ಗೂಗಲ್ ಪ್ಲೇಸ್ಟೋರ್ನಲ್ಲಿ ಡಿಜಿಟಲ್ ಸಾಲ ಅಪ್ಲಿಕೇಷನ್ಗಳು ನೂರಾರು ಸಂಖ್ಯೆಯಲ್ಲಿವೆ. ಇದರಲ್ಲಿ ಬೆರಳೆಣಿಕೆಯಷ್ಟು ಮಾತ್ರ ಆರ್ಬಿಐ ಅನುಮೋದನೆ ಪಡೆದುಕೊಂಡಿವೆ. ನಿಯಮ ಉಲ್ಲಂಘನೆ ಆರೋಪದಲ್ಲಿ ಗೂಗಲ್ ಪ್ಲೇಸ್ಟೋರ್ನಿಂದ 200ಕ್ಕೂ ಅಧಿಕ ಆಪ್ಗಳನ್ನು ತೆಗೆದುಹಾಕಿದ್ದರೂ ಇವುಗಳ ಹಾವಳಿಗೆ ಕಡಿವಾಣ ಸಾಧ್ಯವಾಗಿಲ್ಲ. ಫೇಸ್ಬುಕ್, ಇನ್ಸ್ಟಾಗ್ರಾಂನಂತಹ ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತೆ ಸಕ್ರಿಯವಾಗುತ್ತಿವೆ. ಇಂತಹ ಆಪ್ಗಳಲ್ಲಿ ಸಾಲ ಪಡೆಯುವುದು ತೀರ ಅಪಾಯಕಾರಿ. ಅನಿವಾರ್ಯ ಸಂದರ್ಭಗಳಲ್ಲಿ, ಒತ್ತಡದ ಪರಿಸ್ಥಿತಿಗಳಲ್ಲಿ ಸಾಲ ಪಡೆದುಕೊಂಡು ಜನರು ಮೋಸದ ಜಾಲಕ್ಕೆ ಸಿಲುಕುತ್ತಿದ್ದಾರೆ. ಸುಲಭವಾಗಿ, ಶೀಘ್ರವಾಗಿ ಸಾಲ ನೀಡುವ ಆಮಿಷ ಒಡ್ಡುವ ಈ ಆಪ್ಗಳನ್ನು ನಿರ್ವಹಿಸುವವರು ಹೆಚ್ಚಿನ ಬಡ್ಡಿ ದರ ವಿಧಿಸಿ ಸುಲಿಗೆ ಮಾಡುತ್ತಿದ್ದಾರೆ. ಇಎಂಐ ಪಾವತಿಸದವರಿಗೆ ಬ್ಲಾ್ಯಕ್ವೆುೕಲ್ ಮಾಡಲೂ ಹೇಸುವುದಿಲ್ಲ. ಇವರ ಕಿರುಕುಳ ತಾಳಲಾರದೆ ಆತ್ಮಹತ್ಯೆ ಮಾಡಿಕೊಂಡಿರುವ ಪ್ರಕರಣಗಳೂ ವರದಿಯಾಗಿವೆ.
