2022ರ ಮೇ ತಿಂಗಳಿನಿಂದ ಇದುವರೆಗೆ ಆರು ಬಾರಿ ರೆಪೋ ದರವನ್ನು ಏರಿಕೆ ಮಾಡಲಾಗಿದ್ದು, ಒಟ್ಟಾರೆಯಾಗಿ ಶೇ. 2.5ರಷ್ಟು ಬಡ್ಡಿ ದರ ಹೆಚ್ಚಳ ಮಾಡಲಾಗಿದೆ. 2022ರ ಮೇ 4ರಂದು 40 ಮೂಲ ಅಂಕಗಳಷ್ಟು ಬಡ್ಡಿ ದರವನ್ನು ಹೆಚ್ಚಳ ಮಾಡಲಾಗಿತ್ತು. ನಂತರ 2022ರ ಜೂನ್, ಆಗಸ್ಟ್ ಮತ್ತು ಸೆಪ್ಟೆಂಬರ್ನಲ್ಲಿ ಮೂರು ಬಾರಿ ತಲಾ 50 ಮೂಲ ಅಂಕಗಳಷ್ಟು ಏರಿಸಲಾಗಿತ್ತು. ಕಳೆದ ಡಿ. 6ರಂದು 35 ಅಂಕ ಹೆಚ್ಚಳ ಮಾಡಲಾಗಿತ್ತು. ನಿರಂತರವಾಗಿ ರೆಪೊ ದರ ಹೆಚ್ಚಳ ಮಾಡಿದ ಪರಿಣಾಮದ ಹೊರೆಯನ್ನು ಸಾಲಗಾರರು ಅನುಭವಿಸುತ್ತ ಬಂದಿದ್ದರು. ಸಾಲ ಪಡೆದುಕೊಂಡ ಗ್ರಾಹಕರು ಸಾಲ ಮರುವಪಾವತಿಯ ಕಂತುಗಳ ಮೊತ್ತ ಅಥವಾ ಸಾಲ ಮರುಪಾವತಿ ಅವಧಿ ಸಾಕಷ್ಟು ಹೆಚ್ಚಳವನ್ನು ಕಂಡಿತ್ತು. ಇದೇ ವೇಳೆ ಬ್ಯಾಂಕ್ಗಳಲ್ಲಿನ ಇಡುವ ಠೇವಣಿಗಳ ಮೇಲಿನ ಬಡ್ಡಿ ದರವೂ ಸ್ವಲ್ಪ ಪ್ರಮಾಣದಲ್ಲಿ ಏರಿಕೆ ಕಂಡಿತ್ತು.
