2016ರಲ್ಲಿ ನಿಕ್ಕಿಯ ವಿವಾಹದ ಸಂದರ್ಭದಲ್ಲಿ ವಿಪಿನ್ಗೆ ಟಾಪ್ ಮಾಡಲ್ ಸ್ಕಾರ್ಪಿಯೋ ಕಾರು, ಬುಲೆಟ್ ಬೈಕ್, ಚಿನ್ನ, ನಗದು ಕೊಡಲಾಗಿತ್ತು. ಕರ್ವಾ ಚೌತ್ ಸಂದರ್ಭದಲ್ಲೂ ಉಡುಗೊರೆಗಳನ್ನು ನೀಡಲಾಗುತ್ತಿತ್ತು. ಆದರೆ ನಮ್ಮ ಅತ್ತೆ ಮಾವ ಇದರಿಂದ ತೃಪ್ತರಾಗಿರಲಿಲ್ಲ. ವಿಪಿನ್ ಮನೆಯವರು ಇನ್ನು 36 ಲಕ್ಷ ರೂ. ವರದಕ್ಷಿಣೆ ತರುವಂತೆ ನಿರಂತರವಾಗಿ ಕಿರುಕುಳ ನೀಡುತ್ತಿದ್ದರು ಎಂದು ವಿಪಿನ್ ಸಹೋದರ ರೋಹಿತ್ನನ್ನು ವಿವಾಹವಾಗಿರುವ ನಿಕ್ಕಿ ಸಹೋದರಿ ಕಂಚನ್ ತಿಳಿಸಿದ್ದಾರೆ. ನಾವು ಬ್ಯೂಟಿ ಪಾರ್ಲರ್ ನಡೆಸುತ್ತಿದ್ದೆವು. ಇದು ಅತ್ತೆ ಮಾವನಿಗೆ ಇಷ್ಟವಿರಲಿಲ್ಲ. ಅವರು ನಾವು ಸಂಪಾದಿಸಿದ್ದನ್ನೆಲ್ಲಾ ಪಡೆದುಕೊಳ್ಳುತ್ತಿದ್ದರು. ನಮಗೆ ನಿರಂತರವಾಗಿ ಕಿರುಕುಳ ಕೊಡುತ್ತಿದ್ದರು. ನಿಕ್ಕಿಯನ್ನು ಥಳಿಸಿ ಬೆಂಕಿ ಹಚ್ಚಿದ ದಿನ ನಾನೇ ವಿಡಿಯೋ ರೆಕಾರ್ಡ್ ಮಾಡಿದ್ದೆ. ವಿಡಿಯೋ ಇಲ್ಲದಿದ್ದರೆ ಆಕೆಗೆ ಏನಾಯಿತು ಎಂಬ ಸತ್ಯ ಹೊರಗೆ ಬರುತ್ತಿರಲಿಲ್ಲ. ನನ್ನ ಸಹೋದರಿಯನ್ನು ರಕ್ಷಿಸಲು ಪ್ರಯತ್ನಿಸಿದೆ, ಆದರೆ ಆಕೆ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾಳೆ ಎಂದು ಕಂಚನ್ ಘಟನೆಯ ವಿವರ ತಿಳಿಸಿದ್ದಾರೆ.
