ಅರಕಲಗೂಡು ತಾಲೂಕಿನಲ್ಲಿ ಗುಡುಗಿದ ಭೂಮಿ: ಭೀತಿಗೊಂಡ ಜನರು

ಅರಕಲಗೂಡು: ತಾಲೂಕಿನ ಕಾಳೇನಹಳ್ಳಿ ಸೇರಿದಂತೆ ಹಲವೆಡೆ ಶುಕ್ರವಾರ ಭೂಮಿ ಕಂಪಿಸಿ ಜನರನ್ನು ಬೆಚ್ಚಿ ಬೀಳಿಸಿತು.

ತಾಲೂಕಿನ ಹಲವಾರು ಹಳ್ಳಿಗಳಲ್ಲಿ ಸಂಜೆ ೫.೨೦ರ ವೇಳೆಗೆ ಕೆಲ ಸೆಕೆಂಡುಗಳ ಕಾಲ ಭೂಮಿ ನಡುಗಿದೆ. ಭೂ ಕಂಪನಕ್ಕೆ ಮನೆಗಳು ಅಲುಗಾಡಿವೆ.

ಭಾರಿ ಶಬ್ಧ ಕೇಳಿದೊಡನೆ ಮನೆಯಿಂದ ಹೊರಬಂದ ಜನರು ಭಯ ಭೀತರಾಗಿದ್ದರು. ಹಳ್ಳಿಗಳಲ್ಲಿ ಜನರು ಗುಂಪುಗೂಡಿದರು. ಈ ರೀತಿ ಎಂದೂ ಭೂಮಿ ಗುಡುಗಿರಲಿಲ್ಲ ಎಂದು ಭೀತಿ ಹೊರ ಹಾಕಿದರು.

ಮೊದಲೇ ಕರೊನಾ ಭೀತಿಯಿಂದಿರುವ ಜನರ ಆತಂಕವನ್ನು ಈ ಘಟನೆ ಮತ್ತಷ್ಟು ಹೆಚ್ಚಿಸಿದೆ. ಮಹಿಳೆಯರು ಮಕ್ಕಳಲ್ಲಿ ಭೀತಿ ಹುಟ್ಟಿಸಿದೆ ಎಂದು ಕಾಳೇನಹಳ್ಳಿ ನಿವಾಸಿ ನಾರಾಯಣ್ ಭೂ ಕಂಪನದ ಅನುಭವವನ್ನು ಹಂಚಿಕೊಂಡರು.

ಅರಕಲಗೂಡು ಪಟ್ಟಣ, ನಿಲುವಾಗಿಲು,ರಾಮನಾಥಪುರ,ಕಾಳೇನಹಳ್ಳಿ,ಕೇರಳಾಪುರ,ಸೋಂಪುರ ಇನ್ನೂ ಹಲವು ಭಾಗಗಳಲ್ಲಿ ಭೂಮಿ ಕಂಪಿಸಿದ ಅನುಭವವಾಗಿದೆ

https://www.vijayavani.net/in-karnataka-covid-19-cases-increases-to-128-no-new-cases-in-bangalore/