ್ ಆಗಿಯೇ ಕಾಣಿಸಿಕೊಂಡಿದ್ದಾರೆ. ಇಬ್ಬರೂ ಸಿಗರೇಟ್ಗೆ ಬೆಂಕಿ ಹಚ್ಚಿ ಧಮ್ ಹೊಡೆಯುವ ದೃಶ್ಯದೊಂದಿಗೆ ಆರಂಭವಾಗುವ ಈ ಟೀಸರ್ ಇಬ್ಬರೂ ತುಟಿಗೆ ತುಟಿ ಹಚ್ಚಿ ಪಡ್ಡೆಗಳ ಹೃದಯದ ‘ರಿದಮ್ ಹೆಚ್ಚಿಸುವ ದೃಶ್ಯದೊಂದಿಗೆ ಕೊನೆಯಾಗುತ್ತದೆ. ಮಾತ್ರವಲ್ಲ, ‘ಈ ಹುಡ್ಗೀರು ವೆದರ್ ಇದ್ದಂಗೆ.. ಯಾವಾಗ್ ಬರ್ತಾರೆ, ಯಾವಾಗ್ ಹೋಗ್ತಾರೆ ಅಂತ ಗೊತ್ತೇ ಆಗಲ್ಲ.. ಆದ್ರೆ ಹುಡ್ಗ್ರು ವೆದರ್ ರಿಪೋರ್ಟ್ ಇದ್ದಂಗೆ.. ಇವತ್ ಬರ್ತಾಳೆ ನಾಳೆ ಬರ್ತಾಳೆ ಅಂತ ಕಾಯ್ತನೇ ಇರ್ತೀವಿ..’ ಅಂತ ನಾಯಕ ರಾಣಾ ಪ್ರೀತಿಸುವ ಹುಡುಗ-ಹುಡುಗಿಯರನ್ನು ವ್ಯಾಖ್ಯಾನಿಸುವ ಜತೆಗೆ ಪ್ರೀತಿ ಎಂದರೇನು ಎಂಬುದಕ್ಕೂ ವ್ಯಾಖ್ಯ ನೀಡಿದ್ದಾರೆ.
