ಗಳಾದ ಯೋಧರು ತಮಗೆ ಸಿಕ್ಕ ಸುಲಭ ಉಪಾಯಗಳಲ್ಲಿ ತಪ್ಪಿಸಿ ಕೊಂಡು ಓಡಿ ಹೋಗುತ್ತಿದ್ದರು. ಈಗ ಅವರೆಲ್ಲಾ ಹೊರಟು ಹೋಗಿದ್ದರಿಂದ ಸಮಾಯುಧಯುದ್ಧ ನಡೆಯುತ್ತಿದೆ.’ ‘ಈ ಸಮಾಯುಧ ಯುದ್ಧದಲ್ಲಿ ಚಕ್ರಾಯುಧಗಳನ್ನು ಧರಿಸಿದವರು ಚಕ್ರಧಾರಿಗಳೊಡನೆ, ಧನುರ್ಧಾರಿಗಳು ಧನುರ್ಧಾರಿಗಳೊಡನೆ, ಖಡ್ಗಧಾರಿಗಳು ಖಡ್ಗಧಾರಿಗಳೊಡನೆ, ಭುಶುಂಡಿ(ಒಂದು ಆಯುಧ) ಧಾರಿಗಳು ಭುಶುಂಡಿ ಧಾರಿಗಳೊಡನೆ, ಮುಸಲಧಾರಿಗಳು ಮುಸಲಧಾರಿ ಗಳೊಡನೆ, ಕುಂತಾಯುಧಧಾರಿಗಳು ಕುಂತಾಯುಧಧಾರಿಗಳೊಡನೆ, ಋಷ್ಟಿ ಆಯುಧಗಳನ್ನು ಧರಿಸಿದವರು ಋಷ್ಟಿ ಆಯುಧ ಧರಿಸಿದವ ರೊಡನೆ, ಈಟಿಯನ್ನು ಧರಿಸಿದವರು ಈಟಿಧಾರಿಗಳೊಡನೆ, ಮುದ್ಗರ ಧಾರಿಗಳು ಮುದ್ಗರಧಾರಿಗಳೊಡನೆ, ಶಕ್ತಿಧಾರಿಗಳು ಶಕ್ತಿಧಾರಿಗಳೊ ಡನೆ, ಶೂಲವಿಶಾರದರು ಶೂಲಧಾರಿಗಳೊಡನೆ, ಈಟಿಯನ್ನು ಎಸೆ ಯುವುದರಲ್ಲಿ ನಿಪುಣರಾದವರು ಅದೇರೀತಿ ನಿಪುಣರಾದವರ ಜೊತೆ, ಪರಶುಧಾರಿಗಳು ಪರಶುಧಾರಿಗಳೊಡನೆ, ಲಕುಟ(ಬಿದಿರಿನ ವಿಶಿಷ್ಟವಾದ ದಂಡ)ಧಾರಿಗಳು ಲಕುಟಧಾರಿಗಳೊಡನೆ, ಉಪಲ(ಶಿಲೆಯ ಆಯುಧ) ಧಾರಿಗಳು ಉಪಲಧಾರಿಗಳೊಡನೆ, ಪಾಶ(ಹಗ್ಗದಂತಹ ಆಯುಧ) ಧಾರಿಗಳು ಪಾಶಧಾರಿ ಸೇನೆಯೊಡನೆ, ಶಂಕು(ಒಂದುವಿಧದ ಚಿಕ್ಕ ಆಯುಧ)ಧಾರಿಗಳು ಶಂಕುಧಾರಿಗಳೊಡನೆ, ಕ್ಷುರಿಕ(ಸಣ್ಣ ಕತ್ತಿ)ಧಾರಿಗಳು ಕ್ಷುರಿಕಧಾರಿಗಳೊಡನೆ, ಭಿಂದಿಪಾಲಧಾರಿಗಳು ಭಿಂದಿಪಾಲಧಾರಿಗಳೊಡನೆ, ವಜ್ರಮುಷ್ಟಿ (ಮಲ್ಲಯುದ್ಧದಲ್ಲಿ ಮಲ್ಲರು ಕೈಗೆ ಹಾಕಿ ಕೊಳ್ಳುವ ಲೋಹಮಯವಾದ ಕೀಲಕವುಳ್ಳ ಆಯುಧ)ಧಾರಿಗಳು ವಜ್ರಮುಷ್ಟಿಧಾರಿಗಳೊಡನೆ, ಅಂಕುಶಧಾರಿಗಳು ಅಂಕುಶ ಯುದ್ಧಕುಶಲರಾದ ವರೊಡನೆ, ಹಲಾಯುಧದಿಂದ ತಿವಿಯುವ ನಿಪುಣತೆಯುಳ್ಳವರು ಹಲಾಯುಧಧಾರಿಗಳೊಂದಿಗೆ, ತ್ರಿಶೂಲಧಾರಿಗಳು ತ್ರಿಶೂಲಧಾರಿಗಳೊಡನೆ ಯುದ್ಧಮಾಡತೊಡಗಿದರು.
