ಡಾ. ಪ್ರಭಾಕರ ಕೋರೆ ಜನ್ಮದಿನಾಚರಣೆ ನಿಮಿತ್ತ ಹಣ್ಣು-ಹಂಪಲ ವಿತರಣೆ

ರಾಣೆಬೆನ್ನೂರ: ಕೆಎಲ್​ಇ ಸಂಸ್ಥೆಯ ಕಾರ್ಯಾಧ್ಯಕ್ಷ ಡಾ. ಪ್ರಭಾಕರ ಕೋರೆಯವರು ಸಮಾಜಮುಖಿ ಕಾರ್ಯ, ಉತ್ತಮ ಶಿಕ್ಷಣ ಉತ್ತಮ ಆರೋಗ್ಯ ಇವೆರಡರ ವಿಚಾರವಾಗಿ ಸರ್ವತೋಮುಖ ಅಭಿವೃದ್ಧಿಗೆ ಹಗಲಿರುಳು ಶ್ರಮಿಸುತ್ತಿರುವುದು ಶ್ಲಾನೀಯ ಎಂದು ಸಂಸ್ಥೆಯ ಸ್ಥಾನಿಕ ಆಡಳಿತ ಮಂಡಳಿ ಉಪಾಧ್ಯಕ್ಷ ವಿ.ಪಿ. ಲಿಂಗನಗೌಡ್ರ ಹೇಳಿದರು.

ಕೆಎಲ್​ಇ ಸಂಸ್ಥೆಯ ಕಾರ್ಯಾಧ್ಯಕ್ಷ ಡಾ. ಪ್ರಭಾಕರ ಕೋರೆಯವರ 78ನೇ ಜನ್ಮದಿನಾಚರಣೆ ನಿಮಿತ್ತ ನಗರದ ತಾಲೂಕು ಸರ್ಕಾರಿ ಆಸ್ಪತ್ರೆಯ ರೋಗಿಗಳಿಗೆ ಹಣ್ಣು&ಹಂಪಲ ವಿತರಣೆ, ಸ್ನೇಹದೀಪ ಅಂಧ ಅಂಗವಿಕಲ ಮಕ್ಕಳಿಗೆ ಊಟ ವಿತರಣೆ ಸೇರಿ ವಿವಿಧ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ಪ್ರಮುಖರಾದ ಜಿ.ಜಿ. ಹೊಟ್ಟಿಗೌಡರ, ಈರಣ್ಣ ಅಂಗಡಿ, ಬಸವರಾಜಪ್ಪ ಪಟ್ಟಣಶೆಟ್ಟಿ, ಸುಜಿತ್​ ಜಂಬಿಗಿ, ಉಮೇಶ ಗುಂಡಗಟ್ಟಿ, ಉಮೇಶ ಹೊನ್ನಳ್ಳಿ, ಚಂದ್ರಶೇಖರ ತಿಳುವಳ್ಳಿ, ಪ್ರಭಾಕರ ಕೋರೆ ಬ್ಯಾಂಕ್​ನ ಸಿಬ್ಬಂದಿ, ರಾಜೇಶ್ವರಿ ಶಾಲೆಯ ಎಲ್ಲ ಶಿಕ್ಷಕ&ಶಿಕ್ಷಕಿಯರು ಉಪಸ್ಥಿತರಿದ್ದರು.