30 ನಿಮಿಷಗಳಲ್ಲಿ ಮನೆಯಲ್ಲೇ ಸುಲಭವಾಗಿ ತಯಾರಿಸಿ ಬಿಸಿ ಬಿಸಿಯಾದ ಬಿಸ್ಕತ್​! |Recipe

Recipe:  ಇಂದಿನ ದಿನಗಳಲ್ಲಿ ಅನೇಕರು ಮಾರುಕಟ್ಟೆಯಲ್ಲಿ ಸಿಗುವಂತಹ ವಿವಿಧ ಬಿಸ್ಕತ್​ಗಳ ಮಾರು ಹೋಗುತ್ತಿದ್ದಾರೆ. ಇನ್ನು ಕೆಲವೊಬ್ಬರು ಬಿಸ್ಕತ್​ ಸೇವಿಸುವುದರಿಂದ ಮಧುಮೇಹ ಕಾಯಿಲೆಗೆ ಒಳಗಾಗುತ್ತಾರೆ ಎಂದು ತಿಳಿದು ಆಸೆ ಇದ್ದರೂ ಬಾಯನ್ನು ಕಟ್ಟಿಕೊಂಡಿರುತ್ತಾರೆ. ಇನ್ನು ಆಹಾರ ಪ್ರಿಯರು ತಮಗೆ ಇಷ್ಟವಾದ ಆಹಾರವನ್ನು ಸೇವಿಸಲು ಬಯಸುತ್ತಾರೆ. ಅಂತಹವರು ಮನೆಯಲ್ಲೇ ಸುಲಭವಾಗಿ ಈ ಪದಾರ್ಥಗಳನ್ನು ಬಳಸಿ ಬಿಸ್ಕತ್​ ಸೇವಿಸಿ..

ಬೇಕಾಗುವ ಪದಾರ್ಥಗಳು

* 1 ಕಪ್​ ಮೈದಾ ಹಿಟ್ಟು

* 1/2 ಕಪ್ ಸಕ್ಕರೆ ಪುಡಿ

* 1/2 ಕಪ್ ಬೆಣ್ಣೆ

* 1/2 ಚಮಚ ವೆನಿಲ್ಲಾ ಎಸೆನ್ಸ್

* 1/4 ಚಮಚ ಬೇಕಿಂಗ್ ಪೌಡರ್

* 1-2 ಚಮಚ ಹಾಲು

* ಒಂದು ಚಿಟಿಕೆ ಉಪ್ಪು

ಮಾಡುವ ವಿಧಾನ

ಮೊದಲು ಓವನ್​ನನ್ನು 180°C (350°F) ಗೆ ಪೂರ್ವ-ಕಾಯಿಸಿ ಬೇಕಿಂಗ್​ ಟ್ರೇಗೆ ಬೆಣ್ಣೆ ಸವರಿ ಅಥವಾ ಪಾರ್ಚ್‌ಮೆಂಟ್ ಕಾಗದ ಹಾಕಿಟ್ಟುಕೊಳ್ಳಿ. ನಂತರ ಒಂದು ಬಟ್ಟಲನ್ನು ತೆಗೆದುಕೊಂಡು ಅದಕ್ಕೆ ಮೈದಾ ಹಿಟ್ಟು, ಬೇಕಿಂಗ್​ ಪೌಡರ್​ ಹಾಗೂ ಉಪ್ಪನ್ನು ಸೇರಿಸಿ. ನಂತರ, ಬೆಣ್ಣೆ, ಸಕ್ಕರೆ ಹಾಗೂ ವೆನಿಲ್ಲಾ ಎಸೆನ್ಸ್ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.

ಎಲ್ಲಾವನ್ನು ಮಿಶ್ರಣ ಮಾಡಿದ ನಂತರ, 1-2 ಚಮಚ ಹಾಲನ್ನು ಹಾಕಿ ಹಿಟ್ಟನ್ನು ಮೆದುವಾಗಿ ಮಿಶ್ರಣ ಮಾಡಿ. ತುಂಬಾ ಒದ್ದೆಯಾಗದಂತೆ ಎಚ್ಚರಿಕೆ ವಹಿಸಿರಿ. ಇದಾದ ಬಳಿಕ ಹಿಟ್ಟನ್ನು ಸಣ್ಣ ಉಂಡೆಯನ್ನಾಗಿ ಮಾಡಿ, ನಿಮಗೆ ಬೇಕಾದ ರೀತಿಯಲ್ಲಿ ಬಿಸ್ಕತ್​ನ್ನು ಚಪ್ಪಟೆ ಮಾಡಿ, ಕುಕ್ಕೀ ಕಟ್ಟರ್​ನಿಂದ ಆಕಾರ ನೀಡಿ. ನಂತರ ತಯಾರಾದ ಬಿಸ್ಕತ್‌ಗಳನ್ನು ಬೇಕಿಂಗ್ ಟ್ರೇನಲ್ಲಿ ಸ್ವಲ್ಪ ಅಂತರದಲ್ಲಿ ಇರಿಸಿ. ಪೂರ್ವ-ಕಾಯಿಸಿದ ಒವನ್‌ನಲ್ಲಿ 180°C ಯಲ್ಲಿ 12-15 ನಿಮಿಷಗಳ ಕಾಲ ಬೇಯಿಸಿ, ಅಥವಾ ಬಿಸ್ಕತ್‌ಗಳ ಅಂಚು ತಿಳಿ ಕಂದು ಬಣ್ಣಕ್ಕೆ ತಿರುಗುವವರೆಗೆ ಬೇಯಿಸಿ. ಇದಾದ ಬಳಿಕ ಹೊರತೆಗೆದು ತಣ್ಣಗಾಗಲು ಬಿಡಿ. ಸ್ವಲ್ಪ ಸಮಯದ ನಂತರ ಸೇವಿಸಿ. (ಏಜೆನ್ಸೀಸ್​)