ಗಮನ ಸೆಳೆದ ನಾದೋಪಾಸನೆ
ಡಾ. ಶ್ರೀ ನಿರ್ಮಲಾನಂದನಾಥ ಸ್ವಾಮೀಜಿ ಸಾನ್ನಿಧ್ಯದಲ್ಲಿ ಶ್ರೀ ಆದಿಚುಂಚನಗಿರಿ ಮಠದಲ್ಲಿ ಬುಧವಾರ ಇಡೀ ಕಾರ್ಯಕ್ರಮದ ಜತೆಗೆ ಬೆಳಗ್ಗೆಯಿಂದ ಗಾನಯೋಗಿ ಭೈರವಿ ಕೆಂಪೇಗೌಡ ಸಂಗೀತಾ ಸಭಾದಿಂದ ಆಯೋಜಿಸಿದ್ದ ನಾದೋಪಾಸನೆ ಕಾರ್ಯಕ್ರಮ ಗಮನ ಸೆಳೆಯಿತು. ಬೆಳಗ್ಗೆಯಿಂದ ರಾತ್ರಿವರೆಗೆ ನಡೆದ ಕಾರ್ಯಕ್ರಮದಲ್ಲಿ ವಿವಿಧ ಗಣ್ಯರು, ವಿದ್ವಾಂಸರು, ಪ್ರಖ್ಯಾತ ಗಾಯಕರು ಸಂಗೀತ ಸುಧೆ ಹರಿಸಿದರು. ವಿದ್ವಾನ್ ಮಣಿ ಮತ್ತು ತಂಡದವರಿಂದ ಮಂಗಳವಾದ್ಯ ನೆರವೇರಿತು. ಬೆಂಗಳೂರಿನ ಶ್ರೀ ಆದಿಚುಂಚನಗಿರಿ ಶಾಖಾಮಠ ನಾರಾಯಣಧಾಮ ಮಕ್ಕಳಿಂದ ವೇದ ಪಾರಾಯಣ ಹಾಗೂ ಭಜನೆ ನಡೆಯಿತು. ಶ್ರೀಮಠದಲ್ಲಿ ವಿಶೇಷವಾಗಿ ಶಿವಮೊಗ್ಗದ ಕುಮಾರಿ ಮಹತಿ ಭಟ್, ರೇಖಾ ಸುಬ್ರಹ್ಮಣ್ಯಂ, ಶ್ರೇಯಸ್, ನಿಖಿಲ್ಕುಮಾರ್, ವಿದ್ವಾನ್ ಹೊಸಹಳ್ಳಿ, ಪಂಡಿತ್ ಹುಮಾಯೂನ್ ಹರ್ಲಾಪುರ್, ವಿನಾಯಕ ಭಟ್, ರಾಜೀವ್, ಶ್ರೇಯಸ್, ಹೊಸಳ್ಳಿ ಕೆ ವೆಂಕಟರಾವ್, ಶಿವರಾಜಪ್ಪ ಅವರ ಹಾರ್ಮೋನಿಯಂ ಸೇರಿ ಭಜನೆ ಹಾಗೂ ಸಂಗೀತ ಸುಧೆ ಹರಿಯಿತು.
